दलित बस्तीमा फुसको घरमा पक्की शौचालय

प्रकाशित समय 4:38 AM
ऑनलाइन सिरहा डटकम माघ १८ । जुनसुकै बस्तीमा सजिलै हेर्न सकिन्छ, विपन्न गरिब, दलित समुदायका केही व्यक्तिहरु आर्थिक कमजोर तथा मानसिक विपन्नताका ऐलानीमै बसेको हुन्छ । यो कुरा कसैबाट लुकेको छैन् । यो कुरा सबैले बुझेकै हुनुपर्दछ । सिरहा नगरपालिका–६ बसपिट्टाको दलित बस्तीमा पनि केही घरपरिवारहरु त्यसैगरी ऐलानीमा बस्दै आएका छन् । स–साना फुसको घर छन् । अधिकतर घरमा परालको छानो रहेको देख्न सकिन्छन् । घर फुसकै भएपनि चर्पी भने केही व्यक्तिहरुले पक्की नै बनाएर नियमित प्रयोग गर्दै आएका हुन् । ‘घर फुसको हुँदा त्यति समस्या हुँदैन् तर चर्पी फुसको रह्यो भने समस्या हुन सक्ने,’सिनपा–६ का शिवजी महराले भने,‘फुस चर्पी रह्यो भने बर्खायाममा ज्यादै समस्या भइरहन्छ ।’ums-1 घर पटक–पटक भत्काएर पनि बनाउन सकिन्छ तर चर्पी भत्काएर फेरी बनाउन धेरै झन्झटिलो हुने उनको तर्क छ । उनले चर्पी भत्काउन घिन लाग्ने भएकोले फेरी बनाउन मजदुर नै नपाउन सक्ने बताए । उनका अनुसार केही महिना अघि मात्र छोरा बैदेशिक राजगारमा गएको छ । ‘तत्कालको लागि साहुसँग ऋण लिएर चर्पी बनाएको छु,’उनले भने,‘छोराले पठाउने रकमले पहिलो चर्पी बनाउन लिएको ऋण नै चुक्ता गर्छु ।’ पारिवारिक श्रोतका अुनसार चर्पी बनाउन ५० हजार ऋण लिइएको छ । शिवजी मात्र हैन्, सिनपा–६बसपिट्टकी तेतरी महराले घर फुसको राखेको भएपनि चर्पी पक्की नै बनाएकी छन् । ‘सर, चर्पी बनला स महिलाके लेल बहुत निक होइत अछि से वात बुझले नै छल (चर्पी बनेपछि महिलालाई सहज हुन्छ भन्ने थाहै थिएन्,’तेतरीले भनिन्,‘तर, चर्पी बनाक प्रयोग केलाक वाद सब बात बुझमे आयल (चर्पी बनाएर प्रयोग गरेपछि मात्र यसको महत्वबारे थाहा भयो ।’ उनले केही दिन अघि ग्यास बन्दै आएको थियो तर चर्पी बनाएर प्रयोग गर्न थालेपछि त्यो निको भएको बताइन् । चर्पी बनाउन गाउँकै साहुसँग ३० हजार ऋण लिएको थप्छिन्,‘छोरा बैदेशिक रोजगारमा गएको छ उत्ताबाट आउने पैसाले ऋण चुक्ता गर्छु ।’ जग्गा अभावको कारण फुसको घरभित्रै पक्की चर्पी बनाएकी छन्,उनी । फरक अवस्था छैन्, पानो देवी महराको । श्रीमान् चलितर महरा बैदेशिक रोजगारमा गएको तीन वर्ष भइसकेको छ । बिदेशको आम्दानीले घर पक्की नबनाई चर्पी भने पक्की नै बनाएकी छन्, पानोदेवीले । सुरक्षा र दुर्गन्धबाट बच्न पक्की चर्पी बनाएको उनले तर्क गरिन् । चर्पीमा अत्यधिक पानीको प्रयोग गर्नुपर्ने भएकोले पराल कुहिएर छिट्टै गन्हाउँने गर्दछ त्यस कारण चर्पी बनाएको प्रष्ट पारिन् । दलित बस्तीमा काम गर्न समस्या हुने बाहिर चर्चा चलेको थियो तर काम गर्दै जाँदा फरक पन पाएको शहरी वातावरण व्यस्थापन समाज (युम्स)का कार्यक्रम सहायक कृष्ण भुलले बताए । उनले कुनै पनि कामलाई सफल पार्नको लागि लगनशिलता चाहिन्छ त्यसरी नै अघि बढ्दै जाँदा सामुदायको राम्रो सहयोग पाएको बताए । ‘कुरा बुझाउन नसक्दा मात्र समस्या हुन्छ,’ उनको तर्क छ । सक्नेले पक्की नसक्नेले फुसकै चर्पी बनाएर नियमित प्रयोग गर्दै आएको उनले बताउदै प्रयोगमा समस्या देखिएका व्यक्तिहरुको घरमै गएर चर्पी र त्यसको महत्वबारे सचेतीकरण गराउदै आएको उनले थपे । चर्पी र त्यसको महत्वबारे जानकारी गराउने उद्देश्यले समुदायका केही व्यक्तिहरुलाई छिमेकी जिल्ला उदयपुर भ्रमण समेत गराइएको उनले भने । संस्था नभएको भए चर्पीको महत्वबारे बुझ्नबाट बञ्चित नै हुन्थे स्थानीय महिलाहरुले बताएकी छन् । वडालाई खुल्ला दिशामुक्त गराउन रचनात्मक क्रियाकलाप मार्फत समुदायलाई सहजीकरण गर्दै आएको हो ।

लहानमा ग्लोबल आइएमई बैंकको चरम लापरबाहीको कारण सेवाग्राहीको रकम गायब

प्रकाशित समय 11:12 AM
– सन्तोष यादब
सिरहा, १६ माघ । सिरहाको लहानस्थित ग्लोबल आइएमई बैंकबाट एक सेवाग्राहीको रकम नै गायब भएको छ । सप्तरी सारश्वर-४ गौरा घर भएकी अनितादेवी रामको खाताबाट रकम गायब भएको हो ।
ग्लोबल आइएमई बैंकमा अनिताको खाता नम्बर १६०७०१०००६३८१ रहेको छ । श्रीमानले विदेशबाट पटक-पटक पठाएको रकम खातामा राखेकी थिइन् । उनको खातामा ३ लाख १० हजार रुपैंया थियो । तर, रकम झिक्न जाँदा खातामा रकम नै नभएको बैंकका कर्मचारीले बताएपछि उनी जिल्ल परिन् ।
माघ ९ गते अर्थात् आइतबार अनिता रकम झिक्न बैंक पुगेकी थिइन् । उनी भन्छिन्, ‘म बैंकमा जानेवित्तिकै आफ्नो झोलामा नागरिकता र चेकबुक खोजें । तर, भेटिन । बैंकको खाता नम्बर मसँग थियो । काउन्टरमा पुगेर खाता नम्बर एक कर्मचारीलाई दिएँ । ब्यालेन्स चेक गरिदिन आग्रह गरेँ । उनले रकम मात्र १६ हजार रहेको बताए । म त आश्चर्यमा परेँ ।’
खातामा मात्र १६ हजार रुपैंया मात्र रहेपछि अनिता बैंकका म्यानेजर विशाल गुप्तालाई भेटिन् । उनले सोधिन, ‘मेरो खाताबाट रकम कहाँ गायब भयो ?’ म्यानेजरले भने, ‘रकम तीन पटक तपाईको खाताबाट निकालिएको छ ।’
बैंक म्यानेजरको कुरा सुनेपछि उनी त झन् आश्चर्यमा परिन् । उनले भनिन्, ‘मैले रकम निकालेकी छैन् ।’
म्यानेजरले उनीसँग नागरिकता र चेक बुक मागे । तर उनीसँग न नागरिकता थियो, न त चेकबुक नै । त्यसपछि बैंकका म्यानेजरले भने, ‘तपाईको चेकबुक र नागरिकता चोरेर सायद अरुले नै रकम निकालेको हुनसक्छ ।’
बैंक म्यानेजरको कुरा सुनेपछि मात्र पीडित महिलाले पनि सोचिन -‘कसैले मेरो नागरिकता र चेकबुक चोरेर रकम झिकेछन् ।’
पीडित महिला भन्छिन्, ‘बैंकका म्यानेजरलाई सबै कुरा सुनाएपछि एकछिन बस्न भने । त्यसपछि भोलि बैंक आउन भने ।’                                                                                      स्रोत :दैनिक नेपाल 

केपी अाेलीकाे पक्षमा प्राेपाेगान्डा मच्चाउन टिम परिचालन

प्रकाशित समय 7:44 AM
ऑनलाइन सिरहा डटकम माघ १७ । मदन भण्डारी, मनमोहन अधिकारी र केपी ओली एमालेका बपौती होइनन् पत्रकार विजयकुमार पाण्डेले गत शुक्रबारको एक कार्यक्रममा भनेका थिए । पाण्डेको यो अभिव्यक्तिलाई अहिले फेसबुकमा व्यापक बनाइएको छ । एमालेको उपमहासचिवमा पराजित शंकर पोखरेलले सुरु गरेको फेसबुक अभियानलाई व्यापक बनाउन एमालेमा ओली गुटका युवाहरुलाई सर्कुलर नै गरिएको छ । ओलीले दिएका अभिव्यक्ति र गरेका कामलाई बेलाबेला यसैगरी व्यापक बनाउने गरिएको थियो । ओली राष्ट्रिय नेता हुन् भन्दै उनको देवत्वकरण गर्न एमालेमा युवाहरुको टिम नै परिचालन गर्ने गरिएको कुरा एमालेकै वरिष्ठ नेता माधवकुमार नेपालले गोप्य भेटघाटहरुमा बताउने गरेका छन् । ओलीसँग जोडिएका नराम्रो विषय हटाई राम्रो राम्रो प्रसंगहरु लिएर सामाजिक सञ्जाल प्रयोग गर्ने काम भइरहेको छ । पोखरेलको नेतृत्वमा प्रदीप ज्ञवाली, महेश बस्नेत, युवा संघका अध्यक्ष, विद्यार्थी अध्यक्ष, प्रेस चौतारीका अध्यक्षलगायतका भातृसंगठनका केही गरी एउटा प्रोपोगन्डा टिम बनाइएको छ । जसको काम ओलीलाई माथि चढाउने र अरु सबैलाई गिज्याउने गरी सामाजिक सञ्जाल प्रयोग गर्ने, देशभरका ओली गुटका कार्यकर्तालाई लाइक र कमेन्ट गर्न लगाई राष्ट्रिय सञ्चारमाध्यमलाई ओलीको पक्षमा देशव्यापी माहोल छ भनेर लबिङ गर्ने काममा सो टिम जुटेको छ । ओली गुट र नेपाल गुट देशभर झन्डै झन्डै बराबरीको हैसियतमा भए पनि ओली वरिपरिको टिमले गोयबल्स शैलीमा उनी राष्ट्रवादी नेता हुन् भनेर प्रचार गर्ने नीति लिएको छ । जनताले ओली सरकारबाट कुनै आशा गर्नुपर्ने अवस्था नै आएन । त्यतिखेरदेखि अहिलेसम्म अरुलाई दोष लगाएर पानीमाथिको ओभानो बन्ने प्रयासमा रहेका ओलीको त्यो असक्षमतालाई पूर्णरुपमा बेवास्ता गर्दै राष्ट्रिय नेता बनाउने प्रयासमा जुटेको छ, ओलीको प्रोपोगन्डा टिम । सो टिमको बेलाबेला बैठक बसेर ओलीलाई अब के बोल्न लगाउने, वैचारिक रुपमा अलग भए पनि ओलीको पक्षमा लेख्ने, बोल्ने को को छन् भनेर खोजी गरी तिनीहरुको धारणा सार्वजनिक गर्ने, एमालेका अन्य नेताहरुलाई कमजोर बनाउन र उडाउन कसरी सकिन्छ भन्नेलगायतका काम गर्ने गरेको छ ।

