चार घण्टा भित्रै प्रहरीले राहुल लाई गरायो अपहरण मुक्त

प्रकाशित समय 5:06 AM
धनुषा २०७३ चैत्र १७ - जिल्ला प्रहरी कार्यलय धनुषाले अपहरणमा परेका एक व्यक्तिलाई अपहरणमुक्त गराएको छ । जनकपुर उपमहानगरपालिका–८ तेतरियाका राजकुमार यादवका १९ वर्षीय छोरा राहुल यादवलाई धनुषा प्रहरीले अपहरणमा परेको चार घण्टा भित्रै अपहरणमुक्त गराउन सफल भएको छ । तेतरिया बजारबाट बुधबार बेलुका करिब ७ बजेको समयमा अपरिचित दुई जना व्यक्तिले राहुललाई हतियार देखाई अपहरण गरेका थिए । अपहरणमा परेको जानकारी हुनासाथ जिल्ला प्रहरी कार्यालय धनुषाबाट सिमा नाकामा टोली परिचालन गरिएको थियो । स्थानिय बासिन्दा र प्रहरी टोलीलाई देखेपछि अपहरणकारीले राहुललाई छोडेर भागेको प्रहरी सहायक निरीक्षक किस्मत भण्डारीले जानकारी दिनुभयो । राहुललाई बुधबार राति अवेर परिवारको जिम्मा लगाएको र अपहरणकारीको खोजी भइरहेको प्रहरीले जनाएको छ।

मुख्यमन्त्रीको लोभमा संघीय समाजवादी फोरममा राजकुमार गुप्ता राजु

प्रकाशित समय 5:00 AM
दिनेश्वर गुप्ता लहान, १७ चैत्त । सद्भावना पार्टीभित्र रहेर अन्य पार्टीको प्रचारप्रसार गर्ने सिरहाका केही कामचोरी नेतालाई कारवाही गर्न थालिएको छ । सद्भावना स्थापनाकालदेखि जमिन्दारी शैलीका नेता राजकुमार गुप्ता राजुका परिवार यस पार्टीसंग आबद्ध रहेका थिए । पार्टीमा रहेर मात्रै हुंदैन भन्दै वीरगन्जको बैठकमा गुप्तासंग पार्टीको संगठन निर्माण, अनुशासन र आन्दोलनताका तेल कारोबारीसंग संलग्न विषयमा स्पष्टीकरण माग गरेको थियो । स्पष्टीकरण माग गरेको कारण गुप्ताले दूई महिना अगाडि वीरगन्जको बैठकताका राजिनामा दिएका थिए । राजिनामापछि गुप्तालाई सही बाटोमा आउंन सद्भावना पार्टीका केन्द्र समन्वय एवं निर्देशन समितिका मृगेन्द्र सिंह यादव, बद्री मण्डल र नवलकिशोर साहलगायतका टोली सिरहाको मिर्चैया आइपुगेका थिए । सो बैठकमा सहमहासचिव गुप्ताले युवा मंचका अध्यक्ष विरेन्द्र यादव, केन्द्रीय सल्लाहकार रामनारायण महतो, गोपाल गुप्तालगायतलाई पार्टीबाट निस्काशन गर्न दवाव दिएका थिए । सिरहामा पार्टीभित्र राजकुमार गुप्ताको हैसियत समाप्त हुंदै गएपछि करिब ७ महिनादेखि गुप्ता विचलनमा परेका थिए । यता, संघीय समाजवादी फोरमका अध्यक्ष उपेन्द्र यादव आफ्नो पार्टीमा ल्याउंन कसरत विगत लामो समयदेखि गर्दै आएका थिए । उपेन्द्र निकट स्रोतका अनुसार राजकुमार गुप्ता महाधनाढय व्यक्ति हुन् । उनका नेपाल र भारत गरी अरबौंको सम्पती रहेको छ । सोही प्रकृतिका फोरम नेपालमा सांसद डा.विरेन्द्र महतो पनि रहेकोले पार्टीलाई आर्थिक लाभको लागि मधेशका दूई खम्बा तयार पार्न पनि यो कार्य अघि बढाइएको हो । अर्का एक स्रोतका अनुसार फोरम नेपालमा मुख्यमन्त्री बन्ने हैसियत भएका नेता कम रहेकोले राजकुमार गुप्तालाई प्रदेश नम्बर २ को मुख्यमन्त्री र पार्टीको सहअध्यक्ष बनाउंने फोरम नेपालका अध्यक्ष उपेन्द्रले प्रतिबद्धता जनाएपछि सद्भावना छाडेका हुन् ।

