लहानमा ट्रकको ठक्करबाट बालकको मृत्यु, दुई घाईते

प्रकाशित समय 6:28 AM
सिरहा, फाल्गुन १७। लहान नगरपालिका-२२ भोटिया टोलस्थित मंगलबार बिहान ट्रकको ठक्करबाट मोटरसाईकलमा सवार एक बालकको मृत्यु भएको छ भने दुई जना घाईते भएका छन् ।ठक्करबाट जिल्ला सिरहा लक्ष्मिपुर पतारी ६ घर भई हाल सशस्त्र प्रहरी बल सिमा सुरक्षामा कार्यरत सशस्त्र प्रहरी जवान गोपाल मंण्डलको ५ बर्षिय छोरा हेमन्त मंण्डलको मृत्यु भएको हो भने सप्रज मंडल र निजको श्रीमती उषा मंण्डल घाईते भएका छन्।पूर्व पश्चिम लोकमार्गमा पश्चिमबाट पूर्वतर्फ आँउदै गरेको ना ५ ख ५१४ नम्बरको ट्रकले बिपरित दिसाबाट आउदै गरेको को.२५ प. ८०८७ नम्बरको मोटरसाईकललाई ठक्कर दिएको थियो।ठक्करबाट घाईते उनिहरुलाई उपचारार्थ फ्रेण्डस हस्पिटल लाहान लैजाने क्रममा ५ बर्षिय मण्लको बाटोमै मृत्यु भएको थियो भने दुई जनाको सोहि हस्पिटलमा उपचार भईरहेको इलाका प्रहरी कार्यालय लहानले जनाएको छ। ठक्कर दिने ट्रक र चालकलाई इप्रका लहानको नियन्त्रणमा राखिएको छ। यसैगरी मोरङ इटहरा-५ आँपडाँडास्थित भित्री सडक खण्डमा उत्तरबाट दक्षिणतर्फ जाँदै गरेको को १४ प ८४५८ नम्बरको मोटरसाईकलको ठक्करबाट एक पैदलयात्री घाईते भएका छन्।घाईते हुँनेमा इटहरा-५ बस्ने पैदल यात्री कृष्ण प्रसाद चौलागाई रहेका छन् ।ठक्करबाट घाईते चौलागाईलाई उपचारकालागी मोटरसाईकल चालक सोहि ठाँउ बस्ने विक्रम बरालले नोबेल हस्पिटल बिराटनगर लगेको प्रहरी चौकी इटहराले जनाएको छ।

यौन दुर्व्यवहार गरेको आरोपमा महरा पक्राउ

प्रकाशित समय 9:53 PM
फिरोज शेख लहान , फागुन १७ - सिरहाको लहानमा १३ वर्षीया बालिकालाई यौन दुर्व्यवहार गरेको आरोपमा लहान नगरपालिका १२ बस्ने २५ वर्षीय विनोद महरालाई इलाका प्रहरी कार्यालय लहानले सोमबार पक्राउ गरेको छ। पीडित बालिकालाई आरोपितले फागुन १३ गते यौन दुर्व्यवहार गरेको आरोपमा पीडित परिवारले इलाका प्रहरी कार्यालय लहानमा फागुन १५ गते लिखित उजुरी दिएका थिए । पीडित पक्षको उजुरी आएपछि अनुसन्धानका लागि आरोपितलाई पक्राउ गरिएको इलाका प्रहरी कार्यालय लहानका डिएसपी हिराबहादुर पाण्डेले बताएका छन् । पीडित बालिकाको स्वास्थ्य परीक्षण लहान स्थित रामकुमार उमाप्रसाद स्मारक अस्पतालमा आइतबार भएको थियो ।

मोवाईल चार्ज गर्नेक्रममा करेन्ट लागेर एकको मृत्यु

प्रकाशित समय 9:42 PM
सिरहा, फाल्गुन १७ गते। सिरहाको गोलबजार नगरपालिका ५ मा सोमबार करेन्ट लागेर एक युवकको ज्यान गएको छ।मृत्यु हुनेमा स्थानीय बुलन महतोको १७ वर्षका छोरा कमलेशकुमार रहेका छन। कमलेशलाई सोमबार राती आफ्नै घरमा बिजुलीको होल्डरबाट मोवाईल चार्ज गर्न खोज्दा करेन्ट लागेको थियो । करेन्ट लागि गम्भीर घाइते भएका महतोलाई उपचारकालागी भूमिजा अस्पताल लैजानेक्रमा राती नै उनको मृत्यु भएको हो । इलाका प्रहरी कार्यालय गोलबजारबाट प्रहरी टोली घटनास्थलमा पुगी मृतकको शव पोष्टमार्टमका लागी लहान अस्पताल पठाइ थप अनुसन्धान गरिरहेको प्रहरीले जनाएको छ। यो समाचार सरगम खवरबाट सभार गरिएको छ

पेट्रोलियम पदार्थको कृतिम अभाव, मधेश बन्दको पनि हावा चलियो

प्रकाशित समय 9:26 PM
दिनेश्वर गुप्ता लहान, १८ फागुन । यत्तिबेला पेट्रलियम पदार्थको तस्करहरु फेरी सक्रिय भएका छन् । एक पटक मोटरसाईकलमा ट्यान्की भरेर पेट्रोल लहान ल्याएपुग्दा चोखो एक हजार लिने गरेको छ । अर्कोतीर पसलले १ सय ५० को दरमा किनेको पेट्रोल ग्राहकलाई सिधैं २ सय प्रति लिटर विक्री गरिरहेको छ । त्यो पनि पाउंन कठिन भएको छ पेट्रोल । हिजोसम्म २ सयमै चलेको पेट्रोल आज २ सय ५० रुपैयां समेत नपाउंने गरी विक्री भएको छ । युवा नेता विरेन्द्र यादव विरुले भन्छन् —‘यस्तै रहियो भने भोलीदेखि फेरी मधेश बन्दको अभाष हुने हो ।’ ‘खुद्रा तस्करी गरिरहेको अवस्थामा अब होलसेलमै पेट्रोलको तस्करी नहुनसक्छ भन्न ग्राहो छ ।’ ट्याङकर चालक र ढुवानी व्यवसायीको आन्दोलन फिर्ता भएको ५ दिन बितिसक्दा पनि यहां पेट्रोलको अभाव यथावत छ । पेट्रोलको अभाव लहानमा मात्रै नभई सिरहा , मिर्चैया , गोलबजार , कटारी, सप्तरी ,धनुषा , सुनसरी , झापा , मोरंग , उदयपुरका क्षेत्रहरुमा चरम अभाव भएको छ । अधिकांश पेट्रोल पम्पमा एक सातादेखि पेट्रोल तथा डिजलको आभाव छ । एक दिन छाडेर अर्को दिन पालो पालो गरी पम्पवालाहरुले पेट्रोल तथा डिजल विक्री वितरण गरेपनि पेट्रोलियम पदार्थको अभाव यथावतै रहेको छ । पेट्रोल र डिजलको लागि पम्पमा ठुलो लाम देखिन्छ । सोहीक्रममा पेट्रोल लिन लाइनमा बसेका घुरन साह— भन्छन् दुई दिनदेखि गाडीमा पेट्रोल नभएर समस्या खेप्दै आएका थिए तर आज पेट्रोल पाउंने भनी एक घण्टा देखि लाइनमा छु । लाइन लामो भएकोले करिब ४ घण्टादेखि बसेको छु । उता, तस्करहरुले पेट्रोल पम्पवालाहरुसंगको मिलोमतोमा राती राती बढी मूल्यमा पेट्रोल बेच्दै आएको स्थानीयहरुको दावी छ । राती राती किनेको पेट्रोल बढी मूल्यमा विक्री गर्दै आएको छ पसलेहरु । कृतिम पेट्रोलको अर्को कारण मधेश बन्द हुने गार्इंगुई चलिरहेकोले पेट्रोल पम्पसंगै तस्करहरु सल्बलाएका छन् ।

अधिकारको लागि महाभारतः यादब

प्रकाशित समय 9:18 PM
निर्वाचन प्रक्रियाबाट नेतृत्व चयन हुने सम्भाबना
राम नारायण पंडित, सिरहा, १७ फाल्गुन । सरकारले अधिकारबाट बन्चित रहेका समुदायको माँग सम्बोधन नगरे महाभारत हुने संघिय समाजबादी फोरम नेपालका अध्यक्ष उपेन्द्र यादबले चेताबनी दिएका हुन् । मधेश लामो समय देखि आन्दोलनरत रहेपनि प्रमुख तिन दलले मधेशको माँगलाई उपेक्षित गर्दै अघि बढ्रिहेकोले आन्दोनका लागि कार्यकर्तालाई तयार रहन निर्देशन दिए । सोमबार संघिय साजबादी फोरम नेपाल सिरहाको एकता अधिबेशनको उदघाटन सत्रको सम्बोधन गर्दै अध्यक्ष यादबले अहिलेसम्म नेपालमा ७ ओटा संबिधान जारी भएपनि मधेशी जनतामाथी बिभेद कायमै रहेको बताए । अध्यक्ष यादबले सरकारले संसदमा प्रस्तुत गरेको संसोधन प्रस्ताब मधेशको हितमा नरहेकोले यसले अधिकारबाट बन्चित रहेका समुदायले पनि अधिकार पाउन नसक्ने जिकिर गरे । बर्तमान संबिधानमा खस आर्यको पहिचान भएपनि मधेशी, जनजाती, मुस्लिम लगायतले पहिचान नपाएको भन्दै अध्यक्ष यादबले सरकारलाई दिएको समर्थन फिर्ता लिने तयारीमा रहेको स्पष्ट गरे । अहिले सरकारले घोषणा गरेको चुनाब कुनै हालतमा हुन नसक्ने भन्दै उनले भ्रममा नपर्न सम्पुर्ण जनतालाई आग्रह गरे । सरकारले संसोधन प्रस्ताब ल्याएर अन्याय गरेको भन्दै यादबले अधिकार सुनिश्चित नभएसम्म आन्दोलन जारी रहने दाबी गरे । अधिबेशनमा सहमतिका आधारमा नयाँ नेतृत्ब चयन गर्ने प्रयास जारी रहेपनि निर्वाचन प्रक्रियाबाट नै नेतृत्व चयन हुने बताईएको छ । अबिधेशनमा फोरम नेपालका केन्द्रीय उपाध्यक्ष रेणु यादव, केन्द्रीय कोषाध्यक्ष विजय यादव, सांसद् डा. विरेन्द्र महतो, केन्द्रिय सदस्यहरु राजलाल यादब लगायत हजारौको संख्यामा नेता कार्यकर्ताहरुको सहभागिता रहेको थियो ।