प्रहरी र आपराधिक समूहबीच गोली हानाहान , तीनजना घाइते

प्रकाशित समय 7:35 AM
अन्लाईन सिरहा डटकम माघ १७ । सुनसरीको खनारमा सोमबार दिउँसो प्रहरी र आपराधिक समूहबीच गोली हानाहानमा तीनजना घाइते भएका छन् ।लागूऔषधका कारोबारी समूह रहेको जानकारी पाएपछि उक्त स्थानमा पुगेको प्रहरीमाथि अपराधिक समूहले गोली चलाएपछि प्रहरीले पनि जवाफी कारवाहीमा गोली चलाएको बताएको छ ।पूर्वक्षेत्रीय प्रहरी प्रमुख डिआइजी केशरीराज घिमिरेका अनुसार आपराधिक गतिविधिमा समेत संलग्न लागूऔषधका कारोबारी रहेको सूचनाका आधारमा पुगेको प्रहरी टोली देखेर उनीहरुले गोली चलाएका थिए । त्यस क्रममा प्रहरीको मोटरसाइकलमा गोली लागेको छ । त्यसपछि प्रहरीले पनि प्रतिकारमा गोली प्रहार गरेको थियो । घाइते हुनेमा मोरङ निवासी श्रवण सरदार, करिश्मा चौधरी र सतन पासवान रहेको प्रहरीले जनाएको छ । उनीहरुलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठानमा लगिएको छ । घटनास्थलमा चारवटा पेस्तोल फेला परेको छ । सुनसरीका प्रहरी उपरीक्षक पोषराज पोखरेलका अनुसार घटनास्थलमा हतियारसहित कोरेक्सलगायतका लागूऔषधि फेला परेको छ ।घटनाबारे विस्तृत विवरण आउन बाँकी छ ।

गोलबजारमा पनि कुष्ठरोग दिवस मनाईयो

प्रकाशित समय 9:52 PM
राम नारायण पंडित, सिरहा, १७ माघ । सिरहा सहितका स्थानहरुमा ६४ औं विश्व कुष्ठरोग दिवस आइतबार मनाइएको छ । समयमा कुष्ठरोगको उपचार गरौं, अपाङ्ता हुनबाट बचौं भन्ने नाराका साथ सिरहाको गोलबजार सहित देशभर विभिन्न कार्यक्रम गरेर दिवस मनाइएको छ । अंग्रेजी वर्ष अनुसार जनवरीको अन्तिम आइतबार कुष्ठरोग दिवस मनाउने प्रचलन रहँदै आएको छ । दिबसको अबसर पारेर सिरहाको गोलबजारमा प्रभात फेरी निकालिएको थियो । प्रभातफेरी नगरको बिभिन्न भागको परिक्रमा गर्दै स्बास्थ्य चौकी गालेबजारको प्रांगणमा पुगी समापन भएको स्बास्थ्य चौकीका इन्चार्ज निरंजन शाक्यले बताए । हालसम्म सिरहामा २९ जना कुष्ठरोगी रहेको उनले बताए । यता, विश्वमा प्रत्येक वर्ष दुई लाख र नेपालमा प्रत्येक वर्ष तीन हजार मानिसमा कुष्ठ रोग देखिने गरेको छ । नेपालमा २०६५ सालमा कुष्ठरोगको निवारण भएको घोषणा गरिए पनि यसले सार्थकता भने पाउन सकेको छैन । नेपालको तराई क्षेत्रमा यो रोग धेरै देखिएको छ ।

श्रीमतिलाई जिउँदै जलाउने प्रयास, प्रहरीले गरे उद्धार

प्रकाशित समय 7:54 AM
माघ १६ । आफ्नै श्रीमतिलाई आगो लगाएर जिउंदै जलाउन खोज्ने एक जनालाई धनुषा प्रहरीले पक्राउ गरेको छ । पक्राउ पर्नेमा जनकपुर उपमहानगरपालिका वडा नं. १ बस्ने २४ वर्षिय अनिल मेस्तर रहेको जिल्ला प्रहरी कार्यालय धनुषाले जनाएको छ । मेस्तरले आफ्नै श्रीमति को शरिरभरि मट्टितेल खन्याएर जिउंदै आगो लगाउन प्रयास गरिएको बेला वडा प्रहरी कार्यालय रेल्वे स्टेशनबाट गएको प्रहरी टोलीले महिलालाई तत्काल उद्धार गरेको थियो । श्रीमतिले समयमा खाना बनाएर नदिएको झोंकमा श्रीमान र श्रीमतिबीच झगडा परेको तथा झगडा उग्र भएपछि रिसाएर अनिलले आफ्नै श्रीमतिको जीउभरि मट्टितेल खन्याएर जिउंदै जलाउने प्रयास गरेको धनुषाका प्रहरी उपरीक्षक (एसपी) लालमणी आचार्यले टुडेलाई बताए । “अनुसन्धानको प्रारम्भिक जानकारी अनुसार, अनिल र अनिलकी श्रीमति संगिता देवी मेस्तरबीच पटक–पटक झगडा हुंदै आएको छ । श्रीमतिले समयमा खाना बनाएर नदिंदा आवेगमा आएका अनिलले आफनै श्रीमति अन्दाजी २२ बर्षिय संगिता देवी मेस्तरलाई जिउंदै जलाउने प्रयास गरे तर जलाउने प्रयास भने विफल भयो ।” संगितालाई शरिरभरि मट्टितेल खन्याइरहकै अवस्थामा अनिलका ११ बर्षिय छोरा राहुत मेस्तरले तत्कालै वडा प्रहरी कार्यालय रेल्वे चौकीमा पुगेर प्रहरीलाई खवर गरे लगत्तै प्रहरी घटनास्थल पुगेर संगितालाई उद्धार गर्दै अनिललाई पक्राउ गरी जिल्ला प्रहरी कार्यालय धनुषामा बुझाएको जनाइएको छ । उपरीक्षक आचार्यले भने–“ अनिलले ढोका बन्द गरी श्रीमतिलाई जलाउने प्रयास गर्दै थियो, त्यतिकैमा हाम्रो प्रहरीको टोलीले समयमा पुगेर संगितालाई उद्धार गरे र अनिललाई पक्राउ समेत गरयो । अनिललाई अहिले जिल्ला प्रहरी कार्यालय धनुषामा अनुसन्धानको क्रममा राखिएको छ ।

उपेन्द्र यादव भन्छन्ः मधेसीलाई नेपाली नागरिक नै ठानिदैन

प्रकाशित समय 7:37 AM
माघ १६ । संघीय समाजवादी फोरम नेपालका अध्यक्ष उपेन्द्र यादवले सरकारले संसदमा प्रस्तुत गरेको संविधान संशोधन प्रस्ताव परिमार्जन गर्नुपर्ने बताएका छन् । उनले हाल संसदमा प्रस्तुत संविधान संशोधन प्रस्तावले मधेसी, आदिवासी जनजाति, थारु,  दलितलगायत उत्पीडित   समुदायको माग समेट्न नसकेको जिकिर गरे । संशोधन प्रस्तावले आन्दोलनरत उत्पीडित समुदायको माग नै समेट्न नसकेकाले परिमार्जन गरेर मात्रै पारित गर्नुपर्ने उनले बताए । तर, यही अवस्थामा संशोधन प्रस्ताव पारित भए आपूmहरुको आन्दोलन जारी रहने उनले बताए । ‘हामीले संशोधनको कुरा उठाए पनि अन्तिम विकल्प भनेको संविधान पुनर्लेखन नै हो,’ संघीय गठबन्धनका संयोजक समेत रहेका यादवले भने, ‘संविधानमा यतिधेरै त्रुटि, कमिकमजोरी छन् कि त्यसलाई जति नै सामान्य संशोधन गरे पनि पार लाग्दैन ।त्रुटिले भरिएको संविधान टालटुल गरेर नहुने उनको भनाइ थियो । उनले विभेदकारी संविधान कुनै पनि हालतमा स्वीकार नगर्ने भन्दै यादवले एकल जातीय राज्य सत्ताले जतिसुकै छलकपट रचे पनि उत्पीडित समुदायको माग र एजेन्डासँग कुनै सम्झौता नहुने प्रष्ट पारे । ‘बलजफ्ती संविधान जारी गर्दैगर्दा सशस्त्र प्रहरी लगाएर नश्लीय राज्य सत्ताले मधेशमा नरसंहार गर्यो । दुई चारजना नेताहरु बालुवाटारमा बसेर बनाएको संविधान मधेशी, आदिवासी जनजाति, थारु, दलित, महिलाको लागि हुँदैहोइन,’ आइतबार राजधानीमा आयोजित कार्यक्रममा ‘ब्ल्याक आउट’ पुस्तक विमोचन गर्दै यादवले भने, ‘उनीहरुले आफ्नै हितका लागि संविधान बनाएका हुन्, उत्पीडित समुदायको लागि होइन ।
  मधेसको मूल समस्या आन्तरिक उपनिवेश
अध्यक्ष यादवले मधेसको मूल समस्या नै आन्तरिक उपनिवेश भएको बताए । उपनिवेशको अन्त्य नै सबै समस्याको निकास भएको उनको कथन छ । ‘गोर्खा साम्राज्यको विस्तारमा उपनिवेश बनाइएका केही भागहरु र इष्ट इन्डिया कम्पनीले राणा शासकहरुलाई दिएको भागहरु छन्, मधेस त्यहीँ भूभाग हो,’ यादवले भने, ‘शासक वर्गले मधेसलाई अहिले पनि एउटा उपनिवेशकै रुपमा राखेका छन् । जसलाई हामीले आन्तरिक उपनिवेश भन्ने गरेका छौं । यसकारण मूल समस्याको जड भनेकै आन्तरिक उपनिवेश हो । 
मधेसी समुदायलाई अहिले पनि नेपाली ठानिदैन 
शासक वर्गले अहिले पनि मधेसी समुदायलाई नेपाली नागरिकको रुपमा ग्रहण नगरेको यादवले टिप्पणी गरे । औपचारिकतामा फरक कुरा देखिए पनि व्यवहारमा मधेससँग समानता र सम्मान नदेखिएले उनले बताए । ‘देखावटी रुपमा त राणा र पञ्चायत कालमै एकाध मधेसीलाई सचिव, मन्त्री वा राजनीतिक नियुक्ति गरिन्थ्यो तर, वास्तवमा राज्यसत्ताले मधेसी समुदायलाई आफू सरहको कहिल्यै स्वीकारेन, स्वीकारेको छैन,’ यादवले भने, ‘राज्यसत्ता र यहाँको एउटा खास समुदायमा रहेको विभेदकारी मानसिकता हावी रहेसम्म देशले कहिल्यै पनि शान्ति, स्थायित्व, सम्मान र सम्बृद्धि प्राप्त गर्नै सक्दैन ।