तीन प्रतिशतको थ्रेसहोल्ड मान्य छैन : ठाकुर

प्रकाशित समय 6:48 AM
चैत १३ । तराई–मधेश लोकतान्त्रिक पार्टीका अध्यक्ष महन्थ ठाकुरले दलको मान्यताका लागि तीन प्रतिशतको थ्रेसहोल्ड मान्य नहुने बताएका छन् । उनले थ्रेसहोल्डको संसददेखि सडकसम्म विरोध गर्ने बताए । तमलोपा मोरङद्वारा विराटनगरमा आयोजित एक कार्यक्रममा उनले संयुक्त लोकतान्त्रिक मधेशी मोर्चासँग विगतमा भएका समझदारीलाई सरकारले पूरा नगरेसम्म निर्वाचनमा भाग नलिने बताएका छन् । उनले सीमाङ्कनलगायतका विधेयकलाई परिमार्जनसहित पारित गर्नुका साथै धारा २७४ लाई पनि संशोधन गर्नुपर्ने आवश्यकतामाथि जोड दिए । सरकारले जबर्जस्ती निर्वाचन गराए पनि त्यस्तो निर्वाचन मान्य नहुने धारणा व्यक्त गरे । अध्यक्ष ठाकुरले जनसङ्ख्याको सिद्धान्त विपरीत पुनःसंरचना आयोगले स्थानीय तहको संरचना निर्माण गरेको आरोप लगाए । अध्यक्ष ठाकुरले स्थानीय तह पुनःसंरचना आयोगले विवादित संरचना बनाएको र पूर्णता नपाएको अवस्थामा निर्वाचनको घोषणा गर्नु गलत भएको स्पष्ट पारे ।