फोरम नेपाल सिरहाको प्रथम एकता अधिवेशन हुदै

प्रकाशित समय 7:44 AM
फिरोज शेख लहान , फागुन १६ । संघीय समाजवादी फोरम नेपाल सिरहाको प्रथम एकता जिल्ला अधिवेशन अहिले सिरहा सदरमुकाममा भैरहेको छ । दुई दिनसम्म चल्ने अधिवेशनबाट नयाँ नेतृत्व चयन गरिनेछ । अधिवेशनको उद्घाटन राष्ट्रिय अध्यक्ष उपेन्द्र यादबले गर्नुभएको छ । कार्यक्रममा पार्टीका बरिष्ट नेता अशोक राय , रेणु यादव लगायत बिभिन्न केन्द्रिय तथा स्थानीय नेता तथा कार्यकर्ताको उपस्थिति रहेको छ । अधिवेशनमा १५ सय भन्दा बढी प्रतिनिधिको सहभागीता रहेको छ। अधिवेशन उद्घाटन सत्रको प्रत्यक्ष प्रशारण रेडियो सरगम ९३ मेगर्ज , रेडियो सल्हेश ८८.८ मेगाहर्ज बाट भैरहेको छ ।

नेतृत्व विकास सम्बन्धी पुर्नताजगी तालिम सम्पन्न

प्रकाशित समय 10:55 PM
लहान, १६ फाल्गुण ।स्थानीय महिला नेतृहरुको नेतृत्व क्षमता अभिवृद्धि गर्ने उदेश्यले सिरहाको तीन स्थानमा सञ्चालित नेतृत्व विकास सम्बन्धी दुई दिवसीय पुर्नताजगी तालिम आइतवार सम्पन्न भएको छ । सर्च फर कमन ग्राउण्ड नेपालको साझेदारीमा समग्र जन उत्थान केन्द्रले सञ्चालिन गरिरहेको नेतृत्व कार्यक्रम अन्तरगत सिरहाको सितापुर प्र.ध., अर्नमा प्र.पी. गाविस र धनगढिमाई नगरपालिका सञ्चालित नेतृत्व विकास सम्बन्धी पुर्नताजगी तालिम सम्पन्न भएको हो । स्थानीय २७/२७ जना महिला नेतृको सहभागिता रहेको सो तालिममा केन्द्रका अध्यक्ष भैरवप्रसाद गेलाल, सदस्य सुनिल कुमार साह, देवराज पोखरेल, कार्यक्रम व्यवस्थापक रामभरोसी महतो र कार्यक्रम संयोजक चन्दन कर्णले सहजीकरण गर्नुभएको थियो । तालिममा राजनीति र राजनीतिक दल, स्थानीय निकाय र महिला, संविधानमा महिलाको अधिकार, नेता, नेतृत्व, सहकार्यात्मक नेतृत्व, सम्वाद र सहकार्य, सुचना सम्बन्धी हक लगायतका विषयमा छलफल गरिएको केन्द्रका कार्यक्रम व्यवस्थापक राभरोसी महतोले जानकारी दिनुभयो ।

तोकिएकै मितिमा चुनाव सम्पन्न हुने गृहमन्त्रि निधि

प्रकाशित समय 6:10 AM
राम नारायण पंडित, सिरहा, १५ फाल्गुन । सरकारले तोकिएकै मितिमा स्थानिय निकायको चुनाव सम्पन्न गराउने गृहमन्त्री विमलेन्द्र निधिले बताएका हुन् । सिरहा क्षेत्र नं. ५ ले आयोजना गरेको कार्यकर्ता भेलालाई आइतबार मिर्चैयामा सम्वोधन गर्दै उप–प्रधानमन्त्रि समेत रहेका निधिले सरकारको अहिलेको मुख्य काम संविधान संशोधन र चुनाव गराउनु रहेकोले कुनै हालतमा स्थानिय निकायको चुनाब गराउने दाबी गरे । चुनाव अव कसैले रोक्न सक्दैन भन्दै उनले चुनावको लागि सवै कार्यकर्ताहरुलाई सक्रिय रुपमा लाग्न निर्देशन समेत दिए । अहिलेको अवस्थामा सरकारको मुख्य काम संविधान संशोधन र तीनवटा निर्वाचन गराउनु रहेको भन्दै त्यसको लागि सरकार लागि परेको जिकिर गरे । गृहमन्त्रि निधिले संशोधन प्रस्ताव दर्ता भईसकेकोले अब चाँडै पारित हुने विश्वास ब्यक्त गरे । उनले अहिले एमाले वाहेक सवै दल संविधान संशोधनको पक्षमा रहेको समेत स्पष्ट गरे । जनसंख्याको आधारमा स्थानीय तह निर्माण गर्ने भएको हुँदा मधेसमा अझै स्थानीय तहको संख्या बढ्ने उनले बताए । गृहमन्त्रि निधिले समग्र मधेस एक प्रदेशको माग गर्दै आएको मधेसी मोर्चा पनि अब दुई प्रदेश बनाउन सहमत भएको जिकिर गरे । गृह मन्त्री निधि नेपाल महिला संघको लहानमा हुने २ नं. प्रदेश स्तरीय प्रशिक्षण कार्यक्रममा समेत सरिक भएको बुझिएको छ ।
Displaying 16976809_1411102208934065_793794660_n.jpg
Displaying 16976698_675121469326650_58554393_n.jpg
Displaying 17006088_675121172660013_1788419074_n.jpg

सिरहाको मानपुरमा सरसफाइ सम्मेलन सम्पन्न

प्रकाशित समय 10:42 PM
रुनकेश कामती - सिरहा, १५ फाल्गुन । सिरहाको वडा नं. ५ मानपुरमा शनिबार वडा स्तरिय सरसफाई सम्मेलन सम्पन्न भएको छ । वडा स्तरिय खानेपानि सरसफाई तथा स्वच्छता समन्वय समितिको समुदायको अगुवाइमा पुर्ण सरसफाई अन्तर्गत सो सम्मेलन सम्पन्न भएको सिरहा नगरपालिकाका सरसफाई तथा वातावरण प्रमुख सुरेश चौरवारले वताएका छन् । वडा स्तरिय खानेपानी सरसफाई तथा स्वच्छता समन्वय समिति वडेरवाको आयोजनामा तथा सिरहा नगरपालिकाको सहकार्यमा आयोजित सो सम्मेलन कार्यक्रमलाई वटर एडको सहयोगमा शहरी वातावरण व्यवस्थापन समाज (युम्स) ले सहजीकरण गरेको थियो । सिरहा नगरपालिकाका कार्यकारी अधिकृत इन्द्रदेव यादवको अध्यक्षतामा तथा जिल्ला विकास समिति सिरहाका योजना अधिकृत बासुदेव यादवको प्रमुख आतिथ्यमा सम्पन्न सम्मेलनमा शहरी वातावरण व्यवस्थापन समाजका टिमलिडर सुजित चौधरी, नेकपा एमालेका देवेन्द्र कुमार यादव, मधेशी जनअधिकार फोरम गणतान्त्रिकका मो. मुस्ताक, समाजिक परिचालक ब्रहमदेव ठाकुर लगायत स्थानिय बुद्धिजिवी, समाजसेवी, राजनितिक कर्मी, शिक्षक, विद्यार्थी, महिला, पुरुष, पत्रकार लगायतको सहभागिता रहेको चौरवारले वताए ।