सुखिपुर नपामा बोक्सीको आरोपमा महिलालाई गाउँ निकाला, प्रहरीमा उजुरी दर्ता भएन

प्रकाशित समय 11:26 AM


सिरहा,माघ १५ गते । बोक्सीको आरोपमा सिरहा सुखिपुर नगरपालिका ४ की २५ वर्षीया कलादेवी (नाम परिवर्तन) मण्डललाई दुर्व्यहार गरी गाउँ निकाला गरेको घटना सार्वजनिक भएको छ । स्थानीय विसोप्रसाद यादब र गुमस्ता यादबले उनलाई दुर्व्यवहार गर्नुका साथै लखेटेर गाउँ निकाला गरेका छन् । विसो सुखिपुरस्थित राष्ट्रिय बाणिज्य बैंकका सहायक प्रबन्धक हुन् ।

घटना माघ ६ गतेको हो । मजदुरी गरेको बनी धान माग्न जाँदा विसोले आफ्नै घरमा बोक्सीभन्दै दुर्व्यवहार गरेको पीडित मण्डलले बताइन् । उनले भनिन्, ‘विसोले तिमी बोक्सी हौं । मेरो घर आएपछि सबै बिमार पर्छन् भन्दै दुर्व्यवहार गरेर एक्कासि कुटपिट गर्न थाल्यो । गुमस्ता पनि त्यही थियो । उनले पनि बिसोसँगै कुटपिट गर्न गरेका थिए ।’

च्यातेको साडी र चोलो देखाउँदै उनले भनिन्, ‘उनीहरूले मलाई मलमुत्र खुलाउने प्रयास गरेपनि म भाग्न खोजे । तर उनीहरु लखेटेर समातेर ६ घण्टा घरमा थुनेर राख्यो । त्यसपछि प्रहरी चौकी सुखिपुर लग्यो । त्यहाँ मलाई केही हेर्न नदिई सहीछाप लगाउन लगाई लहान पुगाए । लहान अस्पतालमा स्वास्थ्य परीक्षण गराई फेरि घर लगेर दुई दिनसम्म थुनेर राखेँ । खान समेत दिदैन्थ्यो ।’ दुई दिनपछि बिसोको घरबाट आफू भागेको र अहिले भारतमा लुकेर बसिरहेको उनले भनिन् ।

बिसोले आफूलाई ज्यान मार्ने धम्की समेत दिएको पीडित कलादेवीले गुनासो पोखिन् । अब गाउँ फर्के ज्यान लिने भनेपछि आफू गाउँ जान नपाएको बताउँदै उनले गाउँमै रहेकी ६ वर्षीया छोरीलाई पनि एक सातादेखि भेट्न नपाएको बताइन् । कलादेवीले जिल्ला प्रहरी कार्यालय सिरहा पुगेर उनीहरूमाथि उजुरी दिन जाँदा प्रहरी प्रमुख तथा एसपी शेखर कोइरालाले उजुरी दर्ता नगरेको गुनासो गरिन् ।

एसपी भन्छन्, ‘घटनाको यर्थात गुमराहमा राखियो’

सिरहाका प्रहरी प्रमुख तथा एसपी शेखर कोइरालाले पीडित भनिएकी सुखिपुरकी ती महिलाले घटनालाई गुमराहमा राखेको बताए । उनले घटनाबारे यर्थाथ बाहिर नल्याएकोले अनुसन्धान गर्न समस्या पपरेको बताउँदै घटनाको यर्थात बाहिर नआउँदा उजुरी दर्ता नगरेको स्वीकारे । उनले भने, ‘घटनाको यर्थात लुकाउने प्रयास भएको छ । यदि सही कुरा पत्ता लाग्यो भने यर्थाथ लुकाउने र झुठो उजुरी दर्ताको प्रयास गर्नेमाथि पनि कानून बमोजिम कारबाही अगाडि बढाउँछौं ।

गाउँमा फरक हल्ला

पीडित महिला रामले विस्थापित भएर भारतमा बसिरहेकी अवस्था गाउँमा भने अर्कै हल्ला चलेको छ । पीडित महिलाका देबर सन्तोष कुमार मण्डलले स्वयंम भाउजु कलादेवी ९नाम परिवर्तन० स्थानीय राजकुमार यादबसँग फरार भएको र उनैसंग बसिरहेको दावी गर्छन् । तर उनको दावी सही नरहेको पीडितको भनाइ छ । पीडित महिला घटना घटेकै दिनदेखि आफूमाथि अपराध गर्नेहरुलाई कानूनी कठघरमा उभ्याउन सम्बन्धित निकाय धाइरहेकी छन् । सभार दैनिक नेपाल

एक लाख २० हजार अपराधी अझै फरार

प्रकाशित समय 12:54 AM
अन्लाईन सिरहा डटकम माघ १३ गते । नेपाल प्रहरीले विभिन्न अपराध मुद्दामा सजाय बेरुजू राख्ने अपराधीविरुद्ध सञ्चालन गरेको विशेष (फैसला कार्यान्वयन) अभियान अन्तर्गत करिब छ हजार दुईजना पक्राउ परेका छन् ।प्रहरी प्रधान कार्यालय अपराध अनुसन्धान विभागका अनुसार पक्राउ पर्नेमा हत्या मुद्दामा जन्मकैदको फैसला पाएकादेखि बैङ्किङ ठगी मुद्दामा करिब एक अर्ब रुपियाँ जरिवाना सुनाइएका अपराधीहरू छन् । सर्वोच्च अदालत फैसला कार्यान्वयन निर्देशनालयका अनुसार विभिन्न मुद्दाका स्वदेशी तथा विदेशी गरी एक लाख २० हजार व्यक्ति फरार छन् । तीमध्ये १५ सय विदेशी नागरिक रहेको निर्देशनालयले जनाएको छ । २०७१ सालबाट सुरु गरिएको फैसला कार्यान्वयन अभियान अन्तर्गत विशेष अभियान सञ्चालन गरिएका २१ जिल्लामा तीन हजार २३, अन्य जिल्लाबाट तीन हजार २४ र केन्द्रीय अनुसन्धान ब्युरो सीआईबीले एक सय ४० भन्दा बढी व्यक्तिलाई पक्राउ गरेको छ । विभागका अनुसार सजाय बेरुजू राख्ने अपराधीको पक्राउसँगै जरिवाना तीन अर्ब ५८ करोड ८४ लाख चार हजार रुपियाँ असुल भएको छ । फैसला बेरुजू राख्ने पक्राउ परेकाहरूको जेल सजाय पाँच हजार तीन सय ६१ वर्ष एक महिना हुन आउँछ । दण्डहीनताविरुद्ध कारबाही अभियान २५ वर्ष पुराना अपराधका घटनामा संलग्न अपराधीहरू पनि पक्राउ परेका छन् । त्यस्तै कतिपय सरकारी जागिरसमेत खाइरहेको अवस्थामा पनि अपराधीहरू पक्राउ परेको प्रहरीले जनाएको छ । विभिन्न अदालतले विभिन्न समयमा सजाय फैसला सुनाइसकेका तथा फरारको सूचीमा सूचीकृत अपराधी तथा अभियुक्तहरूलाई पक्राउ गर्न कडिकडाइ गरेयता वर्षौं पुराना अपराधका घटनामा संलग्न व्यक्ति कारबाहीको दायरमा आएका हुन् । प्रहरीले त्यस्ता अपराधीका विषयमा गोप्य सूचना प्राप्त भए तत्काल प्रहरी कार्यालयमा खबर गरी सहयोग गरिदिन आग्रह गरेको खबर आजको गोरखापत्रमा समाचार छ ।

देशैभर मौसम परिवर्तन, दिनभर पानी पर्ने, उच्च हिमाली क्षेत्रमा हिमपात

प्रकाशित समय 12:43 AM
अन्लाईन सिरहा डटकम माघ १४ । काठमाडौँसहित देशका धेरै ठाउँमा अहिले पानी परिरहेको छ । उपत्यकामा अहिले हल्का वर्षा भैरहेको छ भने दिउँसोपख केही ठाउँमा जमिन भिज्ने गरी वर्षा हुने सम्भावना रहेको मौसमविदहरुले बताएका छन् । मौसमविदका अनुसार अहिले पश्चिम र सुदूरपश्चिमका धेरैजसो ठाउँमा पानी परिरहेको छ । पूर्वमा पनि आज पानी पर्नेछ । यस्तै हिमाली र उच्च पहाडी क्षेत्रमा हिमपात भइरहेको छ । मनाङ, मुस्ताङ, हुम्ला, जुम्ला, जिरीलगायत क्षेत्रमा हिमपात भएको छ । जल तथा मौसम पूर्वानुमान महाशाखाको तथ्याङ्क अनुसार धनगढीमा ७ मिलिमिटर, डडेल्धुरामा ६ मिलिमिटर, दिपायलमा ५ मिलिमिटर, वीरेन्द्रनगर र जुम्लामा २२ मिलिमिटर, नेपालगञ्जमा १ मिलिमिटर, दाङमा शून्य दशमलव ३ मिलिमिटर पानी परेको छ । पोखरा लगायत आसपासका क्षेत्रमा पनि अहिले पानी परिरहेको छ । आज पानी परेपनि शनिबारदेखि भने मौसम सफा रहनेछ । पश्चिमी वायू नेपालबाट फर्किने क्रममा रहेकाले भोलिदेखि मौसम सफा हुने महाशाखाले जनाएको छ । मध्य र पश्चिमी क्षेत्रमा प्रभाव पारेको पश्चिमी वायु बिस्तारै पूर्वतर्फ सरिरहेको मौसमविद् पोखरेलले बताउनुभयो । देशभरकै मौसम बद्ली भई धेरै ठाउँमा पानी परिरहेपनि चिसो भने नबढ्ने मौसमविद्ले बताएका छन् । ठूलो पानी पर्ने गरी प्रणाली विकास नभएकाले केही चिसो महशुस गरेपनि जाडो भने नबढ्ने उनीहरुले बताएका छन् । पानी परेपछि आकाश सफा भई तत्कालका लागि न्यूनतम तापक्रम घट्ने भए पनि फेरि तापक्रम बढ्ने छ ।