मधेसी मोर्चाका चार नेताको यस्तो आक्रोश

प्रकाशित समय 4:39 AM
चैत १३ । मधेसी मोर्चाले सीमांकनसहित संविधान संशोधन विधेयक पारित गर्दै धारा २७४ समेत संशोधन हुनुपर्ने ‘बटमलाइन’ प्रस्तुत गरेको छ । मोर्चाका शीर्ष नेताहरूले सीमांकनबिनाको सरकारी कार्यदलले ल्याउने प्रस्तावमा कुनै प्रकारको छलफल र परामर्श हुनै नसक्ने जिकिर पनि गरेका छन् । सीमांकनबिनाको संविधान संशोधनमा सहमत हुन नसक्ने बताउँदै उनीहरूले सत्ता पक्षको दाबीमा कुनै सत्यता नभएको दाबी गरे । पहिलो मधेस आन्दोलन, गत नौ महिनासम्म भएको आन्दोलन र त्यसको निरन्तरताको उद्देश्य नै सीमांकन रहेको दाबी उनीहरूले गरेका छन् । साउन १९ गते माओवादी केन्द्र र कांग्रेससँग भएको तीनबुँदे सहिमतिमै स्पष्ट रूपमा उल्लेख गरिएको सीमांकनबारे सरकारले गलत प्रचार गरेको उनीहरूको भनाइ छ । 
 – स्थानीय तहको निर्वाचनलाई शान्तिपूर्ण ढंगले विरोध गर्ने र निर्वाचन हुन नदिने मोर्चाको स्पष्ट अडान छ । 
– महन्थ ठाकुर, अध्यक्ष, तमलोपा – मधेस आन्दोनलको जग नै सीमांकन रहेकाले सीमांकनबिना संविधान संशोधन हुन सक्दैन । 
– राजेन्द्र श्रेष्ठ, सहअध्यक्ष, संघीय समाजवादी फोरम नेपाल  
– सम्झौताका नाममा आन्दोलन तुहाउन, रोक्न र कमजोर गर्न तीन दलले गरेको नयाँ प्रस्ताव मधेस र मधेसीविरुद्ध छ । 
– राजेन्द्र महतो, अध्यक्ष, सद्भावना पार्टी – संशोधनमार्फत समाधान गर्ने हो भने कुनै पनि विषयलाई थाती राख्नु हुँदैन । 
– महेन्द्र यादव, अध्यक्ष, तराई मधेस सद्भावना पार्टी तराई मधेस लोकतान्त्रिक पार्टीका अध्यक्ष महन्थ ठाकुरले संसद्मा प्रस्तावित सीमांकनलगायत विधेयक परिमार्जनसहित पारित गर्नुका साथै धारा २७४ लाई पनि संशोधन गर्नुपर्ने बताए । उनले भने, ‘स्थानीय तहको निर्वाचन शान्तिपूर्ण ढंगले विरोध गर्ने र निर्वाचन हुन नदिने मोर्चाको स्पष्ट अडान छ । सरकारले जबर्जस्ती निर्वाचन गराए पनि त्यो मान्य हुँदैन । मोर्चा निर्वाचनको पक्षमा हुन सक्दैन ।’ दलको मान्यताका लागि तीन प्रतिशतको थ्रेसहोल्ड मान्य नहुने उल्लेख गर्दै उनले संसद्देखि सडकसम्म यसको विरोध गर्ने बताए । संघीय समाजवादी फोरम नेपालका सहअध्यक्ष राजेन्द्र श्रेष्ठले संविधान संशोधनलाई लिएर सरकारले केके गर्यो भन्ने विषयमा आफूहरू जानकार नरहेको बताए । उनले भने, ‘म कुनै कार्यदलमा छैन । सीमांकनबिनाको संशोधन भन्दै गठन गरिने कार्यदलमा बस्नुको कुनै औचित्य पनि रहँदैन ।’ मधेस आन्दोलनको जग नै सीमांकन रहेकाले सीमांकनबिना संविधान संशोधन हुन नसक्ने दाबी श्रेष्ठले गरे । सत्ता पक्षले आफ्ना कमजोरी लुकाउन सहमतिको कुरालाई उचालिरहेको हुनसक्ने उनले बताए । सद्भावना पार्टीका अध्यक्ष राजेन्द्र महतोले निर्वाचनका लागि सम्झौता गरी नयाँ षड्यन्त्रमा आफूहरू नफस्ने बताए । उनले भने, ‘सम्झौताका नाममा आन्दोलन तुहाउन, रोक्न र कमजोर गर्न तीन दलले गरिरहेको नयाँ सम्झौताको प्रस्ताव मधेस र मधेसीविरुद्ध छ ।’ तराई मधेस सद्भावना पार्टीका अध्यक्ष महेन्द्र यादवले सीमांकनबिनाको संशोधनमा मधेसी मोर्चा राजी भयो भन्दै गरिएको प्रचारमा सत्यता नरहेको बताए । उनले भने, ‘सीमांकनबिनाको संशोधन प्रस्ताव प्रधानमन्त्री दाहाल र प्रमुख प्रतिपक्षी दल एमालेका नेता केपी शर्मा ओलीले देशलाई खाल्डोमा हाल्ने षड्यन्त्रको उपज हो ।’ प्रधानमन्त्री पुष्पकमल दाहालले चीन प्रस्थान गर्नुअघि बिहीबार राति संविधान संशोधनलाई निकास दिएर चीन जान खोजे पनि सीमांकनबिनाको प्रस्ताव राखेको र त्यसमा पनि सत्ता पक्षकै राप्रपा र प्रमुख विपक्षी एमालेले असहमति जनाएको दाबी मोर्चाका नेताहरूले गरेका छन् ।