लहानमा पुरुष भलिवल प्रतियोगिता २०७३ आज देखि हुदै

प्रकाशित समय 10:39 PM
फिरोज शेख लहान , फागुन १५ - सिरहाको लहानमा दोस्रो खुल्ला पुरुष भलिवल प्रतियोगिता २०७३ आज आइतबार देखि सुरु हुदै छ I श्री श्रुजना सामुदायिक पुस्तकालय पडरिया , लहान ११ को आयोजनामा २०७३ साल फागुन १५ गते देखि २०७३ फागुन १९ गते सम्म संचालन हुने दोस्रो खुल्ला पुरुष भलिवल प्रतियोगितामा राष्टिय तथा अन्तराष्टिय खेलाडीहरु आवद्ध विभागीय टिम र भारतीय टिमको समेत सहभागिता रहेको आयोजकले जानकारी गराएका छन् I प्रतियोगिता अवधिभर पुर्व क्षेत्रीय प्रहरी कार्यलय बिराटनगर भलिवल संघ ,पुर्व क्षेत्रीय तालिम केन्द्र बिराटनगर , पडरिया भलिवल टिम , भोटियाटोल भलिवल टिम , एपीएफ काठमाडौं भलिवल संघ , सिंगराही भलिवल टिम ,मोरंग भलिवल संघ , महोतरी भलिवल संघ र पटना बिहार भलिवल संघ बीच प्रतिस्पर्धा हुने छन् i प्रतियोगितामा प्रथम हुने टिमले नगद १ लाख संगै शिल्ड मेडल र प्रमाणपत्र प्राप्त गर्ने छन् भने दोस्रो हुने टिमले ५० हजार नगद ,शिल्ड मेडल र प्रमाणपत्र प्राप्त गर्ने छन् I प्रतियोगिताको मिडिया पाटनर रेडियो सरगम ९३ मेगाहर्ज र सरगम खबर डटकम रहेका छन् i पडरिया थारु चौकमा हुने उक्त प्रतियोगिताको सम्पूर्ण खेल दिनको १ बजे देखि संचालन हुने जिल्ला खेलकूद बिकास समिति सिरहाका अध्यक्ष सचिदानन्द चौधरीले जानकारी दिएका छन् i आजको उद्घाटनको पहिलो खेल पुर्व क्षेत्रीय प्रहरी कार्यलय विराटनगर र पडरिया बीच हुने छन भने दोस्रो खेल पुर्व क्षेत्रीय तालिम केन्द्र बिराटनगर र सिंगराही ( A ) बीच हुने आयोजकले जनाएका छन् I प्रतियोगिताको उद्घाटन सिरहा क्षेत्र नम्बर १ बाट निर्वाचित सांसद पदम नारायण चौधरीको प्रमुख आतिथ्यमा हुने जिल्ला खेलकूद बिकास समिति सिरहाका अध्यक्ष सचिदानन्द चौधरीले रेडियो सरगम लाई जानकारी दिएका छन् I

सिरहामा राँगाले हानेर एकको मृत्यु एक घाईते

प्रकाशित समय 4:07 AM
फाल्गुन १४ । सिरहामा छाडा छोडिएको राँगाले हानेर शुक्रबार एक महिलाको मृत्यु भएको छ भने एक जना घाईते भएकी छन्।औरही पिप्रा गाविस-१ बस्ने ६५ बर्षिया मुसर्नी देवी साहलाई आफ्नै घरमा बसिरहेको अबस्थामा अचानक छाडा रांगाले आक्रमण गरेको थियो।राँगाको आक्रमणबाट गम्भिर घाइते साहको उपचारकोलागी लैजाने क्रममा बाटैमा मृत्यु भएको थियो। यसैगरी लहान नगरपालिका १५ स्थित ढोड्ना खोलामा राँगाले हानेर सोहि स्थान बस्ने ४० बर्षिया अनिता चौधरी घाईते भएकी छन्।चौधरीलाई बजारबाट घर फर्कने क्रममा राँगोले हानेर गम्भिर घाईते भई फ्रेन्स मोडल अस्पताल लहानमा उपचार भईरहेको सिरहा प्रहरीले जनाएको छ।

प्रधानमन्त्री प्रचण्ड र एमालेको कार्यक्रम विथोल्ने मोर्चाको निर्णय

प्रकाशित समय 4:02 AM
फाल्गुन १४। सिम्रौनगढमा प्रधानमन्त्री प्रचण्डको कार्यक्रम र एमालेले चलाउने भनिएको मेची-महाकाली अभियान विथोल्ने मधेसी मोर्चा बारा र पर्साको संयुक्त बैठकले निर्णय गरेको छ । बाराको नौतन गण्डकस्थित मधेस सेवा आश्रममा बसेको मोर्चाको संयुक्त बैठकबाट यस्तो निर्णय भएको हो । प्रधानमन्त्री प्रचण्ड र एमालेको मेची महाकाली अभियान बिथोल्ने निर्णय भएपनि फागुन १९ गते जीतपुरमा अन्तरक्रिया गरी रणनीति बनाउने मोर्चाले जनाए । अगामी सोमबार प्रधानमन्त्री प्रचण्ड सिम्रौनगढ आउने कार्यक्रम छ भने एमालेले फाल्गुन २७ गते बाराको जीतपुरमा एमालेले मेची– महाकाली अभियान अन्तर्गत सभा गर्ने कार्यक्रम तय भएको छ । मोर्चाको संयुक्त बैठकले मधेसी विरोधी नेताहरु विरुद्ध पर्सा/बाराको गाउँ–गाउँमा भण्डाफोर कार्यक्रम चलाउने निर्णय पनि गरेको तराई मधेस लोकतान्त्रिक पार्टीका प्रवक्ता रमेश सर्राफले बताए । बैठकमा पर्साबाट प्रदीप यादव, शशीकपूर मियाँ, पुरुषोत्तम झा, प्रेमबाबू पटेललगायत तथा बाराबाट प्रमोद गुप्ता, रामबाबू यादव, जीतेन्द्र सोनल, नवलकिशोर सिंह, महमद सफिक, धर्मेन्द्र यादव, राजेश यादवलगायतको उपस्थिति थियो ।

जनकपुरमा एक युवक माथि छुरा प्रहार

प्रकाशित समय 3:57 AM
फागुन १४ - जनकपुरमा केहि दिन देखि अपराधिक क्रियाकलाप बढ्दै गएको छ । यसै बीच जनकपुरमा सनिबार बिहान एक युवक माथि छुरा प्रहार भएको छ । मोरंग जिल्ला विराटनगर बरगाछी वडा नं. ३ बस्ने मो.सलिम नदाफ माथि युवाका एक समुहले छुरा प्रहार गरि घाइते बनाएका छन्। जनकपुर उमहानगरपालिका वडा नं. २ विद्यानगर स्थित आफनो दिदी भिनाजु सँग बस्दै आएका सलिम लाई व्यक्तिगत रिसवीका कारण विवाद हुँदा छुरा प्रहार गरिएको प्रहारले जनाएका छन्। यसबीच छुरा प्रहार गरेको आरोपमा १८ वर्षीय गोपाल ठाकुर नाम भएको एक युवक लाई पक्राउ गरिएको छ । घाईते सलिमको उपचार जनकपुर अञ्चल अस्पतालमा भइरहेको छ भने अवस्था समान्य रहेको प्रहरीले जनाएको छ।घटनामा संलग्न अन्य युवाहरु फरार भएकाले खोजी कार्य भइरहेको प्रहरीले जनाएको छ । गत फागुन ११ गते जनकपुरमै एक युवकको आपसी विवादका कारण घाटीरेटी हत्या गरिने प्रयास भएको थियो।

राष्ट्रपति रनिङ्ग सिल्डमा लहानका प्यारागन पब्लिक स्कूल सिरहाकै प्रथम

प्रकाशित समय 10:48 PM
दिनेश्वर गुप्ता लहान १२ फागुन । राष्ट्रपति रनिङ्ग सिल्ड २०७३ प्रतियोगितामा लहानका प्यारागन पब्लिक स्कूल सिरहाका सबै प्रतियोगि विद्यालय मध्ये प्रथम भएको छ । फागुन ९ देखि १२ गतेसम्म सिरहाको कर्जन्हा माविको प्राङ्गनमा सम्पन्न सो प्रतियोगितामा लहानका प्यारागन स्कूले एक सय ३१ अंक ल्याएर प्रथम भएको स्कूलका संस्थापक प्रिन्सिपल उमेश चौधरीले बताए । सोही प्रतियोगितामा पोलार स्टार स्कूल मिर्चैयाले ७१ अंक ल्याएर दोस्रो स्थान ओगट्न सफल भएका छन् भने चन्द्र मावि सिरहा ३७ अंक ल्याएर तेस्रो स्थान हासिल गरेका छन् । फागुन १२ गते एक समारोहवीच सम्पन्न भएको सो प्रतियोगिता जिल्ला खेलकूद बिकास समिति सिरहाका अध्यक्ष सचिदानन्द चौधरीका प्रमुख आतिथ्यमा भएको छ । प्रतियोगितामा प्रथम हुने टिमलाई नगद रु. १५ हजारसहित सिल्ड र प्रमाणपत्र प्रदान गरिएको छ भने दोस्रो हुने टिमलाई नगद रु. १२ हजारसहित प्रमाणपत्र र तेस्रो हुने टिमलाई नगद रु ९ हजारसहित प्रमाणपत्र प्रदान गरिएको छ । सो प्रतियोगितामा कबड्डी, दौड, भलिबल ,ज्याब्लीङ थ्रो लगायत बिभिन्न दर्जनौ खेलको प्रतिस्पर्धा गरिएको थियो । राष्ट्रपति रनिङ्ग सिल्डमा उत्कृष्ट भएका खेलाडीहरुलाई अन्तर जिल्ला तथा राष्ट्रिय प्रतियोगिताहरुमा सहभागी गराउंने आयोजकपक्षले बताए । उक्त प्रतियोगितामा सिरहाका नीजि तथा सामुदायिक गरि ५० विद्यालय सहभागी रहेका थिए ।

विद्यार्थी र प्रहरीबीच झडप हुदा हवाई फायर

प्रकाशित समय 9:34 AM
फागुन १२। महेन्द्र मोरङ क्याम्पसका विद्यार्थी र प्रहरीबीच झडप भएको छ। सडक निर्माण गर्न रोडशेष चोक क्षेत्रमा खटिएको डोजरले विद्यर्थाीलाई घाइते बनाएपछि स्थिति तनावपूर्ण बनेको थियो।डोजरले मोरङ क्यामपस बिबिएस दोस्रो वर्षमा अध्यनरत सुरज यादवलाई ठक्कर दिएर घाइते बनाएपछि आक्रोसित बनेका विद्यार्थीले डोजरमा आगजनी गरेपछि स्थिति नियन्त्रण गर्न प्रहरीले हस्तक्षेप गरेपछि विद्यार्थी र प्रहरीबीच झडप भएको हो। प्रहरीले झडप नियन्त्रणमा लिन हवाई फायर गरेका छन्। प्रदर्शनमा उत्रिएका विद्यार्थीले क्याम्पस परिसरभित्रबाट प्रहरीलाई ढुंगा बर्षाएका थिए। घटना नियन्त्रणमा लिन चार राउन्ड हवाई फायर गरिएको छ। अहिले स्थिति समान्य भएको मोरङ प्रहरीले जनाएको छ। घाइते यादवलाई उपचारका लागि अस्पताल पठाइएको छ। प्रहरीले डोजर चालक ब्रिजेशकुमार गुप्तालाई नियन्त्रणमा लिएको छ। सोहि झडपका क्रममा पक्राउ परेका चारजना विद्यार्थी लाइ प्रहरीले छाडेका छन्।