बलकवा खुला दिशामुक्त क्षेत्र घोषणा

प्रकाशित समय 12:32 PM
दिनेश्वर गुप्ता लहान १३ माघ । जेवाससीसी सिरहाको पहलमा गोलबजारको बलकवा गाउं माघ १२ गते खुला दिशामुक्त क्षेत्र घोषणा भएको छ । खानेपानी तथा सरसफाई डिभिजन कार्यालय लहानले विगत लामो समयदेखि खुला दिशामुक्त क्षेत्रको लागि काम गर्दै आएको थियो । यता, करिब ढेड महिनादेखि खानेपानी र जेवाससीसी सिरहाको संयुक्त पहलमा बलकवा गाउंमा सरसफाई सम्बन्धी कार्यक्रम गर्न थालेपछि खुला दिशामुक्त क्षेत्रतर्फ उन्मुख भएको हो । डब्बलु वाससीसी बलकवाको पनि महत्वपूर्ण भूमिकामा माघ १२ गते खुला दिशामुक्त क्षेत्र घोषणा गर्न सफल भएको छ । खानेपानी तथा डिभिजन कार्यालय लहानले २०७१ असार १६ गतेदेखि कार्यक्रम लागु गरी त्यस गाउंमा चर्पी निर्माण तथा सरसफाईको कार्यक्रम अघि बढाइएको थियो । कार्यक्रम लागु गरेको अवस्थामा ८ सय ४३ मध्ये २ सय ६० घरधुरीमा तत्कालीन अवस्थामा चर्पी प्रयोग गरी ३०.८४ मात्रको पहुंच रहेको थियो । २०७३ माघ ७ गतेसम्ममा गोलबजार ११ बलकवामा शतप्रतिशत घरमा चर्पीको पहुंच तथा प्रयोग भएपछि खुला दिशामुक्त क्षेत्र घोषणा गरिएको हो । त्यस गाउंमा सरकारी ३ र बोर्डिग स्कूल गरी चार विद्यालय रहेको छ भने दर्जनौ मठमन्दिर र मदरसा रहेको छ । खुला दिशामुक्त क्षेत्र घोषणा गर्न माघ १२ गते सिरहाका सिडियो श्रीकृष्ण श्रेष्ठका प्रमुख आतिथ्यमा कार्यक्रम भएको छ भने डिवाससीसी सिरहाका अध्यक्ष तथा जिविस सिरहाका एलडिओ सुरेश राउत, खानेपानी तथा डिभिजन कार्यालय लहानका प्रमुख राजेश कुशवाहा, नेपाल पत्रकार महासंघ सिरहाका अध्यक्ष देवकुमार यादव, डब्बलुवाससीसीका अध्यक्ष दुखी पंडित, स्वास्थ्यकर्मी पवन पंजियार, जेवाससीसी सिरहाका अध्यक्ष दिनेश्वर गुप्तालगायतले कार्यक्रममा शुभकामना मन्तव्य राखेका थिए ।
लहान सिटि जेसिजको १५ औ साधारण सभा हुदै

लहान सिटि जेसिजको १५ औ साधारण सभा हुदै

प्रकाशित समय 9:59 PM
फिरोज शेख , लहान माघ १२ -
लहान सिटी जेसीजको १५ औ साधारण सभा आज लहानको मारवाडी सेवा सदनमा हुदैछ I आज हुने साधारण सभाले वर्ष २०१७ का लागि नया कार्यसमिति चयन गर्ने छन् I शासन व्यक्तिको होइन विधिको हुनुपर्दछ । मनुस्यको बन्धुत्व भावना राष्ट्रहरुको प्रभुसत्तादेखि सर्वोपरी छ । अनी मानवताको सेवाजीवनको सर्वोत्तम कार्य हो । यी र यस्तै महान उद्देश्य र यस्तै इश्वरीय वाणीहरुलाई आत्मसात गर्न सकोस् भन्ने परिकल्पना बोकि सन् २००२ मा यो लहान सिटी जेसीजको स्थापना भएको हो । नेपाल जेसीजको २९ औ राष्ट्रिय महाधिवेशनले आफ्नो शाखाको रुपमा सम्बन्धन प्रदान गरेको थियो। स्थानीय युवा वर्गमा सामाजिक,आर्थिक, नैतिक तथा बौद्धिक बिकासका लागि समर्पित हुने भावना तथा दक्षताको वृद्धि, समाज सेवाप्रतिको संग्लाग्नाता, स्थानीय नेतृत्व, मनुष्य बीचको समझदारी र सहयोगको भावना आभिवृद्धि, सकारात्मक परिवर्तन गराउनु र भातृत्व बढाउन सदैव कतिवद्ध गराउने यो जेसीजको नीति हो ।दलगत राजनैतिक क्रियाकलापबाट तटस्थ रहेर धार्मिक र साम्प्रदायिक क्रियाकलापबाट आफ्नो संलग्नता अलग राख्नु जेसीजको तटस्थता हो ।
लहान सिटी जेसीजको स्थापनाकालको शिशु अवस्थादेखि आजसम्म आइपुग्दा सफल नेतृत्व ग्रहण गर्दै विधिको सुशासनरुप नेतृत्व हस्तान्तरणको क्रमिकतामा सन् २०१४ सम्ममा १२ औँ नेतृत्वहरुले स– सम्मानका साथ लहान सिटी जेसीजको अध्यक्षीय चयनको भार ग्रहण गर्दै आइरहेको थियो I तर विगत २ वर्ष देखि अध्यक्ष पद संगै अन्य पदका पदाधिकारी विच समझदारी न भएपछी चुनाव मार्फत नेतृत्व चयन भैरहेको छ I
यसै बीच आज हुने साधारण सभामा अध्यक्ष पदका लागि सत्यनारायण पंजियार , उमेश चौधरी र गंगा प्रशाद यादव मैदानमा छन् I उपाध्यक्षमा अमरेश कुमार महतो , अनिल कुमार महतो , अनिल कुमार साह , सतिस महासेठ , कृष्णा गुप्ता , रन्जु सिंह र हिर्दय नारायण चौधरी रहेका छन i कार्यकारी उपाध्यक्षमा बसन्त साह र अजय साह रहेका छन् i यता जनसम्पर्क अधिकारीमा फिरोज शेख र दिनेश दास मैदानमा रहेका छन् i तालिम निर्देशकमा दिपेन्द्र कुमार साह एक्लो उमेदवार हुन् i विहान ११ बजे देखि हुने उक्त सभाको निर्वाचन अधिकृतमा संस्थापक अध्यक्ष वसन्त साह रहेका छन् भने निर्वाचन समितिमा दिपेन्द्र राज सिंह र कासिंदर प्रशाद यादव रहेको २०१६का जेसिज अध्यक्ष शंकर प्रशाद गुप्ताले जानकारी दिनुभएको छ i

संशोधन प्रक्रिया अगाडि बढाउन सबै दलसँग समझदारीको प्रयास ः प्रचण्ड(फोटोफिचर)

प्रकाशित समय 9:13 AM
राम नारायण पंडित, सिरहा, ०९ माघ । नेकपा माओबादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डले संविधान संशोधन प्रक्रिया अगाडि बढाउन सबै राजनीतिक दलहरुसँग समझदारीको प्रयास भइरहेको बताएका छन् । प्रधानमन्त्री प्रचण्डले मधेशलाई बर्बाद गर्न चाहने, विखण्डित गर्न चाहने सबै मधेशका बैरी भएकोले तिनीहरुको प्रतिवाद गर्न मधेशी जनतालाई आग्रह गरे । देशलाई एकीकृत पारेर मात्र विकास र पहिचानका मुद्दालाई दरिलो पार्न सकिने भन्दै प्रधानमन्त्रीले मधेश विना पहाडको कल्पना र पहाडविना मधेशको अस्तित्व स्वीकार गर्न नसकिने जिकिर गरे । नेकपा माओवादी केन्द्रका नेता तथा पुर्वमन्त्रि विश्वनाथ साहकी आमा सागरदेवी साहको १३ औं दिनको पूण्यतिथीको अवसरमा सिरहाको गोलबजारमा आज (आईतबार) आयोजित शोकसभालाई सम्बोधन गर्दै प्रधानमन्त्रि प्रचण्डले संविधान संशोधनले दलित, मधेशी, थारु, आदिवासी जनजाति सहित मधेश, पहाड र हिमाल सबैको समस्या समाधान गर्ने भएपनि शान्ति नचाहनेहरुले संविधान संशोधन प्रक्रियालाई भाँड्न खोजेको आरोप लगाए । कार्यक्रममा नेकपा माओवादी केन्द्रका वरिष्ठ नेता नारायणकाजी श्रेष्ठले मधेश केन्द्रित दलहरुको मुद्दालाई चाँडो भन्दा चाँडो सम्बोधन गरी सबैलाई निर्वाचनतर्फ लैजाने प्रयास गर्न सरकारसँग माग गरे । यसैगरी प्रधानमन्त्रि प्रचण्डले गोलबजार ३ जम्दहस्थित तेतरियाको पर्यटकीय स्थल कुम्भीखाँडी दह क्षेत्रको मरम्मत तथा संरक्षण कार्यको शिलान्यास पनि गरे । उक्त पर्यटकीय स्थलको लागि चालु आर्थिक वर्षमा सरकारले दुई करोड ३५ लाख बजेट विनियोजन गरेको बताइएको छ । यसअघि प्रधानमन्त्री प्रचण्डले सिरहाको वस्तीपुरमा द्वन्द्वकालिन अवस्थामा शहिद तथा बेपत्ता पारिएका माओवादी कार्यकर्ताहरु रामशरण नायक, हजारी यादव, दिलीप यादव तथा रामप्रसाद यादवको शालिक अनावरण गरेका थिए ।