आफन्तको मृत्युपछि मेडिकेयरमा तोडफोड

प्रकाशित समय 8:44 AM
रामभरोसी यादव चैत्र ९ ।सिरहाको कर्जनहा गाउँपालिका २ बन्दीपुरमा रहेकोे एक स्वास्थ्य क्लिनिकमा उपचार गर्न भर्ना भएकी एक महिलाको मृत्यु भएपछि आक्रोशित आफन्तले तोडफोड गरेका छन् । आक्रशित आफन्तले जनस्वास्थ्य कार्यलमा दर्ता नै नगरी मेडिकल सञ्चालन गरेको र उपचारमा लापरबाही गरेको आफन्तको भनाई छ । यता, कर्जनहा गाउँपालिका २ की २५ वर्षीया रेखादेवी मुखियाको मंगलबार साँझ मृत्यु भएपछि प्रहरीले स्थानीय राईन मेडिकेयर सेन्टरका संचालक ताहिर राइनलाई पक्राउ गरेको ईलाका प्रहरी कार्यालय मिर्चैयाका प्रहरी निरीक्षक यम अधिकारीले जानकारी दिए । अनुहारको डण्डीफोर हटाउने भन्दै संचालकले शल्यक्रिया गराउन मंगरबार दिउँसो सेन्टरमा भर्ना भएकी मुखियाको शल्यक्रियापछि अत्यधिक रक्तश्राव भएर ज्यान गएको मृतककी सासु मसिहादेवी मुखियाले बताइन् । ‘भर्ना भए लगत्तै पाँच÷ छ बोतल स्लाइन दिएपछि बेहोस बनेकी ब्ुहारीको अनुहारको शल्यक्रिया गरेपछि रगत थामिएन’ सासु मसिहादेवीले रुदै भनिन् ‘रगत नथामिएपछि बेहोस अवस्थामै कर्जनहास्थित फूलकुमारी महतो मेमोरियल अस्पताल लैजाँदा बोटोमै मृत्यु भयो ।’ एक छोरा र एक छोरीकी आमा समेत रहेकी रेखादेवीकी पति रोजगारीको शिलशिलामा कतारमा छन् । जिल्ला जनस्वास्थ्य कार्यालय सिरहाका निमित्त प्रमुख उमेशलाल कर्णले केही दिन पहिले सेन्टर संचालनका लागि पक्राउ परेका राईनले संचालन अनुमति नलिएको जानकारी दिए ।

वर्षाले काँचो इँटा गल्दा करोडौको क्षति

प्रकाशित समय 5:54 AM
राम नारायण पंडित, सिरहा, ०७ चैत । सिरहामा वर्षाको कारणले भट्टामा हाल्न सुकाएर तयारी अवस्थामा राखिएको काँचो इँटा गल्दा करोडौको क्षति भएको छ । आइतबार राती परेको पानीले जिल्लाका विभिन्न ठाउँमा रहेका ५० वटा भन्दा बढी इँटा भट्टामा पोल्न तयारी अवस्थामा राखिएका काँचो इँटा गल्दा ३ करोड भन्दा बढीको क्षति भएको व्यवसायीहरुले बताए । नेपाल इँटा भट्टा महासंघका केन्द्रीय सदस्य समेत रहेका गोलबजार स्थित सागर इँटा उद्योगका संचालक बिक्रम साहले अहिलेको पिक सिजनमा जिल्लाका भट्टाहरुमा पोल्न राखिएका काँचो इँटा गल्दा व्यवसायीहरुले ठूलो आर्थिक क्षति बेहोर्नु परेको बताए । गोलबजार स्थित सगुन इँटा उद्योगका संचालक रामसगुन यादवले वर्षातको पानीले काँचो इँटा गल्दा व्यवसायीहरुले लागत मूल्य गुमाउनु पर्नुको साथै त्यसलाई पुनः गलाएर नयाँ बनाउनु पर्दा दोब्बर मर्का परेको बताए । सिरहामा जम्मा ५० वटा भन्दा बढी ईटा भट्टा संचालनमा रहेका छन् ।