लहान नपाका दुई वडा खुल्ला दिशा मुक्त घोषणा

प्रकाशित समय 9:29 AM
फागुन १२ लहान । सिरहाको लहान नगरपालिका वडा नम्बर आठ मंगलवार खुल्ला दिशा मुक्त घोषणा भएका छन् ।भने, बुधवार वडा नम्बर सात पनि खुल्ला दिशा मुक्त घोषणा भएको हो। घोषणासभामा सम्बोधन गर्दै नेपाली काँग्रेसका सांसद पदम् नारायण चौधरीले, ‘आफुसधै सरसफाईका लागि सहयोग गर्न तयार रहेको भने ।’ वडा सचिब रामबिलास महतोको अध्यक्षतामा भएको घोषणासभामा कार्यकारी अधिकृत गजेन्द्रनाथ शर्मा, इंजीनियर शत्रुधन प्रसाद चौधरी, जेवाससिसीका अध्यक्ष दिनेश्वर गुप्ता , खानेपानी डिभिजÞन कार्यालयका इंजीनियर कृष्ण साह , सिड नेपाल अध्यक्ष किरण राय ,पार्बती सुब्बा , जिल्ला सरसफाइ तथा स्वच्छता समन्वय समितिका सरसफाई दुत धीरेन्द्र साह लगायतको अतिथिको उपस्थिति रहेको थियो । अहिले दिनहु सिरहामा कुनै कुनै वडा तथा गाविस खुल्ला दिशा मुक्त घोषणा र सरसफाई सम्मेलन भइरहेको सरसफाई दुत साहले बताए । उनका अनुसार, २९ गाविस र २४ वटा नगरपालिकाको वडा खुल्ला दिशा मुक्त भइसकेका छन् । खुल्ला दिशा मुक्त र सरसफाईको कार्य तिव्र रुपमा अगाडी बढिरहेको उनले सुनाए ।

डा. सीके राउतलाई थुनामा राख्न तेस्रोपटक म्याद थप

प्रकाशित समय 11:00 AM
सिरह फागुन ११ -
मधेशलाई अलग राष्ट्र बनाउने अभियानमा लागेका स्वतन्त्र मधेश गठबन्धनका संयोजकसहित ११ जनालाई थुनामा राख्न सिरहा जिल्ला अदालत तेस्रोपटक म्याद थप गरेको छ ।डा. राउतमाथि लागेको राज्यविरुद्धको सांगठनिक अपराध मुद्दामा थप अनुसन्धान गर्नुपर्ने भन्दै बुधबार सिरहा जिल्ला अदालतले तेस्रोपटक १० दिनको म्याद थप गरेको हो । डा. राउतलाई गत माघ २० गते जनकपुरधामबाट प्रहरीले पक्राउ गरेको थियो । लहानमा माघ ५ गते आयोजित बलिदानी दिवसमा दिएको वक्तव्यको आधारमा उनलाई प्रहरीले पक्राउ गरेको हो ।

सिरहा ,सप्तरी , मोरङमा भएको सवारी दुर्घटनामा एघार जना घाइते

प्रकाशित समय 10:52 AM
फिरोज शेख लहान , फागुन १० गते। पूर्वाञ्चलका बिभिन्न जिल्लाहरुमा मंगलबार भएको सवारी दुर्घटनामा परी एघार जना घाइते भएका छन्। पूर्व पश्चिम राजमार्ग अन्तरगत सिरहाको गोलबजार नगरपालिका-३ स्थित आयुष ग्यारेज नजिकै मंगलबार दिउँसो पूर्वबाट पश्चिमतर्फ जाँदै गरेको ना ४ ख २११४ नम्बरको बसले मोटरसाइकललाई ठक्कर दिंदा दुई जना घाइते भएका छन। घाइते हुनेमा स ४ प ६६७४ नम्बरको मोटरसाइकल चालक सिरहा सुखिपुर नगरपालिका -९ बस्ने बर्ष २५/२६ को ईश्वर साह तथा पछाडी सवार उनकी भाउजु बर्ष २८ की गेनाकुमारी साह रहेका छन। घाइते दुबैलाई फ्रेण्ड्स अस्पताल लहान सिरहामा उपचार भैरहेको छ । ठक्कर दिने बसका चालक सप्तरी रायपुर -९ बस्ने बर्ष ३८ को ज्ञानी चौधरी लाइ ईलाका प्रहरी कार्यालय गोलबजारले नियन्त्रणमा लिएको छ। त्यस्तै पूर्व पश्चिम राजमार्ग अन्तरगत सप्तरीको मधुपट्टी ९ मा बसको ठक्करबाट दुई जना घाइते भएका छन। पूर्वबाट पश्चिमतर्फ जाँदै गरेको ना ५ ख ५४८ नम्बरको बसले मंगलबार बिहान विपरीत दिशाबाट आउँदै गरेको स ५ प ५४८२ नम्बरको मोटरसाइकललाई ठक्कर दिंदा मोटरसाइकल चालक सप्तरी सिस्वाबेलहा-७ बस्ने उपेन्द्र मण्डल र पछाडी सवार उनकी पत्नी कल्पना मण्डल घाइते भएका छन। घाइते दुबै जनाको सप्तऋषि अस्पतालमा उपचार भइरहेको छ। त्यसैगरी सप्तरीकै राजबिराज नगरपालिका ९ स्थित राजविराज-कुनौली सडक खण्डमा मंगलबार दिउँसो कुनौलीबाट राजविराजतर्फ जादै गरेको मे १ ह ५१ नम्बरको टेम्पुले ठक्कर दिएर तीन बाल-बालिका घाइते भएका छन। घाइते हुनेमा स्थानीय शिव इन्टरनेशनल बोर्डिङ स्कुलका बिधार्थीहरु इटर्हवा ७ बस्ने ९ वर्षिय बिष्णु यादव, रामपुरमल्हनिया बस्ने १४ वर्षिय मोहमद मजेबुल मियाँ तथा इटहरीबिषनपुर बस्ने ३ वर्षिया मेनुका खातुन रहेका छन्। घाईतेमध्ये बिष्णु यादव र मोहमद मजेबुलको अवस्था गम्भीर रहेकोले उनीहरुलाई उपचारकालागी विपी कोइराला स्वास्थ्य बिज्ञान प्रतिष्ठान धरान पठाइएको जिल्ला प्रहरी कार्यालय सप्तरीले जनाएको छ। ठक्कर दिने टेम्पुसहित चालक फरार भएकाले प्रहरीबाट खोजी भइरहेको छ। यता मोरङको गोविन्दपुर ७ लारीकट्टामा रंगेली-आमबाडी सडकमा अनटेष्ट सिटी सफारी अनियन्त्रित भई सडकबाट तल खेतमा खस्दा सफारीमा सवार पाँच जना घाइते भएका छन्। घाइते मध्ये मोरङ गोबिन्दपुर-५ बस्ने बर्ष ५४ की सेर्जामती तामाङको अवस्था गम्भीर रहेकोले उपचारकालागी कोशी अंचल अस्पताल विराटनगर पठाइएको छ भने अन्य चार जनाको प्राथमिक गरिएको छ।

ट्रयाक्टर दुर्घटनामा चालकको मत्यु

प्रकाशित समय 9:29 AM
राम नारायण पंडित, सिरहा, ०९ फाल्गुन । सिरहामा भएको ट्रयाक्टर दुर्घटना परि चालकको मृत्यु भएको छ । सोमबार अपराह्न मिर्चैया ४ भित्री सडकखण्डमा ज १ त ८९५६ नम्बरको ट्रयाक्टर दुर्घटना हुँदा चालकको मृत्यु भएको छ । मृत्यु हुनेमा धनुषा बलाबाखर ४ बस्ने श्रबण यादबको २० बर्षीय छोरा रुपेश यादब रहेको ईलाका प्रहरी कार्यालय मिर्चैयाले बताए । ट्रयाक्टर दुर्घटनामा परि घाइते भएका यादबलाई उपचारका लागि अस्पताल लैजाने क्रममा बाटोमा मृत्यु भएको प्रहरीले जनाए । खोलामा बालुवा लिन गएको ट्रयाक्टर बाँधबाट अन्दाजी २५ फिट तल खसेर दुर्घटना भएको बताईएको छ । मृतक यादबको शव पोष्टमार्टमको लागि जिल्ला अस्पताल सिरहा पठाईको छ ।