मेची महाकाली वैश्य पहिचान अभियानमा दहेज प्रथा न्यूनिकरण गर्न जोड

प्रकाशित समय 11:20 PM
दिनेश्वर गुप्ता लहान, ७ माघ । यत्तिबेला संबिधान संसोधन आम जनताको चाहना भएको नेकपा माओबादी केन्द्रका समानुपातिक तर्फका सांसद निशा साहले बताएका छन् । सांसद साहले अधिकार, प्रतिनिधित्व र पहिचानको सवालका साथै लोकतन्त्रलाई संस्थागत गर्नका लागि राज्यको ढुकुटी खर्च गरेर बनेको संबिधानमा सबैको अधिकार सुनिश्चित गरी मुलधारमा ल्याउंन संबिधान संसोधन आवयश्यक रहेको बताउंनुभयो । मेची महाकाली वैश्य पहिचान अभियान अन्तर्गत वैश्य सम्मेलन सिरहा लहानमा सांसद साहले जनताको गास,बास, कपासलगायत ३२ प्रकारका मौलिक हकका सवाललाई संविधानमा समावेश गरेर अघि बढियो भने देशको मुहार नै फेरिने दावी गर्नुभयो । मधेशको लागि आरक्षण होइन् जातीय जनसंख्याको आधारमा विशेष अधिकार दिनुपर्ने सांसद साहले बताउंनुभयो । अर्काे प्रसङ्गमा साहले मधेशमा दहेज प्रथा महिलाहरुका लागि अभिषाप भएकोले यसलाई न्यूनिकरण गर्नका लागि सरोकारबाला निकाय सक्रिय हुनुपर्ने बताउंनुभयो । राज्य दहेज प्रथालाई बन्देज गरेपनि यो समस्या बिकरालको रुपमा रहेको छ । मेचिदेखि महाकाली वैश्य पहिचान अभियानको प्रथम चरणको कार्यक्रम अन्तर्गत पुर्वको बिभिन्न जिल्लाहरुमा संगठन निर्माण गर्दै आज सिरहाको लहानमा आएका थिए । रामप्रसाद साहका अध्यक्षतामा भएको कार्यक्रममा व्यक्ताहरुले सिरहालगायत देश भरीका वैश्य समुदाय एक जुट भएर अघि बढियो भने सरकार घुंडा टेकेर भएपनि वैश्य समाजको हक अधिकार दिनुपर्ने बाध्य हुने बताएका थिए । राष्ट्रिय वैश्य युवा महासंघ केन्द्रिय कार्यालय काठमाण्डौको आयोजनामा संचालित कार्यक्रममा सिरहा जिल्लाका तेलि , सुडी ,रौनीयारलगायत २२ जातीका सयौंको सहभागिता रहेको थियो । सोहीक्रममा रामतलेवर साहका संयोजकत्वमा बैश्य जागरण समिति गठन गरिएको छ । सो समितिमा अशोक साह, दिनेश्वर गुप्ता, आशाराम साह, रामचन्द्र साह, श्रीदेव साह, श्याम साह, मिथलेश साह, राजकुमार साह, रामरतन साह, योगीलाल साह, हजारी साह, भरत साहलगायत छन् । कार्यक्रम राष्ट्रिय वैश्य युवा महासंघ केन्द्रिय कार्यालय काठमाण्डौका केन्द्रिय सदस्य एवंम सिरहा जिल्ला ईन्चार्ज कृष्ण प्रसाद साहका बिशेष पहलमा भएको थियो ।

रेडियोप्रति विभेद अन्त्य गर्न प्रचारक संघको सरकारसंग माग

प्रकाशित समय 11:17 PM
दिनेश्वर गुप्ता लहान ७ माघ । पत्रिकाले मासिक रुपमा लोककल्याणकारी विज्ञापन बापत पाउंने गरेको सुविधा सामुदायिक रेडियोहरुलाई पनि सोही अनुरुप सुविधा दिनुपर्ने रेडियो प्रसारक संघका केन्द्रीय अध्यक्ष सुवाष खतिवडाले बताउंनुभयो । लहानमा माघ ४ गते सामुदायिक रेडियो समादको ९ औं बार्षिकोत्सवमा अध्यक्ष खतिवडाले कम लगानीका पत्रिकालाई मासिक लोककल्याणकारी विज्ञापन वापत सरकारले रकम उपलब्ध गराउंदै आएको छ भने ठूलो लगानीक रेडियोहरुलाई बार्षिक रुपमा २०—२५ हजार उपलब्ध गराउंदे आएको छ । यस्तो विभेदको अन्त्य गर्न मेरो नेतृत्वको संघले आन्दोलन गर्नुपर्ने बताउंनुभयो । अध्यक्ष खतिवडाले सामुदायिक रेडियोहरु कार्यक्रम उत्पादन गरेर उत्पादकीय कार्य गरिरहेकोले यसलाई उद्योगको आधारमा विजुलीको महसुलमा सुविधाको व्यवस्था नगरिए चाडै आन्दोलनमा जाने बताउंनुभयो । प्रकृतिका साथीहरुद्धारा संचालित रेडियो समाद स्थापना कालदेखि नै समुदाय परिर्वतन गर्ने विभिन्न प्रकारका रेडियो कार्यक्रम , सूचना , संगीतलगायत समाचार सम्प्रेसन गर्दै आएको छ । सामुदायिक रेडियो समाद एफ.एम .१०२.६ मेगाहर्जका संचालक समिति अध्यक्ष चन्द्रनारायण चौधरी अध्यक्षतामा भएको वार्षिक उत्सवमा प्रमुख अथिती सामुदायिक रेडियो प्रसारकका अध्यक्ष सुवाष खतिवडाले पानस वती बालेर कार्यक्रमको उदघाटन गरेका थिए । अथितीहरुमा पुर्व जिल्ला शिक्षा अधिकारी मुत्तिनाथ चौधरी , सामुदायिक प्रसारक संघका केन्द्रिय अध्यक्ष टिकाजंग थापा , सामुदायिक प्रसारक संघका प्रदेश नं.२ का प्रदेश सदस्य रामभरोसी महतो , नागरिक समाजबादी पार्टीका केन्द्रिय सदस्य रामचन्द्र चौधरीलगायत राजनितीक दलका प्रतिनिधी, बुद्धिजीवि , विभिन्न संघसंस्थाका प्रतिनीधि ,पत्रकार लगायत रेडियो प्रेमीको सहभागिता रहेका थिए । कार्यक्रममा प्रमुख अथिती खतिवडाले पुर्व संचालक समितीका अध्यक्ष शम्भुलाल चौधरीलाई दोसल्ला ओढाई सम्मान गरेका थिए । कार्यक्रममा विभिन्न प्रकारका साँस्कृतिक नृत्य , गायन , लगायत प्रमाणपत्र वितरण कार्यक्रम गरेका थिए ।
लहानमा वैश्य सम्मेलन  । संबिधान संसोधन जनताको चाहना ः सांसद साहके भनाई

लहानमा वैश्य सम्मेलन । संबिधान संसोधन जनताको चाहना ः सांसद साहके भनाई

प्रकाशित समय 10:44 AM
संजय बिश्वकर्मा सिरहा ६ , माघ । अहिलेको अबस्थामा संबिधान संसोधन आम जनताको चाहना भएको नेकपा माओबादी केन्द्रका समानुपातिक तर्फका माननीय सांसद निशा साहले बताएका छन । उनले भने अधिकार, प्रतिनिधित्व र पहिचानको सवालका साथै लोकतन्त्रलाई संस्थागत गर्नका लागी राज्यको ढुकटी खर्च गरेर बनेको संबिधानमा सबैको सम्मानजनक ब्यबहारलाई समाबेश गर्न संबिधान संसोधन आब्यश्यक रहेको बताए । मेची महाकाली वैश्य पहिचान अभियान अन्तर्गत वैश्य सम्मेलनका लागी सिरहाको लहान आएका माननिय सांसद साहले प्रमुख अतिथिको आसन्न बाट बोल्दै छुटेका कुराहरु लाई संस्थागत गर्न संबिधान संसोधन आब्यश्क रहेको बताए । अर्काे प्रसङ्गमा उनले भने तराईमा दहेज प्रथा महिलाहरुका लागी अभिसाप भएकोले यसलाई उन्मुलन गर्नकालागी सबै सरोकारबाला निकायको भुमिका रहेको साथै राज्यले दहेज प्रथालाई बन्देज गरेपनी तराईमा यो समस्या बिकरालको रुपमा रहेको उनको कथन थियो । मेचि देखी महाकाली वैश्य पहिचान अभियानको प्रथम चरणको कार्यक्रम अन्तर्गत पुर्वको बिभिन्न जिल्लाहरुमा संगठन निर्माण गर्दै आज सिरहाको लहानमा आएका केन्द्रका पदाधिकारी सहित बिभिन्न जिल्लबाट वैश्य समाजका अगुवा कार्यकर्ताहरु आएका थिए । राम प्रसाद साहको अध्यक्षतामा संचालित कार्यक्रमका सिरहा देश भरीका वैश्य समुदाय एक जुट भएर सरकार समक्ष आफनो हक अधिकार लिनुपर्ने बताएका थिए । ईतिहास हेर्दा यस समुदायका मानिसहरु राज्यका उच्च ओहदामा पुगेपनी हालको संबिधानमा अधिकार सुनिश्चीता नभएको उनिहरुको कथन रहेको थियो । राष्ट्रिय वैश्य युवा महासंघ केन्द्रिय कार्यालय काठमाण्डौको आयोजनामा संचालीत कार्यक्रममा सिरहा जिल्लाका तेलि , सुडी ,रौनीयार लगायत २२ वटा जातीको सयौको सहभागिता रहेको थियो । नेपालमा लगभग २५ वटा तराईका जातीहरु यस समुदाय भित्र पर्दछ । मधेश मिडिया मिशनका केन्द्रिय अध्यक्ष एवम बरिष्ठ पत्रकार दिनेश्वर प्रसाद गुप्ताले उदघोष गरेको कार्यक्रम राष्ट्रिय वैश्य युवा महासंघ केन्द्रिय कार्यालय काठमाण्डौका केन्द्रिय सदस्य एवम जिल्ला ईन्चार्ज कृष्ण प्रसाद साहको बिशेष पहलमा कार्यक्रम भएको आयोजकले जानकारी दिनुभयो ।
बसको ठक्करबाट लहानमा एक महिलाको मृत्यु

बसको ठक्करबाट लहानमा एक महिलाको मृत्यु

प्रकाशित समय 10:26 AM
संजय कुमार बिश्वकर्मा सिरहा ६ , माघ । सिरहाको लहानमा आज स्कुल बसको ठक्करबाट एक जना महिलाको मृत्यु भएको छ । पुर्व बाट पश्चिम तर्फ जाँदै गरेको स.१क. १११ नम्बरको स्कुल बसले सोहि दिशाबाट आईरहेको साईकलमा सबार लहान ३ बस्ने ३८ बर्षीय रामपरी महतोलाई ठक्कर दिदा गम्भिर घाईते भई लहान अस्पताल लैजादै गर्दा बाटोमै मृत्यु भएको ईलाका प्रहरी कार्यालय लहानले जानकारी दिनुभएको छ । गाडी बिच सडक मै छोडी चालक फरार रहेको प्रहरीले बताएका छन । महिलाको शव पोष्टमार्टमका लागी लहान अस्पतालमा राखिएको छ ।