मधेशीको माग सम्वोधन नभए कुनै शक्तिले निर्वाचन गराउन सक्दैन यादव

प्रकाशित समय 5:50 AM
अभिमनु कुमार पटेल रौतहट ५ चैत ।
मधेशीको मुदालाई सरकारले समयमा सम्बोधन गरेन भने देशको कुनैपनि शक्तिको प्रयोग गरी निर्वाचन गराउन सक्दैन संघीय समाजवादी फोरम नेपालका राष्ट्रिय अध्यक्ष तथा पूर्व परराष्ट्रमन्त्री उपेन्द्र यादवले बताएका छन ।शनिवार रिपोर्टर्स क्लब नेपाल रौतहट शाखाद्धारा आया्जित पत्रकार सम्मेलनमा बोल्दै अध्यक्ष यादवले गणतन्त्र मुलभुत समावेशी मुदालाई संवोधन गर्न यो  संविधान असफल रहेको छ ।रौतहट शाखाका अध्यक्ष अभिमनु कुमार पटेलको अध्यक्षतामा ओयोजित पत्रकार सम्मेलनमा नेता यादवले यो संविधानलाई निर्वाचन भन्दाबढी आवश्यक संविधान संशोधन गरी मधेश लगायत नेपालमा बस्ने विभिन्न सिमांकृत समुदायको मुदालाई संवोधन गरी संविधानमा मजबुतीको साथ संघीय लोकतान्त्रिक गणतन्त्र र देशको राष्ट्रिय पहिचानका मान्यतालाई अस्पष्ट रुपमा वेवस्थित गर्ने आवश्यकता रहेको अध्यक्ष यादवले बताएका हुन ।
जुन संविधान भित्र रहेका त्रुटिलाई समयमै संकलन गरी सुधार गर्ने काम छाडेर मधेशी बिच लडाउने षडयन्त्र रचेका हुन अहिलेको सरकार र यो भन्दा अगाडीको सरकार बिच खासगरी तिन दलका नेताका सोच र चिनतन गलत भएको कारणले मुल्क धेरै कठिनाई अन्धकार तिर गइरहेको अवसथा देखा परेका यादवले बताए ।जुन अवैधानिक तरिकाले स्थानीय निर्वाचनको मिति घोषणा गरेको नै सबभन्दा घोर आपती जनक कुरा रहेको छ । काठमाडौँको सरकारको मधेश वा कुनै प्रान्तको निर्वाचन गराउने अधिकार नरहेको संघीय प्रणालीमा स्थानीय निकायका निर्वाचन गराउने अधिकार प्रदेशी तहका हुन । तिन दलले निर्वाचनलाई घोषणा गरी संघीयता माथि खल्ल र सखाप पार्न एउटा षडयन्त्र रहेको यादवले बताएका छन ।
यहाँ जुन संरचना बनाएको छ त्यो सैरचना घोर आपती जनक रहेको छ । केन्द्रीय सरकारले स्थानीय निर्वाचन नाउँमा मधेशमा फेरी दमन र शोषण गर्न कदम चालेको छ । संविधानमा लेखिएको छ कि स्थानीय तह हुन्छ जसमा गाउँपालिका, नगरपालिका साथ साथ विशेष क्षेत्र स्वायत क्षेत्र एवं संगठित क्षेत्र तर त्यो क्षेत्रको संरचनालाई अगाडी नबढाई बाईपास गरी आफनो मनमानी तरिकाले बनाउन पनि हालको संविधानको मातहदमा नरही फेरी आफनो मनोपोली गरीरहेका छन । जनसंख्याको अधारमा निर्वाचन क्षेत्र घोषण गरेर अगाडी बढदा मजबुती हुने बताए । अहिले हुन लागेको निर्वाचन संघीयताको भावना विपरीत अपुर्ण संरचना रहेको जुन संविधान हामी मानेको छैनौ त्यो संविधान विपरीत रहेता पनि काँग्रेस , एमाले र माओवादीका विधानमा संघीयता गणतन्त्र नरहेको मधेश आन्दोलनले अहिले ल्याएको यादवले बताएका छन ।
माओवादीले गणतन्त्रको कुरा उठाउदा पनि त्याहा संघीयता नभएको जातिय सुशाषणका कुरा देखा परेका थिए । संविधान संशोधन प्रस्ताव संसदमा रहेको छ त्यो विधेयक अर्थहिन जसले नमेधशीको मुदा न अन्य जनजातिको मुदालाई संम्बोधन गर्न नसकिने रहेको छ । सरकार माथी रहेका विश्वास समाप्त भई सकेको पटक पटक मधेशीको मागसँग प्रतिद्धता जाहिर मात्र गरेकोले अब हुने सम्झौतामा लिखित रुपमा हुनुपर्छ । मधेशमा मात्र बन्द नगरी पुरै देशमा आन्दोलन गर्ने अहिले बिधार्थीहरुको परीक्ष भएकोले आन्दोलनको कार्यक्रम अगाडी नबढाएको यादवले बताउनु भयो ।