सिरहाका स्वास्थ्यकर्मी पुनः आन्दोलित

प्रकाशित समय 9:50 PM
फाल्गुन ९ । स्वास्थ्य सेवा ऐन कार्यान्वयन तथा पद व्यवस्थापनको माँग राखी विगत दुई महिना देखि आन्दोलनम रहेका स्वास्थ्यकर्मीहरु आइतबार देखि पुनः आन्दोलनको घोषणा गरेका छन् । स्वास्थ्य ऐनको दफा ९ (ख) कार्यान्वयनका लागि आफुहरुले दिएको सुझावलाई सरकारले व्यवस्था गरेकोले आफुहरु आन्दोलनको घोषणा गरेको नेपाल स्वास्थ्यकर्मी यूनियनका सिरहा जिल्ला अध्यक्ष राम सेवक रायले बताएका छन् । कार्यरत रहेकै स्वास्थ्य संस्थामा पुल दरबन्दी सृजनागरी माथिल्लो तहको जिम्मेवारी तथा कार्य विवरण सहित पद व्यवस्थापन गर्नुपर्ने भनी रहदा पनि मन्त्री परिषदले त्यसको ठिक विपरीत निर्णय गरेको भन्दै स्वास्थ्य क्षेत्रका कृयाशिल ट्रेड यूनियनहरुले फाल्गुण २९ गते देखि आकस्मिक सेवा बाहेक जिल्लाको नियमित कार्यक्रमहरु ओपिडी सेवा, खोप, गाउँघर क्लिनीक, तालिम गोष्ठि तथा मासिक स्टाफ बैठक नगर्न नगराउन प्रेस विज्ञप्ति मार्फत उनीहरुले स्वस्थ्यकर्मीहरुलाई आग्रह गरेका छन् । जिल्ला भरीका स्वास्थ्य संस्थाबाट सैयौंको संख्यामा आइतबार सिरहा सदरमुकाममा आएका स्वास्थ्यकर्मीहरुले सदरमुकाममा बिरोध जुलुस प्रदर्शन गरेका छन् ।न्यूज सभार सरगम खवर

संशोधन विधेयक पारित गराएर चुनावको घोषणा प्रचण्ड

प्रकाशित समय 8:23 AM
राम नारायण पंडित, सिरहा, ०८ फाल्गुन । प्रधानमन्त्रि पुष्पकमल दहाल “प्रचण्ड” ले क्याविनेटबाट संविधान संशोधन विधेयक पारित गराउने दाबी गरेको छ । संविधान संशोधन गरेर छिटै चुनावमा जानु आफ्नो मुख्य दायित्व रहेकोले जसरी भएपनि क्याविनेटबाट संविधान संशोधन विधेयक पारित गराएर स्थानिय निकाय चुनाबको मिति घोषणा गर्ने बताए । सिरहाको लहानमा आइतबार श्रीमद् भागवत महापुरण ज्ञान सप्ताह महायज्ञको उद्घाटन गर्नु हुँदै प्रधानमन्त्री प्रचण्डले सोमबारको क्याविनेट बैठकबाट सविंधान संशोधनको प्रस्ताव पारित गराएर चुनावको घोषणा गरिने स्पष्ट गरे । ‘शान्ति, संघियता, धर्मनिरपेक्षता र गणतन्त्रको रक्षाको लागि संविधान कार्यान्वयन जरुरी भएकोले संविधान संशोधन गरेर चुनावमा जानुको विकल्प नरहेको उनले बताए । प्रधानमन्त्रि प्रचण्डले क्याविनेटबाट संविधान संशोधन विधेयक पारित गराउने, जनसंख्याको आधारमा मधेसमा स्थानीय निकायको संख्या निर्धारण गरी स्थानीय निकायको संख्या वृद्धि गरिने समेत बताए । प्रधानमन्त्री प्रचण्डले आफू मधेशकै जिल्ला सिरहाबाट जितेर गएकोले मधेशी जनताले मागिरहेको पहिचान र अधिकार दिलाउन संविधान संशोधन प्रक्रिया अगाडि बढाउन लागेको बताए । कार्यक्रममा नेपाली कांग्रेसका नेता प्रदिप गिरी, कानुन मन्त्री अजय शंकर नायक र सांसद पदम नारायण चौधरी लगायतले मन्तव्य व्यक्त गरेका थिए ।

मिर्चैैयामा अतिक्रमण हटाउने क्रम जारी

प्रकाशित समय 9:48 AM
राम नारायण पंडित, सिरहा, ०७ फाल्गुन । पूर्वपश्चिम लोकमार्ग अन्तर्गत सिरहाको मिर्चैयामा सडक अतिक्रमण गरी राखिएको टहराहरु हटाउने क्रम जारी रहेको छ । सडकको क्षेत्राधिकार भित्र रहेका दायाँबायाँ क्षेत्रमा सडक अतिक्रमण गरी राखिएको टहरा, ठेला र पसलहरु मिर्चैया नगरपालिकाले शनिबारदेखि खाली गराउन सुरु गरेको छ । जेसिबीको सहयोगमा सडकको दुवैतर्फ ८२ फिट खाली गराईरहेको नगरपालिकाले जनाएको छ । सडक अतिक्रमण गरी बनाएको विभिन्न घर टहराहरुको कारण नगरको सौन्दर्यमा असर पर्नुको साथै दुर्घटना पनि बढेकाले हटाउने काम भइरहेको बताईएको छ । अतिक्रमण हटाउन मिर्चैया नगरपालिकाले सुरु गरेको भएपनि सफल हुनमा आशंका रहको बुझिएको छ । ज्ञातव्य, केहि महिना पहिला मिर्चैया नगरपालिकाले मिर्चैया नगरमा सप्ताहिक सरसफाई कार्यक्रम सुरु गरेपनि बिभिन्न कारणले सफल हुन नसकेपछि ठप्प रहेको छ । त्यस्तै, नगरपलिकाको लापरबाहीले नगरमा फ्रि वाईफाई र सौन्दर्यको लागि वृक्षारोपन बालुवामा पानि सरह भएको स्थानियहरुको गुनासो रहेको छ । यसै सम्बन्धमा मिर्चैया नगरपालिकाको कार्यकारी अधिकृत रमेश दास संग सम्पर्क गरेपछि जथाभाबि प्रश्न रहेको भन्दै पन्छिन खोजिएको छ । अतिक्रमण हटाउने कार्यमे नगरपालिकाका कर्मचारी, राजनीतिक दलका प्रतिनिधि, नेपाल प्रहरी, शसस्त्र प्रहरी, टफिक प्रहरी, उद्योग बाणिज्य संघका प्रतिनिधि, संचारकर्मी लगायतका सहभागिता रहेको छ ।
Displaying 16809871_1403464336364519_1464235293_n.jpg
लगातार वर्षाका कारण कतारका जनजीवन प्रभावित

लगातार वर्षाका कारण कतारका जनजीवन प्रभावित

प्रकाशित समय 12:54 PM
ओम प्रकाश यादव कतार फागुन ६ । लगातार ३ देखि मनसुन देशभर सक्रिय भएको छ। मनसुन सुरु भएसंगै कतारका अधिकांश भागमा पानी परेको छ । दोहा  लगायत विभिन्न क्षेत्रमा लगातार ३ देखि बर्षा भएको हो । भीषण वर्षा हुने जल तथा मौसम पूर्वानुमान विभागले जनाएको छ । अरब सागरमा केही दिनअघि विकास भएको न्युन चापीय क्षेत्रसँगै केन्द्रिकृत बनेको पानी पार्ने बादल सहित पानी पर्ने संकेत देखिएको विभागको भनाइ छ । कतारको दोहा सनैया सहानिया अलखोरमा ठूलो पानी परेको र त्यो अझै पानी पर्ने मौसमविद्ले बताएका छन् । 

गाढामा डोमदलित मैत्री विद्यालय

प्रकाशित समय 1:26 AM
दिनेश्वर गुप्ता लहान, ५ फागुन । सिरहाको गाढा गाविस ३ मा नमुनाको विद्यायलय रहेको छ । यसमा विशेषत दलित र पिछडावर्गका अधिकांश बालबालिका अध्ययनरत छन् भने ३७ बालबालिका डोम समुदायका छन् । यो नमुना स्कूलको नाम श्री सहिद रमेश महतो आधारभूत विद्यालय गाढा ३ सिरहा हो । जहां कुनै छुवाछुत छैन । डोममैत्री विद्यालयमा २ सय ११ जना बालबालिका अध्ययनरत छन् भने १ सय ७ दलितमा ३७ डोम समुदायका छन् । कक्षा ४ सम्म संचालन रहेको यसका विद्यालयकी ममताकुमारी पाल भन्छीन्—‘हामीलाई आजसम्म थाहा भएन छुवाछुत के हो ।’‘ हामी संगैं एउटै बेन्चमा बस्छु । संगैं कलमा गएर पानी खान्छु ।’ संगै खेल्छु खैं मलाई अन्य कुरा थाहा भएन ।’ वि.सं.२०६६ सालमा स्थापना भएको यस विद्यालयलाई वातावरणमैत्रीको दृष्टिकोणले विभिन्न फलफूलका साथै वृक्षारोपण गरिएको छ । ढकमक गमलामा फूल सजिएको छ । चारैतीर कमाण्डवालले घेरिएको एउटा ग्रामिण वस्तीका यो उज्यालो रंगरोहनसहितको व्यवस्थित विद्यालय सम्भव त त्यस क्षेत्रका एक मात्र नमुना हो । यस विद्यालयसंग सम्बन्धित स्थानीय दिनेशकुमार महतो भन्छन् —‘हामी मेहनत गरेर यो नमुनाको विद्यालय सफल बनाएका छौं ।’‘मन्त्रीदेखि विभिन्न अधिकारीहरु अनुगमन गरी प्रोत्साहन गर्दै आएको छ ।’ अहिलेसम्म तीन दर्जन भिआईपीहरु यस विद्यालयलाई अनुगमन गरिसकेका छन् । समावेशीको आधारमा दूई महिला र दूई पुरुष शिक्षकशिक्षिका रहेका छन् । २०७० मा नेपाल सरकारको सहयोगमा २ कोठे चिटिक परेको छतसहित भवन निर्माण रहेको छ भने अन्य तीन वटा कोठा निर्माण रहेको छ भने थप नमुनाको दूई भवन रहेको छ । चर्पी, खानेपानी, खेलकुदलगायतको समुचित व्यवस्था रहेको यस विद्यालयका पदेन सदस्य चतुरानन महतो रहेका छन् भने सदस्य सचिव उपेन्द्र महतो हुन ।