मधेसबिनाको काठमाडौँ कल्पना हुनै सक्दैन – प्रधानमन्त्री

प्रकाशित समय 12:47 PM
माघ ३। प्रधानमन्त्री पुष्पकमल दाहाल ‘प्रचण्ड’ले मधेसबिनाको काठमाडौँको कल्पना हुनै नसक्ने बताउनुभएको छ । आइतबार राति अबेर दुबईमा प्रवासी नेपालीले आयोजना गरेको कार्यक्रमलाई सम्बोधन गर्दै प्रधानमन्त्री दाहालले पहाड र मधेसका नाममा क्षेत्रीय ध्रुवीकरण बढ्न नहुनेमा जोड दिनुभयो । हिमाल, पहाड र तराईबीचको एकता जोगाउनु हाम्रो पहिलो दायित्व भएको उल्लेख गर्दै प्रधानमन्त्रीले कुनै जाति, क्षेत्र र समुदायलाई धकेलेर राष्ट्रियता बलियो बनाउन सकिँदैन भन्नुभयो । प्रधानमन्त्रीले भन्नुभयो– “मधेसका लागि काठमाडौँ र काठमाडौँका लागि मधेस दुवै अभिन्न रुपमा जोडिएका छन् । मधेसबिनाको काठमाडौँको कल्पना पनि गर्न सकिँदैन । सरकारले संसद्मा पेस गरेको संविधान संशोधन प्रस्ताव राष्ट्रिय एकता र अखण्डताकै लागि हो ।” सरकारको चासो आर्थिक समृद्धि र विप्रेषण महत्वपूर्ण आयोजनामा लगानी गर्नुमा रहेको प्रधानमन्त्रीले स्पष्ट पार्नुभयो । प्रधानमन्त्री दाहालले भन्नुभयो – “मेरो नेतृत्वमा सरकार बनेदेखि निरन्तर देश दौडाहामा छु । कसरी आर्थिक समृद्धि हासिल गर्न सकिन्छ, कसरी राष्ट्रिय आयोजनाहरु छिटो सम्पन्न गर्न सकिन्छ । तपाइँहरुको पसिनाबाट आर्जेको विप्रेषण कसरी सदुपयोग र लगानी गर्न सकिन्छ । यसका लागि मैले निरन्तर प्रयास गरिराखेको छु ।” नेपालमा प्राकृतिक टावर (सगरमाथा) रहेको उल्लेख गर्दै प्रधानमन्त्रीले मानव निर्मित टावर र प्राकृतिक टावरलाई जोडेर नेपालको विकास गर्न सकिन्छ भन्ने आत्मविश्वास बढेको स्पष्ट पार्नुभयो । प्रवासी नेपालीसँग प्रधानमन्त्रीले नेपाली व्यवसायीसँग अन्तक्र्रिया गर्नुभएको थियो । अन्तक्र्रियामा प्रधानमन्त्रीले भन्नुभयो – “तपाइँहरुले नेपालबाट आएर यहाँ व्यवसाय गर्नुभएको छ । हामी नेपालमा पनि लगानीको वातावरण बनाउन प्रयत्नशील छाँै । त्यसका लागि आगामी मार्च २ र ३ मा काठमाडौँमा लगानी सम्मेलन गर्दैछौँ । तपाइँहरुले पनि नेपालमा लगानीको वातावरण छ भन्ने सन्देश लैजान अनुरोध गर्छु ।” प्रधानमन्त्रीले प्रवासी नेपालीका समस्या प्रत्यक्ष बुझ्ने अवसर पाएको जानकारी दिँदै भन्नुभयो – “तपाइँहरुले आफ्ना समस्या र पीडा राख्नुभएको छ । मैले सरकारको तर्फबाट प्रवासी नेपालीका समस्या समाधानमा निरन्तर कोसिस गरिरहेको छु । अध्यागमनलाई व्यवस्थित गर्ने, गलत काम गर्ने कर्मचारीलाई कारबाही गर्ने, दुबईमा कन्सुलर कार्यालय खोल्ने विषयमा छिट्टै निर्णय लिनेछौँ । सरकार तपाइँहरुको साथमा छ, आवश्यक सहयोगका लागि सक्दो कोसिस हुनेछ ।” कार्यक्रममा ऊर्जामन्त्री जनार्दन शर्माले नेपालमा विद्युत् बजारको समस्या नरहेको भन्दै उत्पादित विद्युत् नेपालमै खपत गर्न सकिने र साझा सङ्कल्प गर्ने हो भने १५ वर्षभित्र देशलाई समृद्ध बनाउन सकिने बताउनुभयो । सो अवसरमा व्यवसायी र प्रवासी नेपाली कामदारहरुले नेपालको आर्थिक विकास र विदेशमा नेपालीले भोग्नुपरेका विविधि समस्याबारे प्रधानमन्त्रीलाई अवगत गराएका थिए ।

विद्यालयमै डोमलाई छोइछिटो

प्रकाशित समय 8:52 AM
जनकपुर,माघ ३ गते । जनकपुर उपमहानगरपालिका १ को ऐलानी जग्गामा रहेको झोपडीमा बस्ने अनिता मल्लिक डोमले आफ्ना चार छोराछोरीलाई पढाउन सक्दो प्रयत्न गरिन् ।

सामान्य लेखपढ गर्न आउने दुई छोरी र दुई छोरालाई अनिताले जनकपुरकै सरस्वती उच्च माध्यमिक विद्यालय तथा अन्य सरकारी विद्यालयमा पढ्न पठाइन् । तर छोराछोरीलाई कहिले शिक्षक त कहिले विद्यार्थीका अभिभावकले विद्यालयबाट घर पठाइदिएपछि वाक्कदिक्क भएर छोराछोरी पढाई ठूलो मान्छे बनाउने सपना उनले त्यागेकी छन् ।

ुमजदुरी गरेरै भए पनि बच्चालाई पढाउँछु भन्ने सोचेकी थिएँ । विद्यालय पठाउन कपीकलम पनि किनिदिएँु, अनिताले भनिन्, ुतर विद्यालयमा डोमका बच्चालाई अछूत भनेर हेला गरिने तथा पढ्नै नदिने वातावरण भएपछि छोराछोरी अहिले कबाड बेच्ने र फोहोर सफा गर्ने काममा लागेका छन् ।ु उनी बस्ने मिल्स एरियाको डोम बस्तीमा कोही पनि बालबालिका विद्यालय जाँदैनन् । उनीहरू घरको काम गर्ने वा फोहोरबाट कबाड छानेर बेच्ने गर्छन् ।
संविधानले कुनै व्यक्ति वा समुदायमाथि छुवाछूत गर्नुलाई दण्डनीय अपराधका रूपमा परिभाषित गरे पनि तराईका डोम समुदायले छुवाछूतकै विभेदका कारण शिक्षाबाट वञ्चित हुनुपरेको छ ।

विद्यालयमा डोम बालबालिकालाई सँगै बस्न नदिने, केही सोध्दा पनि शिक्षकले नबताउने र अन्य बालबालिकाका अभिभावकले डोम समुदायका बालबालिका पढाए आफ्ना छोराछोरी विद्यालयबाट छुटाउनेसम्मको चेतावनी दिने गरेकाले आफ्ना बालबालिकालाई चाहेर पनि विद्यालय पठाउन गाह्रो भएको रामअधीन सदा डोम बताउँछन् । छुवाछूतकै कारण डोम, हल्खोर, मेस्तर, चमार र दुसाध जातिका बालबालिकालाई विद्यालयमा पढ्न गाह्रो हुने गरेको विनोद मेस्तरले सुनाए ।

ुनपढेकै कारण हामीले पशुकै जीवन बिताउनुपर्‍योु, विनोदले भने, ुसमाजले सधैं हेला गर्‍यो । शौचालय सफा गर्ने, लास फाल्ने, फोहोर सफा गर्ने काम गरेरै जीवन बित्नेभो ।ु आफ्ना छोराछोरी पढलेख गरी राम्रो काम गरून् भन्ने चाहना भए पनि पढ्न विद्यालयले स्थान दिने नगर्दा समस्या भएको विनोदले बताए ।

टोलैपिच्छे विद्यालय भए पनि त्यहाँ आफ्ना बालबालिकालाई अछूत भनेर पस्नसमेत नदिने गरिएकाले आफूहरूका लागि विद्यालयको केही अर्थ नै नभएको दिनेश डोमले बताए । विद्यालयको सहज पहुँच नहुँदा आफूहरूलाई पढ्नलेख्न समस्या भएको तथा अर्कोतर्फ फोहोरी भनेर समाजले हेला गर्नु निन्दनीय रहेको दिनेशको भनाइ छ ।
जनकपुर उपमहानगरपालिकामा मात्रै तीन सयभन्दा बढी डोम परिवार छ । तीमध्ये धेरैका बालबालिका विद्यालय जाँदैनन् ।

पढाइलेखाइ नहुँदा कम उमेरमै विवाह हुने र १६ वर्ष कट्न नपाउँदै बालबच्चाको बोझ बोक्नुपर्दा यो समुदायको स्वास्थ्य अवस्था पनि कमजोर हुने गरेको छ ।

अधिकांशको दैनिक मजदुरी गरी खानुपर्ने अवस्था रहेकाले बालबच्चालाई पनि कामकाजमै लगाउनुपर्ने उनीहरूको बाध्यता छ ।

अहिले केही जागरुक युवाले जनकपुरमा डोम समुदाय उत्थान केन्द्र नेपाल नामको संस्था गठन गरी अधिकारका लागि आवाज उठाउन थालेका छन् । उत्थान केन्द्रका अध्यक्ष दिनेश डोमले आफूहरूले जनकपुर उपमहानगरपालिकामा कम्तीमा एउटा दलित विद्यालय र धर्मशाला निर्माण गरी यो समुदायको जनजीवन सहज बनाउन अनुरोध गरेको बताए ।

विपन्न यो समुदाय ऐलानी जग्गामा बसोबास गर्दै आएको छ । जनकपुर उपमहानगरपालिका १ मा बस्दै आएका डोम परिवारलाई सडक विस्तारका लागि भन्दै माघ ६ भित्र हट्न निर्देशन दिइएकाले बसोबासमै पनि समस्या आएको छ । सभार अन्नर्पूणापोस्टबाट