धार्मिक अनुष्ठानसंगै गाढामा शिवोत्सव

प्रकाशित समय 3:43 AM
दिनेश्वर गुप्ता लहान, ४ फागुन । मधेशमा धार्मिक अनुष्ठानसंगै यत्तिबेला महायज्ञ, पुराण, मेला, किर्तन भजनका साथै मन्दिर निर्माण कार्य चलिरहेको छ । सोहीक्रममा सिरहाको गाढा गाविसमा बर्षोदेखि निर्माण थालिएको शिव मन्दिर तयारी अवस्थामा पुगेको छ । मन्दिर उद्घाटनसहित फागुन १२ गतेदेखि तीन दिने शिवोत्सव कार्यक्रमको आयोजना गरिने पूर्व गाविस अध्यक्ष कन्हैयाप्रसाद गुप्ताले बताए । उनका अनुसार भारतीय सीमा ठाडीदेखि यत्ता लहानसम्मको मध्यभागमा यो नै विशाल शिव मन्दिर हो । धार्मिक पर्यटनको रुपमा अघि बढाउंनको निम्ति यस मन्दिरमा अद्भुत शिवलिंगको स्थापना गरिने गुप्ताले बताए । तत्काल गाविस अध्यक्ष हुंदा कन्हैयाप्रसाद गुप्ताको बेला वि.सं.०५४।०५५ सालतीर स्थापना भएको सो मन्दिर यत्तिबेला दुलही जस्ती सिंगारिदै पुजोत्सवको तयारीमा जुटेको छ । शिवोत्सवको लागि त्यसका व्यवस्थापन समितिले फागुन १२ गते विशाल कलश यात्रा, फागुन १३ गते हनुमान अराधाना, अद्भुत शिवलिंग स्थापना र फागुन १४ गते धार्मिक सांस्कृति कार्यक्रम राखिएको छ ।
 सो कार्यक्रमको उद्घाटन सांसद अमिरी यादवले गरिने कार्यक्रम रहेको छ । लगभग २५ लाखको लागतमा तयारीमा जुटेका शिवोत्सव कार्यक्रम शिवरात्रीको अवसर पारेर यसलाई निरन्तरन्ता दिने भएको छ । शिवोत्सवको लागि अनुरुद्धप्रसाद गुप्ताका अध्यक्षतामा समिति गठन गरिएको छ । सो समितिका उपाध्यक्ष स्वरुप सहनी, सचिव विलक्ष्णप्रसाद महतो, कोषाध्यक्ष विश्वनाथप्रसाद गुप्ता, सदस्यहरु जोगी सहनी, इन्दल सहनी, जिवछ यादव, शितल साहलगायतका छन् । यसैगरी सल्लाहकारमा कन्हैयाप्रसाद गुप्ता, बद्री यादव, रामविलास यादव, दिनेशकुमार महतो र अशेश्वर यादव रहेका छन् ।

एभरेष्ट कलेज लहान राष्टमै तृतीय र उपत्यका बाहिर प्रथम

प्रकाशित समय 12:41 PM
रमिता नेपाल रेडियो सरगम लहान , फागुन ४ । राष्टिय स्तरमा संचालित हाजरी जवाफ प्रतियोगितामा एभरेष्ट कलेज लहान दोस्रो रनरउप भएको छ । जिल्ला स्तर र राष्टिय स्तर गरि दुई चरणमा सम्पन्न भएको उक्त प्रतियोगितामा जिल्ला स्तरको हाजरी जवाफ प्रतियोगिता संचालन गरि जिल्लामा प्रथम हुने कलेजलाई काठमाडौं बोलाई क्वाटरफाईनल , सेमिफाईनल र फाईनल प्रतियोगिता संचालन गराइएको थियो । माघ २९ गते देखि फाल्गुन २ गते सम्म काठमाडौं आयोजित हाजरी जवाफ प्रतियोगितामा उपत्यकाबाट ५५ वटा र उपत्यका बाहिरका जिल्ला प्रथम भई छनोटमा भएका ३५ वटा कलेजको बिचमा प्रतिस्पर्दा भएको थियो । भर्चु सिटि इन्टर कलेज क्युज कन्टेस्ट २०१७ नामक प्रतियोगितामा प्रिमियर कलेज काठमाडौं प्रथम , गोल्डेन गेट कलेज काठमाडौं द्दितीय र एभरेस्ट कलेज लहान तृतीय भएका छन् I प्रतियोगितामा एभरेस्ट कलेज बाट कक्षा १२ का रिभा मण्डल र रोजिना महतो सहभागी भएका थिए । उपत्यका बाहिरका कलेजहरु मध्ये सर्वोतकृष्ट हुदै समग्रमा तृतीय स्थान हासिल गरेको एभरेष्ट कलेज लहानका विज्ञान समुहका संयोजक दिपेन्द्र कुमार मण्डलले जानकारी दिएका छन् । हाल सम्म राष्टकै सर्वोतकृष्ट उच्च माविको रुपमा शिक्षा विभाग र उच्च माध्यमिक शिक्षा परिषदबाट ३ पटक पुरस्कृत एवं सम्मानित एभरेष्ट कलेज लहानले राष्ट स्तरको हाजरी जवाफ प्रतियोगितामा तेस्रो स्थान हासिल गरि सिरहा जिल्लाको गौरव बढाएको कुरा कलेजका प्रिन्सिपल चक्रपाणि दाहालले बताउनु भयो । यसै बीच उत्कृष्ट शिक्षण पद्धति बाट विद्यार्थीहरुलाई गुणस्तरीय शिक्षा प्रदान गर्न सक्रिय यस कलेजले विभिन्न किसिमका अतिरिक्त क्रियाकलापहरु संचालन गर्ने गरेको र यस पटकको परिणामले विधार्थीको चौतर्फी व्यक्तित्व विकास सम्बन्धि क्रियाकलाप संचालन गर्न थप उत्साह प्राप्त भएको व्यवस्थापन समितिका अध्यक्ष संजय राज शर्माले बताउनु भयो ।

गोली प्रहारबाट घाइते खान बिराटनगर रेफर

प्रकाशित समय 7:55 AM
राम नारायण पंडित, सिरहा, ०१ फाल्गुन । सिरहामा अज्ञात समुहको गोली प्रहारबाट घाइते भएका लालु खानलाई स्थानिय स्तरमा उपचार सम्भब नभएपछि थप उपचारका लागि बिराटनगर रेफर गरिएको छ । आज बिहान सिरहाको मिर्चैया २ मल्हनियाँमा अज्ञात समुहको गोली प्रहारबाट घाइते भएका मझौलिया ४ अरंग बस्ने लालु खानको थप उपचारका लागि बिराटनगर रेफर गरिएको प्रहरीले बताए । आफ्नै घरबाट ना ३८ प १३३४ नम्बरको गाडीमा सबार भई आइरहेको अबस्थामा आज (आइतबार) बिहान करीब १० बजे अज्ञात समुहले गाडी रोकी गोली प्रहार गरि खानलाई घाइते बनाएको छ । घाइते खानको पेट र टाउकोमा गोली लागेको ईलाका प्रहरी कार्यालय मिर्चैयाका डिएसपी गजुसिद्धि बज्राचार्यले बताए । गोली हान्ने समुह ३ बटा मोटरसाईकलमा आइ खानलाई गोली हानी फरार भएको बताईएको छ । गोली प्रहार गर्नेहरुको खोजी तिब्र गरिएको प्रहरीले दाबी बताए । 
Displaying 16699732_1397215413656078_629716768_n.jpg
Displaying 16699884_1195454853907484_244576404_n.jpg

सिरहामा गोली चल्यो

प्रकाशित समय 3:27 AM
राम नारायण पंडित, सिरहा, ०१ फाल्गुन ।सिरहामा अज्ञात समुहको गोली प्रहरबाट एक युबक घाइते भएको छ । सिरहाको मिर्चैया २ मल्हनियाँको नहर चौकमा आज बिहान करीब १० बजे अज्ञात समुहको गोली प्रहरबाट गाबिस मझौलीया अरंग बस्ने अन्दाजी २९ बर्षीय लालुखान घाइते भएको प्रहरीले बताए । घाइते खानको खुट्टामा गोली लागेको ईलाका प्रहरी कार्यालय मिर्चैयाका डिएसपी गजुसिद्धि बज्राचार्यले बताए । घाइते खानको मिर्चैयाको एक निजि अस्पतालमा उपचार भइरहेको डिएसपी बज्राचार्यले बताए । गोली प्रहर गर्नेहरुको खोजी तिब्र गरिएको प्रहरीले दाबी गरे । घटनाको थप बिबरण आउन बाकी रहेको छ ।