निःशुल्क बाल स्वास्थ्य शिविर गौरको बाल मन्दिरमा सम्पन्न

प्रकाशित समय 9:36 AM
अभिमनु कुमार पटेल रौतहट २३ पुष ।रौतहटको सदरमुकाम गौरको बाल मन्दिरमा निःशुल्क स्वास्थ्य बाल शिविर संचालन भव्यताका साथ सम्पन्न भएको छ । रिपोर्टर्स क्लब नेपाल रौतहट शाखा तथा मधेश प्रदेश डटकम अनलाईनका अध्यक्ष अभिमनु कुमार पटेल र युवा समाजसेवी भाई नविन कुमार सिंहको आयोजनामा सो बाल शिविर परिक्षण कार्यक्रम सम्पन्न भएको छ ।
निःशुल्क बाल स्वास्थ्य शिविरमा नवजात शिशु तथा १८ वर्ष मुनिका बालवालिकाहरुलाई स्वास्थ्य परिक्षण पश्चात निःशुल्क औषधी समेत वितरण गरिएको छ । सो शिविर विहान ११ बजे देखि बेलुका ५ बजे सम्म बाल मन्दिरमा डा.प्रविन कुमार सिंह , डा.श्रीराम शर्मा , डा. मुन्ना राज चौहान द्धारा स्वास्थ्य परिक्षण गरिएको छ भने कार्यक्रमका प्रमुख अतिथि जनस्वास्थ्य प्रमुख डा. नवलकिशोर झाले दिप प्रज्जलन गरि उद्घाटन गर्नु भएको छ ।
सो निःशुल्क बाल स्वास्थ्य शिविर कार्यक्रममा १०० भन्दा बढी अपाङ्ग तथा ५०० भन्दा बढी दलितहरु रहेको आयोजक वर्गले जनाएका छन । सेवाग्राहीहरुमध्ये स्थानिय गौर बजारका विधालयहरुका विधार्थीहरु साथै ६० प्रतिशत भन्दा बढी ग्रामिण भेगका बाल वालिका रहेको समेत थाहा हुन आएको छ । स्वास्थ्य शिविरमा स्थानिय साथी पोली क्लीनिकका डा.आनन्द रौनियार , स्वास्थ्यकर्मीहरु , जिल्ला जनस्वास्थ्य गौरका प्रचार प्रसार प्रमुख हरेन्द्र गुप्ता , स्टार्फ नर्स लगायत सहयोगी संस्थाहरु अभियान नेपाल रौतहट , आर.डि.सि. नेपाल , वातावर तथा बाल विकास परिषद, रौतहट , ए.एच.आई.एच.एस. अस्पताल गौर ८ ,धनलक्ष्मी बचत तथा ऋण सहकारी संस्थाहरुले कार्यक्रममा सहयोग गरेका छन ।
निःशुल्क बाल स्वास्थ्य शिविरमा डाक्टरहरुबाट बाल वालिका स्वास्थ्य परिक्षण गर्दा खास गरि बाल वालिकाहरुमा देखा पर्ने रोग छात्री तथा स्वास प्रश्वास सम्बन्धी रोग बढी मात्रामा पाईएको डाक्टरहरुले पुष्टी गरेका छन ।

बिष्णुपुरमा नागरिक सचेतना केन्द्रद्धारा सरसफाई

प्रकाशित समय 9:05 AM
राम नारायण पंडित, सिरहा, २३ पौष ।सिरहाको बिष्णुपुरमा नागरिक सचेतना केन्द्रले सरसफाई गरिएको छ । नागरिक सचेतना केन्द्र बिष्णपुरको आयोजनामा सुरु गरिएको साप्ताहिक सरसफाइ कार्यक्रम अन्तर्गत शनिबार बिष्णुपुर प्र.म. ४ मा सरसफाई गरिएको छ । अबदेखि प्रत्येक शनिबारको सरसफाई गर्ने संस्थाको संयोजक नथु महराले बताए । सचेतना केन्द्रका संयोजक महराको अगुबाईमा गरिएको सरसफाइ कार्यक्रममा बिभिन्न संघ संस्थाका प्रतिनिधि, नागरिक समाज, स्थानियबासी, बुद्धिजिवी, बिद्यार्थी, शिक्षक, प्रहरी, संचारकर्मी लगायतका सहभागिता रहेको थियो ।

२० लाख भन्दा बढीको अवैध सालको काठ सहित दुई पक्राउ

प्रकाशित समय 3:18 AM
राम नारायण पंडित, सिरहा, २३ पौष । ईलाका प्रहरी कार्यालय मिर्चैयाको विशेष गस्ति टोलीले भारी परिमाणमा जंगली काठ सहित दुईजना लाई नियन्त्रणमा लिएको छ । विशेष सुचनाको आधारमा सिरहाको बडहरामाल १ रतनपुर स्थित झाडिमा परालले छोपेर लुकाईछिपाई राखेको अवस्थामा प्रहरीको विशेष टोलीले करीब २० लाख भन्दा बढी मोल बराबरको अबैध काठ बरामद गरेको हो । पक्राउ पर्नेमा स्थानीय ५० बर्षीय भोला धामी र सिरहाकै गौतारी २ बस्ने ५२ बर्षीय शिवशंकर पासवान रहेको प्रहरीले बताए । उनीहरु काठ चिरान गर्ने मजदुर रहेको प्रहरीको भनाई रहेको छ । शुक्रबार बेलुका प्रहरीले छापामारी गर्दा अन्दाजी २० लाख भन्दा बढी मूल्य बराबरको साल, साज, सिसौ लगायत बिभिन्न जातको अबैध काठ नियन्त्रयामा लिएको छ । विशेष सुराकीको आधारमा काठ भएको ठाउँमा पुग्दा ठूलो परिमाणमा काठ, काठ चिरान गर्ने आरा सहित दुईजना फेला परेको इलाका प्रहरी कार्यालय मिर्चैयाका प्रमुख डिएसपी गजुसिद्धि बज्राचार्यले जानकारी दिए । ठूलो परिमाणमा काठ रहेकाले राती देखिनै उक्त स्थानमा सेक्टर बन कार्यालय मिर्चैया र प्रहरीले पहरा दिएर वसेको डिएसपीले बज्राचार्यले बताए । सिरहामा पहिलो पटक यति ठूलो परिमाणमा काठ बरामद गरिएको सेक्टर बन कार्यालय मिचैैयाका प्रमुख झरोखी साहले दाबी गरे । काठ कसको र कहाँबाट ल्याई राखेको हो भन्नेकुराको अनुसन्धान भईरहेको प्रहरीले जनाएको छ ।

माेवाइल् पसलकाे सटर फाेडेर चाेरी गर्ने भाग्दै गर्दा पक्राउ

प्रकाशित समय 8:31 AM
जनकपुर २२ । जिल्ला धनुषा जउनपा वडा न ८ रामानन्द चोकमा सराेज मिश्रले संचालन गरेकाे SMS मोबाईल पसल गए राति अन्दाजी १ बजेकाे समयमा सटर फोडि मोबाईल ल्यापटप लगायत विभिन्न पसलका समान चोरी भएकाेमा जिल्ला प्रहरी कार्यालय धनुषााबाट खटिएकाे प्रहरी टाेलीले तत्काल खाेजतलास गर्दा चाेरी गरि भाग्दै गर्दैगरेकाे जिल्ला सिरहा मिर्चैया नपा वडा न ६ बस्ने बर्ष १९ काे दुर्गेश गाैइतलाइ पक्राउ गर्न सफल भएकाे । पक्राउ परेका गाैइतकाे साथबाट पसलबाट चाेरी भएकाे १३ थान माेवाइल सेट, १ थान ल्यापटप, ५ थान पावर बैक, लगायतका गरी अन्दाजी ४ लाख रूपैया बराबरकाे सामान बरामद गर्न प्रहरी सफल भएकाे । पक्राउ परेका गाेइतलाइ शुक्रबार नै चाेरी मुदामा म्याद थप गरी थप अनुसन्धान अगाडी बढाइएकाे छ ।
चिसोका कारण सिराहामा एक वृद्धको मृत्यु

चिसोका कारण सिराहामा एक वृद्धको मृत्यु

प्रकाशित समय 2:59 AM
पुस २२ । विगत केही दिनदेखि बढेको अत्यधिक चिसोका कारण कठ्याङ्ग्रिएर सिरहामा एक वृद्धको मृत्यु भएको छ । जाडोबाट कठ्याङ्ग्रिएर सिरहाको धनगढीमाई नगरपालिका–४ जयपुर निवासी ६५ वर्षीय रामनाथ यादवको विहिबार साँझ मृत्यु भएको प्रहरीले जनाएको छ । जिल्लाकै सन्हैठ–२ स्थित पुरानो घरबाट नयाँ घर जयपुर जाने क्रममा अत्यधिक जाडोले कठ्याङ्ग्रिएर बरीयारपट्टि चोकमा यादवको मृत्यु भएको प्रहरी चौकी बरीयारपट्टिका प्रहरी सहायक निरीक्षक दिलबहादुर दनुवारले जानकारी दिनुभयो । विगत केही दिनदेखि बढेको जाडोका कारण जिल्लाको जनजीवन कष्टकर बनेको छ । चिसोका कारण स्वास्थ्य संस्थामा निमोनिया, श्वासप्रश्वास, टाइफाइड, रुघाखोकी र कोल्ड डाइरियाका बिरामीको चाप बढ्न थालको छ । चिसोका कारण सबैभन्दा बढी बालबालिका र वृद्धवृद्धा प्रभावित भएका छन् । रासस

न्युनतम समझदारीमा संसोधन ः कानुनमन्त्रि नायक

प्रकाशित समय 9:25 AM
राम नारायण पंडित, सिरहा, २१ पौष । मुलुकलाई निकास दिन तत्काल न्युनतम समझदारीमा भएपनि संबिधान संसोधन गर्नु पर्ने न्याय, कानुन तथा संसदीय मामिला मन्त्रि अजय शंकर नायकले बताएका छन् । अहिले प्रस्ताब गरिएको संसोधन बिधेयकलाई मधेश केन्द्रित दलहरुले पनि सहयोग गरी तत्काल न्युनतम समझदारी गरेर भएपनि सहमती गर्नु पर्ने बताए । सरकार संबिधानलाई सर्बस्विकार्य बनाउन माँग अनुसार संसोधन गर्न तयार रहेको मन्त्रि नायकले दाबी गरे । विहिबार मिर्चैया नगरपालिकाको चौथों नगरपरिषदको उदघाटन गर्दै मन्त्रि नायकले स्थानिय निर्बाचन सबैको चिन्ताको बिषय बनेकोले स्थानिय निकायलाई सबल बनाउन निर्बाचन आबश्यक रहेको जिकिर गरे । देशमा बिदेशी चलखेल बढेकोले सबै शक्तिहरुले त्यसको सामना गर्नु पर्ने समेत बताए । यता, नगरपालिकाले चौथों नगरपरिषदले आर्थिक वर्ष २०७४÷०७५ का लागि ११ करोड भन्दा बढीको प्रस्ताबित आयब्याय प्रस्ताव गरेको हो । मिर्चैयाको मोहन उमाविमा भएको नीति, कार्यक्रम, बजेट तथा योजना सार्वजनिकीकरण कार्यक्रम मार्फत नगरपालिकाले आर्थिक वर्ष २०७४ र ०७५ का लागि ११ करोड ३१ लाख २१ हजार ६ सय ८० रुपैयाको प्रस्तावित आयव्यय प्रस्तुत गरेको छ । यता, चालू आर्थिक वर्ष २०७२ र ०७३ तर्फ ९ करोड ९४ लाख २३ हजार १ सय ७२ रुपैयाँ आय र ७ करोड ८५ लाख २० हजार ६ सय ८० रुपैयाको व्याय प्रस्तुत गरेको हो ।
जाडाले कठयांग्रिएर एक बृद्धको मृत्यु