सगरमाथा चौधरी आँखा अस्पतालको ३४औ वार्षिकोत्सव सम्पन्न

प्रकाशित समय 8:43 AM
फिरोज शेख लहान , माघ २९ । सिरहाको लहानमा रहेको सगरमाथा चौधरी आँखा अस्पतालले सनिबार आफ्नो ३४औ वार्षिकोत्सव भव्यताका साथ् मनाएका छन् । सिरहा क्षेत्र नम्बर १ बाट निर्वाचित सांसद पदम नारायण चौधरीको अध्यक्षता तथा नेपाल नेत्र ज्योति संघका अध्यक्ष तिर्थ प्रशाद मिश्रको प्रमुख आतिथ्यमा सम्पन्न उक्त वार्षिकोत्सवमा अस्पतालका मेडिकल सुपरिन्टेन्डेन्ट डा. संजय कुमार सिंहले सन् २०१६ मा ३ लाख ३८ हजार ५ सय ४५ जना बिरामीहरुको आँखा जाँच गरिएको जसमा ५४ हजार ४ सय ४६ जना आँखाका विरामीहरुको शल्यक्रिया गर्न सफल भएको तथ्याङक सार्वजानिक गरेको छ। यसै बीच ३४ वर्षको अवधिमा ४६ लाख २२ हजार १ सय ४१ विरामीहरुको जाँच गरिएको छ जसमा १० लाख २ सय ९७ जना आँखाका विरामीहरुको शल्यक्रिया गर्न सफल भएको डा. संजय कुमार सिंहले जानकारी गराउदै ३४ वर्षको अवधिमा सन् २०१६ मा अहिले सम्मकै सर्वाधिक बिरामीहरुको आँखा जाँच गर्न सफल भएको बताए । यो अस्पतालले सप्तरीको राजविराज , सर्लाहीको मलंगवा, उदयपुरको गाईघाट , खोटाङगको दिक्तेल , सिरहाको मिर्चैया लगायत नौ केन्द्रहरुवाट सेवा उपलब्ध गराउदै आइरहेको छ । यस आँखा अस्पतालमा भारतको विहार ,उत्तरप्रदेश , झारखण्ड र पवशिचम वंगालवाट आँखा जाँचको लागि अत्यधिक विरामीहरु आउने गरेका छन।कार्यक्रमा विभिन्न संघ संस्थाका प्रतिनिधि , संचालक समिति , राजनीतिकदल , बुद्धिजीवि , संचारकर्मी , नागरिक समाज लगायत डाक्टरहरुको उपस्थिति रहेको थियो ।

सिरहामा ३८ लाख नेपाली रुपैया सहित एक भारतीय पक्राउ

प्रकाशित समय 8:35 AM
राम नारायण पंडित, सिरहा, २९ माघ । सिरहा प्रहरीले ३८ लाख रुपैया सहित एक भारतीयलाई पक्राउ गरेको छ । सशस्त्र प्रहरी बल वेस क्याम्प गोलबजारले ३८ लाख नेपाली नोट सहित एक भारतीय नागरिकलाई नियन्त्रणमा लिएको छ । नेपालसँग सीमा जोडिएको भारत विहार मधुमनी जिल्ला लदनियाँका २५ वर्षिय पुजनराम मोचीलाई प्रहरीले नियन्त्रणमा लिएको हो । धनगढीमाई १० जिरोमाइलबाट ३८ लाख नेपाली नोट सहित मोचीलाई पक्राउ गरिएको प्रहरीले बताए । गस्तीमा रहेको प्रहरीले शंकाको आधारमा चेकजाँच गर्दा कपडाको थैलोमा पोकोपारी शरिरमा वेरेर राखेको अवस्थामा हजार र पाँच सय दरका नोट बरामद गरेको सशस्त्र प्रहरी बल वेस क्याम्प गोलजारका प्रहरी निरिक्षक दुर्गा भट्टले बताए । पक्राउ परेका मोचीमाथि अनुसन्धान भईरहेको निरिक्षक भट्टले बताए ।

मधेश आन्दोलनको इस्यु काठमाण्डौंका मिडियाले बुझ्नै सकेन् ः डा.विष्ट

प्रकाशित समय 3:24 AM
दिनेश्वर गुप्ता लहान २९ माघ । मधेश आन्दोलनको इस्यु काठमाण्डौंका मिडियाले बुझ्नै सकेन्, अनी मधेशबारे समुचित उठान गर्न नसकेको नेपाल पत्रकार महासंघ केन्द्रीयका अध्यक्ष डा.महेन्द्र विष्टले बताउंनुभयो । माघ २८ गते नेपाल पत्रकार महासंघ सिरहा शाखाको भवन उद्घाटन गर्दै डा.विष्टले मधेशको इस्यु यहांका मिडियाले बुझेर लेखे तर, मिडियालाई नियन्त्रणमा लिएको घटनाप्रति दुःख लागेको बताउंनुभयो । सिरहा जेलमा राखिएका कृष्ण सेनलाई सम्झिदै नेपाल पत्रकार महासंघ केन्द्रीय महासचिव उजिर मगरले मधेशप्रति विभेद अझै पनि कायम रहेकोले यसलाई समाप्त पार्न मिडियाको महत्वपूर्ण भूमिका रहने बताउंनुभयो । पत्रकार महासंघका केन्द्रीय सदस्य गणेश लम्सालले मधेशप्रति केन्द्रकृत मिडियाको बक्रदृष्टिकोण हटाउंन जरुरी रहेको बताउंनुभयो । नयां शक्ति पार्टीका केन्द्रीय सदस्य पत्रकार रामरिझन यादवले सिरहामा पत्रकार सम्मेलन गर्न नसक्ने अवस्था रहेकोले लहानमा गएर कार्यक्रम गर्नुपर्ने बाध्यता रहेको बताउंनुभयो । नेपाल पत्रकार महासंघ सिरहाका अध्यक्ष देवकुमार यादवका सभाध्यक्षतामा भएको सो कार्यक्रममा राष्ट्रपतिका स्वकीय सचिव जीवछ साह, प्रेस काउन्सीलका पूर्व सदस्य तथा वतावरण मन्त्रालयका मिडिया विद्द चन्द्रदेव कामती, मानव अधिकार संगठन सिरहाका अध्यक्ष राजकुमार राउत, सिरहाका सिडियो श्रीकृष्ण श्रेष्ठ, सिरहा नगरपालिकाका कार्यकारी अधिकृत इन्द्रदेव यादव, मधेश मिडिया मिशन नेपालका अध्यक्ष दिनेश्वर गुप्तालगायतले मधेशमा सिरहाको संचारकर्मीले खेलेको भूमिकावारे विचार राख्नुभएका थिए । पत्रकार महासंघ सिरहाका उपाध्यक्ष गणेश साहले स्वागत मन्तव्य राखेका थिए । कार्यक्रम संचालन पत्रकार महासंघ सिरहाका सचिव जीवछ यादवले गरेका थिए भने भवन निर्माणमा सहयोग पुरयाउंने सिरहा नगरपालिका, जिल्ला विकास समिति सिरहा, पत्रकार भोगेन्द्र साह, सरसफाई अभियन्ता धिरेन्द्र साहलाई कदरपत्र प्रदान गरिएका थिए ।
स्मार्ट निबन्ध लेखन प्रतियोगिता सम्पन्न

स्मार्ट निबन्ध लेखन प्रतियोगिता सम्पन्न

प्रकाशित समय 1:21 PM
फिरोज शेख , लहान माघ २८ - सिरहाको लहानमा रहेको जेएस मुरारका बहुमुखी क्याम्पस लहानमा शुक्रबार " परिवार नियोजन स्मार्ट बन्छ जीवन " विषयक स्नातक तहका छात्रछात्राहरुको निबन्ध लेखन प्रतियोगिता सम्पन्न भएको छ I USAID को सहयोग तथा HC3 सिरहाको आयोजनामा आयोजित उक्त प्रतियोगितामा ३८ जना स्नातक तहका छात्रछात्राहरुको सहभागी रहेको थियो I जसमा २९ जना छात्रा र ९ जना रहेका थियो i USAID सिरहा प्रतिनिधि भोला बिकेको अध्यक्षता तथा क्याम्पस प्रमुख तुलसी राम पोखरेलको प्रमुख आतिथ्यमा समपन्न प्रतियोगितामा ४ जना विजेता भएका छन् i विजेता हुनेहरुमा प्रथम रुबी कुमारी यादव , दोस्रो धर्मेन्द्र मण्डल , तेस्रो मनिषा चौधरी र सान्त्वना पुरस्कारमा माला कुमारी बिक विजेता भएका छन् i विजेता सम्पुर्णलाई प्रमाणपत्र , अविर लगाई प्रोत्साहन गरिएको छ i कार्यक्रममा क्याम्पसका सम्पूर्ण प्रध्यापक , विद्यार्थी , USAID सिरहाका फिल्ड अफिसर कुमार लम्साल लगायत बिभिन्न संघसंस्थाका प्रतिनिधि संचारकर्मीको उपस्थिति रहेको थियो i कार्यक्रमका संयोजक प्रध्यापक कन्हैया भट्ट रहेका थिए i

जेसिज पदाधिकारीहरुको तालिम सम्पन्न

प्रकाशित समय 1:11 PM
फिरोज शेख लहान , माघ २८ - लहान सिटि जेसिज लहान २०१७ का पदाधिकारीहरुको तालिम सम्पन्न भएको छ I लहान उधोग वाणिज्य संघको सभा हलमा आयोजित उक्त तालिम कार्यक्रममा २०१७ का लागि चयन तथा निर्वाचित भएका बिभिन्न पदाधिकारीहरुले आ-आफ्नो पदको काम , विशेषता , दायित्व ,कार्यक्षेत्र र क्षमताविकाश कसरि गर्ने सम्बन्धि तालिम सम्पन्न भएको छ I तालिममा २०१७ का अध्यक्ष जेसी सत्यनारायण पंजियार , कार्यकारीणी उपाध्यक्ष जेसि बसन्त साह , अजय साह , महासचिव जेसि उमेश चौधरी , कोषाधक्ष्य जेसि हिर्दय नारायण चौधरी , उपाधक्ष्य जेसि अनिल कुमार महतो , सतिस महासेठ , कृष्णा गुप्ता , रन्जु सिंह , जनसम्पर्क अधिकृत फिरोज शेख , तालिम निर्देशक दिपेन्द्र कुमार साह , कानुनि सल्लाहकारमा जेसि विजय गुप्ता , नेपाल जेसिजका कानुनि सल्लाहकार जेसी राजा बाबु साह , निवर्तमान अध्यक्ष जेसी शंकर प्रशाद गुप्ता , संस्थापक बसन्त साह लगायत बोर्डका मनोनित जेसी सदस्य सुमन गुता , अमरेश महतो लागायतको उपस्थिति रहेको थियो I तालिम प्रशिक्षकको रुपमा नेपाल जेसिजका उपाध्यक्ष जेसी कैलाश खाकी श्रेष्ठ रहेका थिए i तालिममा २०१७ का अध्यक्ष पंजियारले प्रशिक्षक श्रेष्ठ लाई सम्मान स्वरूप मायाको चिनो प्रदान गरेका छन् i