जाडाले कठयांग्रिएर एक बृद्धको मृत्यु

प्रकाशित समय 1:10 AM
राम नारायण पंडित, सिरहा, २१ पौष । केहि दिनदेखि चलेको शीतलहरसगै बढेको जाडोले सिरहामा एक बृद्धको मृत्यु भएको छ । जाडोबाट कठयांग्रिएर बुधबार साँझ सिरहाको बरीयारपट्टि ५ मा एक बृद्धको मृत्यु भएको छ । मृत्यु हुनेमा धनगढीमाई नगरपालिका ४ जयपुर बस्ने अन्दाजी ६५ बर्षीय रामनाथ यादब रहेको प्रहरीले बताए । जिल्लाकै सन्हैठ २ पुरानो घरबाट नयाँ घर जयपुर जाने क्रममा अत्याधिक जाडोले कठयांग्रिएर बरीयारपट्टि चौकमा यादबको मृत्यु भएको प्रहरी चौकी बरीयारपट्टिका प्रहरी सहायक निरिक्षक दिल बहादुर दनुबारले बताए । सिरहा सहित तराईका जिल्लाहरुमा विगत केहि दिनदेखि एाकएक बढेको जाडोले जनजिवन कष्टकर बनेको छ । विहानै देखि वाक्लो हुस्सु संगै चिसो हावा चलेका कारणले जनजिबन थप प्रभाबित हुदैँ गएको छ । जाडो बढेकोले दैनिक दिनचर्या विताउन समेत समस्या भईरहेका छन् । जाडोको कारण सिरहा, सप्तरी, सुनसरी, मोरंग, झापा, धनुषा, महोतरी, सर्लाही, बारा, पर्सा लगायतका जिल्लाहरुको जनजिबन अस्तब्यस्त बनेको छ । जाडो बढेपछि खासगरी बालबालिका र वृद्धवृद्धाहरु बढि समस्यामा परेको छ । चिसो बढेसंगै सर्बसाधारणहरु न्यानो कपडा र आगो ताप्ने व्यवस्था गर्न थालेका छन् । विगतका वर्षहरुमा सम्बन्धित निकायले जिल्लाको बिभन्न स्थानहरुमा दाउरा उपलव्ध गराएर आगो बालेको भएपनि यस वर्ष मौन रहेको छ । जाडो बढेसगै स्वास्थ्य संस्थाहरुमा निमोनिया, श्वासप्रश्वास, टाइफाइड रुघाखोकी र कोल्ड डाइरेरियाका बिरामीको चाप बढ्न थालको छ भने जिल्ला प्रशासन कार्यालयले चिसोबाट नागरिकलाई जोगाउन आवश्यक गृहकार्य थालेको छ । जाडोबाट बालबालिका र वृद्ध बढी प्रभावित भएका छन् ।

मृत्युसंग लड्दै गिता ,सहयोगका लागी अपिल

प्रकाशित समय 9:40 AM
संजय बिश्वकर्मा सिरहा , २० पौस ।विगत ६ महिना देखी मुटु रोगको पिडा खपेर बसेकी गिता रामले दाताहरुलाई आफनो ज्यान बचाईदिन आग्रह गरेकी छिन् । सर्लाही जिल्ला बरहतबा नगरपालिका वडा नं. १ बस्ने गिता मुटु रोगले शारिरीक रुपमा आसाध्यै कमजोर भएकी छिन् । शहिद गंगा लाल हृदय रोग निवारण केन्द्र , पाटन अस्पताल काठमाण्डौ र भारतको सितामढी लगायत बिभिन्न अस्पतालहरुमा उपचार गराएपनि आर्थिक आभाबका कारण रोग निको नभएको उनका श्रीमान् सन्त रामले बताए । श्रीमान् रामका अनुसार मानवअधिकारको क्षेत्रमा काम गर्ने संस्था अप्शन नेपालका केन्द्रिय सदस्य नरेन्द्र ओझाको विषेश पहलमा बिभिन्न दाताहरुबाट ७५ हजार रुपैया सहयोग भएपछी थप उपचारमा सहयोग भएको साथै भको ६ धुर जग्गाा बेचेर श्रीमतीको उपचारमा अहिले सम्म तीन लाख भन्दा बढी खर्च भैसकेको बताए । गंगालालका डा. छत्तिस कुमार सिंहका सल्लाह अनुसार मुटुको एउटा भल्भमा ईन्फेक्सन भएको र पित्त थैलिमा स्टोन रहेको हुदाँ स्टोनको अप्रेसन नभईकन मुटुको अप्रेसन हुन नसक्ने भन्दै श्रीमतीको ज्यान जोगाइदिन समाजसेबा गर्ने दानबीरहरुसंग आग्रह गरेका छन् । अपे्रसनमा लगभग तिन लाख खर्च लाग्ने भएको हुँदा सहयोग गर्न चाहने महानुभावहरुले नेपाल ईन्भेष्टमेण्ट बैङ्कको खाता नं. ०४४०५०५०३१९३३१ मा रुपैया जम्मा गर्न आग्रह गरेका छन् । आर्थिक अबस्था आसाध्यै कमजोर रहेको उनको श्रीमतीको उपचारका लागी अब कुनै पनि बिकल्प बाँकी नरहेकोले दयाबान समाजसेबीलाई आग्रह गरेका छन् । सम्पर्कका लागी फोन नं. ९८५१२३४४३५ (नरेन्द्र ओझा) र ९८१५८०३४५९ (सन्त राम)

लहानमा आगलागी, दुई लाख पचास हजारको क्षती

प्रकाशित समय 8:00 AM
संजय बिश्वकर्मा लहान , १८ पौस ।। सिरहाको लहान नगरपालिका वडा नं. २२ टोल बर्छबामा बितेको राती आगलगी भएको छ । लगभग १२ बजे राती सोहि ठाउँ बस्ने बिनोद चौधरी र रामानन्नद चौधरीको गोठमा आगलगी हुदाँ २ लाख ५० हजारको क्षति भएको प्रहरीले जानाएको छ । गोठमा लगाएको घुरको कारणले आगलागी हुदाँ तिन वटा गाई , एउटा गाईको बच्चा , एउटा बाख्रा, र एउटा गोरु जलेर मरेको स्थानिय ओम प्रकाश चौधरीले जानकारी दिनुभएको छ । आगो नियन्त्रण गर्ने क्रममा गंगा देबि चौधरी लाई सामान्य रुपमा पोलिएको र कुनै मानबिय क्षती नभएको प्रत्यक्षदर्शीहरुले जनाएको छ । स्थानियबासीको पहलमा आगो नियन्त्रण भएको थियो ।

खुला दिशामुक्त संगै मधेशबाट एमाले मुक्त अभियान ः महतो

प्रकाशित समय 5:09 AM
दिनेश्वर गुप्ता लहान, १७ पौष । सद्भावना पार्टीका अध्यक्ष राजेन्द्र महतोले संविधान र संघीयताको ठूलो दुश्मन एमाले पार्टी संसद गेटमा उभिएका छन् । एमालेले संविधान संशोधन गर्न दिंदैन न त चुनाव नै हुंन दिंदैनन् बताउंनुभयो । संघीयता सफल भयो भने केपी ओलीहरुलाई कठिनाई हुने भन्दै आज लहानमा प्रेस मंच सिरहाद्धारा गरिएको पत्रकार सम्मेलनमा महतोले संविधान संशोधन र संघीयता सफल भएन भने विखण्डवादीहरुलाई बल पुग्ने र यसको जिम्मेवार एमाले लिनुपर्ने बताउंनुभयो । महतोले पहाडमा दूई तिहाई र मधेशमा एक तिहाईको संख्याको आधारमा नगरपालिका गाउंपालिकाको पूर्नसंरचनाबाट स्थानीयतहको निर्वाचन कुनै पनि हालतमा नहुने भन्दै मधेश र पहाडको बजेटिंगमा आकाश जमिनको फरक रहेकोले यस्ता विभेद अन्त्य नहुंजेल कुनै पनि निर्वाचन नहुने बताउंनुभयो । एमाले समस्या निकासको बाधक पार्टी भएकोले खुला दिशामुक्तसंगै मधेशबाट एमालेलाई मुक्त गर्ने अभियान चलाउंनुपर्छ । संसद अबरूद्ध गरेर एमालेले गैरलोकतान्त्रिक चरित्र देखाएको अध्यक्ष महतोले बताउंनुभयो । सद्भावना पार्टीका अध्यक्ष राजेन्द्र महतोले भारतको कुमाउ, गढवालबाट नेपाल छिरेका खस बाहुनहरुले मधेशको भाषा संस्कृतिमाथी प्रहार गरिरहेको भन्दै यसका शिकार हाम्रै एमाले कांग्रेसका मधेशीहरु तिनीहरुको गुलामी गरिरहेको बताउंनुभयो । महतोले भारतबाट आएका खस भाषालाई नेपालमा राष्ट्रिय भाषा बनाएर शासन गरिरहेको छ । जहां मैथिली, भोजपुरी, अबधी, थारु, हिन्दी यही भूमीको भाषा संस्कृति रहेपनि खस बाहुनहरुले दमन शोषणमा उत्रिएकोले यसको विरोधमा गम्भिर विस्फोटन हुने उहांले बताउंनुभयो । महतोले संसारमा पहिचानको लागि थोरै भाषाभाषी तथा संस्कृति समुदायले अलग शासन सत्ता चलाउंन राज्यसंग अलग भएको उदाहरण दिंदै ओली जस्ता राष्ट्रघातीहरुको क्रियाकलाप तिब्र भयो भने मधेश पनि आफ्नो सेना र सुरक्षाको लागि तयार रहने महतोले बताउंनुभयो । उहांले आफ्नो भूमीको सुरक्षाको लागि मधेशी जनता नै सेना भएर लड्न तयार रहेको दावी गर्नुभयो । सद्भावना अध्यक्ष महतोले संशोधन विधेयक जबसम्म परिमार्जन हुंदैन तबसम्म यसको कुनै महत्व नरहने भन्दै मेचीदेखि महाकालीसम्म मधेश दूई प्रदेश हुनुपर्छ बताउंनुभयो । कार्यक्रम प्रेस मञ्च सिरहा लहानका अध्यक्ष मनोज बनैताका सभाध्यक्षतामा भएको छ ।