महिला बच्चा जन्माउंने मेशिन हैन

प्रकाशित समय 12:37 AM
दिनेश्वर गुप्ता लहान २८ माघ । संसारमा महिलाको संख्या केही प्रतिशत बढी छ, तर महिला अधिकारको लागि आज पनि आवाज उठाइरहनु परेको अवस्था रहेको अन्तर पार्टी महिला संजालकी पुष्पा ठाकुरले बताइन् । अन्तर पार्टी महिला संजाल सिरहाको आयोजनामा माघ २७ गते लहानमा महिलाको समानुपातिक समावेशी प्रतिनिधित्व अभिमुखिकरण कार्यक्रममा नेपालमा महिलाकी संख्या ५२ प्रतिशत रहेको भन्दै संजालकी ठाकुरले सोही अनुपातमा महिलाको अधिकार सुनिश्चित हुनुपर्ने बताइन् । नेपाली कांग्रेसका सिरहा सभापति तथा सांसद रामचन्द्र यादवले समाजमा महिलाको महत्वपूर्ण भूमिका रहेकोले आउंदो निर्वाचनमा महिला समावेशी गरी अघि बढ्ने प्रतिबद्धता जनाउंनुभयो । महिलालाई बच्चा जन्माउंने मेशिनको रुपमा नदेख्न भन्दै माओवादी भूमिगतको बेला पुरुषभन्दा सक्रिय भएर महिलाहरु जनसेनामा काम गरेको उदाहरण छ । यसर्थ महिलालाई अवसरको खांचो मात्रै रहेको माओवादीका रामपृत रामले बताए । सद्भावना पार्टीका दिनेश्वर गुप्ताले हालसम्म अधिकारको लागि ८ वटा आन्दोलन भएको छ । तर, महिला मुक्तिको लागि आन्दोलनको खाचो रहेको बताउंनुभयो । गुप्ताले जनसंख्याको आधारमा सबै वर्गतह तप्कालाई अधिकार सुनिश्चित गरियो भने मात्रै समाजमा शान्ति सुरक्षाको प्रत्याभूति हुन सक्ने बताउंनुभयो । संघीय समाजवादी फोरम नेपालका डोनेक मोक्तानले समाजमा विभेद रहेको छ । सोही विभेद अनुरुपको संविधान जारी भएकोले जबसम्म यसको अन्त्य हुंदैन तबसम्म चाहेको शान्ति कद्दापी नआउंने बताउंनुभयो । तमलोपाका राकेश झाले महिला अधिकार सुनिश्चित गर्न तथा समाज परिवर्तनको लागि संविधान संशोधन जरुरी रहेको बताउंनुभयो । कार्यक्रम महिला संजालकी उषा राउतले कार्यक्रम संचालन गरेकी थिइन् भने संजालकी उमा रेग्मी मन्तव्य राखेकी थिइन् ।

विकास निर्माणमा जोड दिंदै मधेशमा धार्मिक अनुष्ठान

प्रकाशित समय 1:09 AM
दिनेश्वर गुप्ता लहान २७ माघ । मधेशमा माघको अन्तिम सत्तादेखि चैत्तसम्म शान्ति स्थापनाका साथै विकास निर्माणमा जोड दिंदै धार्मिक अनुष्ठान कार्यक्रम सदियौंदेखि चल्दै आएको छ । लहान ४ स्थित माघ २६  गतेदेखि श्रीमद्भागवत महापुराण शुरु भएको छ । कार्यक्रमका संयोजक बृस्पती दास भन्छन् — ‘समाजमा शान्ति र विकास निर्माणको कार्यलाई अघि बढाउंनको निम्ति महायज्ञ गरिएको हो ।’ लहान ४ स्थित रहेको ब्रहमस्थान डिहिवारको कम्पाउण्ड वाल र पार्क निर्माणको लागि स्थानीयहरुको सहयोगमा महायज्ञ शुरु गरिएको हो । महायज्ञको पहिलो दिन अढाई सयको संख्यामा कलश यात्रा गरेका छन् । त्यसैगरी नियमित बेलुका ३ बजेदेखि ७ बजेसम्म कथा वाचन र विहान ९ बजेदेखि ११ बजेसम्म पूजा पाठ्परायण कार्यक्रम गरिएको छ । कार्यक्रम फागुन ४ र ५ गते अष्ठजाम गरी विर्सजन गर्ने कार्यक्रम रहेको संगीतमय युवा कथावाचक रामकुमार गोकुलले बताए । उता, विकास निर्माणलाई जोड दिंदै लहान ६ मा फागुन ८ गतेदेखि श्रीमद्भागवत महायज्ञको आयोजना गरिने भएको छ । सो महायज्ञका आयोजक समितिका विनोद विसुन्के भन्छन् — समाजमा जहिले पनि विकास निर्माणको लागि सरकारी गैरसरकारी संघसंस्थामाथी निर्भर रहदै आएको छ । यसलाई तोड्नको निम्ति धार्मिक अनुष्ठान पनि महत्वपूर्ण माध्यम हो । र, समाजमा शान्ति स्थापनाको लागि महायज्ञ शुरु गर्ने तयारी गरिएको हो ।’ सोही महायज्ञलाई लक्षित गरि वृद्धाश्राम र दलित गरिब विद्यार्थीहरुको लागि छात्रवास निर्माण गर्ने योजना रहेको छ । खेतीपातीको अपशिजन र मौसम पनि सुहाउंदो बन्दै गएको यस अवस्थालाई मधेशमा विगतदेखि नै सदुपयोग गर्न धार्मिक अनुष्ठान गर्ने चलन रहेको छ । उता, सिरहाकै गाढा गाविसमा पनि धार्मिक अनुष्ठानको तयारी भइरहेको समाजसेवी कन्हैयाप्रसाद गुप्ताले बताए । गत बर्ष सिरहा सप्तरीलाई जोड्ने इटहर्वा गाविसमा बलान खोलामा विशाल महायज्ञ गरिएको थियो । लहान ४ स्थित माघ २६ गतेदेखि शुरु भएको महायज्ञका समिति यस प्रकार छ । संयोजक बृस्पति दास, कोषाध्यक्ष तैतर पंडित, सदस्यहरु चन्देश्वर मण्डल, कारी महतो, रामविलास महतो, रामप्रसाद महतो, विल्टु मण्डल, लक्ष्मण पंडित, शम्भु पंडित, विरेन्द्र मण्डल, सत्यनारायण पंडित, रामदयाल महतोलगायत १५ सदस्य समिति गठन गरिएको छ ।

लहानमा दुई ट्रक एक आपसमा ठोकिदा एकको मृत्यु एक गम्भीर

प्रकाशित समय 12:22 AM
 फिरोज शेख लहान , माघ २७ -पूर्वपश्चिम राजमार्ग अन्तर्गत सिरहाको लहानमा आज विहान करिब ७ बजे  दुई ट्रक एक आपसमा ठोकिदा एक ट्रक चालकको मृत्यु भएको छ भने अर्का ट्रक चालक गम्भिर घाईते भएका छन् ।पूर्वबाट पश्चिमतर्फ जाँदै गरेको ना ५ ख १९२५ नम्बरको ट्रक र विपरित दिशाबाट आउँदै गरेको बा ४ ख ७१२ नम्बरको ट्रक एकआपसमा ठोकिएर दुर्घटना भएको हो । उक्त दुर्घटनामा बा ४ ख ७१२ नम्बर ट्रकका चालक मकवानपुर आमभन्ज्याङ ४ का २७ बर्षिय हरि बहादुर लो को मृत्यु भएको ईलाका प्रहरी कार्यालय लहानले जनाएको छ।

गम्भिर घाईते चालक लोको उपचारका लागि सप्तऋषि अस्पताल लगिएको र उपचारको क्रममा मृत्यु भएको लहान प्रहरीले जनाएको छ । प्रहरीका अनुसार गम्भिर घाईते ना ५ ख १९२५ नम्बरको चालक मकवानपुर हेटौडा १९ बस्ने रमेश चौलागाईको उपचार फ्रेन्ड्स अस्पताल लहानमा भईरहेको छ । ठोकिएर ट्रक कुल्चिएपछि एक घण्टापछि उनलाई स्काभेटर लिएर ट्रकबाट निकालिएको थियो ।दुर्घटनाका कारण लहानको पूर्वपश्चिम राजमार्ग करिब एक घण्टा अवरुद्ध भएको थियो । दुर्घटनापछि सडकमै तेर्सिएको ट्रकलाई स्काभेटरले साइड लगाएपछि राजमार्गको अवरुद्ध खुलेको प्रहरीले जनाएको छ । दुर्घटना तिब्र गतिका कारण भएको हुनसक्ने प्रहरीको अनुमान रहेको छ । घाइते चौलागाईको स्वास्थ्यमा सुधार आएको र उनि खतरा मुक्त रहेको प्रहरीले जनाएको छ ।