सिरहामा प्रधानमंत्री कृषि आधुनिकीकरण परियोजना लागु

प्रकाशित समय 12:58 PM
सिरहा, ४ चैत्र । कृषिको व्यवसायिकरण मार्फत औगोगिकीकरणमा रुपान्तरण गर्ने उद्देश्यले सरकारले सिरहामा प्रधानमंत्री कृषि आधुनिकीकरण परियोजना लागु गरेको जिल्ला कृषि विकास कार्यालय सिरहाले जनाएको छ । भौगोलिक सम्भाव्यता र तुलनात्मक लाभका आधारमा छनौट गरिएका क्षेत्र र वालीहरुमा एकीकृत रुपमा सघन कृषि विकासका कार्यक्रम सञ्चालन गर्ने कृषि विकास मन्त्रालयका प्रतिवद्धता बमोजिम सरकारले सिरहामा यस वर्ष देखि लागु गरेकोछ । जिल्ला कृषि विकास कार्यालय, सिरहाका वाली विकास अधिकृत योगेन्द्र यादवले वताएका छन् । जिल्ला कृषि विकास कार्यालय सिरहाकाको आयोजनामा शुक्रबार सिरहामा भएको प्रधानमंत्री कृषि अभिमुखिकरण परियोजना अभिकरण गोष्ठीमा वाली विकास अधिकृत यादवले सरकारले कृषिमा आधारित अर्थतन्त्रबाट कृषिजन्य उधोगमा रुपान्तरित आधुनिक, दीगो एवं आत्मनिर्भर कृषि क्षेत्रका विकास गर्ने सोचका साथ सरकारले सिरहामा प्रधानमंत्री कृषि आधुनिकीकरण परियोजना लागु गरेको वताए । परियोजनावाट आधुनिक कृषि पधतिहरुको अवलम्वन गरी प्रतिफलमा आधारित प्रोत्साहन प्रणालीको अवलम्वन तथा गुणस्तर नियन्त्रण र खाद्य स्वच्छतामा अभिवृद्धि हुने लक्ष्य रहेको वताउदै अधिकृत यादवे उक्त परियोजना करीव ६ करोडको लागतमा सञ्चालन हुने वताए । परियोजनाले सिरहामा साना व्यवसायिक कृषि उत्पादनका लागी थल्हाकटहा, बेल्हा, राजपुर, अर्नमा र चतरी तथा व्यवसायीक कृषि उत्पादनका लागी दुर्गापुर, बल्ही, फुलकहाकट्टी, ब्रम्हानगोछारी र पडरीयालाई पकेट तथा ब्लक क्षेत्रको रुपमा अगाडी सारिएको वताउँदै अधिकृत यादवले पकेट क्षेत्रमा रासायनिक तथा प्राङ्गरिकमल, उन्नत तथा हाइविज, वीउविजन, माछा, भुरा, रासायनिक एवं जैविक विषादीहरु ल्गायतका उत्पादन सामग्रीहरुमा अनुदानमा सहयोग गर्ने कार्यक्रम रहेको वताए । जिल्ला कृषि विकास कार्यालय सिरहाका प्रमुख डा. राम चन्द्र यादवको अध्यक्षता तथा सिरहाका स्थानीय विकास अधिकारी सुरेश राउतको प्रमुख आतिथ्य तथा निमित प्रमुख जिल्ला अधिकारी सोम प्रसाद भट्टाईको विशिष्ठ आतिथ्यमा सम्पन्न सो गोष्ठीमा जिल्ला पशु सेवा कार्यालय सिरहाका प्रमुख डा. काशीनाथ यादव, पत्रकार लगायत विभिन्न कार्यालयका प्रमुख एवं प्रतिनिधी, किसान समुहका प्रतिनिधी, विभिन्न गाविसका सचिव एवं प्रनिधिहरुको सहभागितामा रहेको थियो ।

अपहरण पश्चात हत्यारा गरेको आरोपमा जन्मकैद

प्रकाशित समय 8:15 AM
फिरोज शेख लहान, २०७३ चैत ४ - सिरहा जिल्ला अदालतले अपहरण गरी हत्या गरेको आरोपमा चार जनालाई जन्मकैद , तिन जनालाई ११ वर्षकैद सजाय सुनाएका छन्। सुखिपुर गाउँपालिका-६ का १४ वर्षीय श्रवण भण्डारीलाई अपहरण गरी हत्या गरेको आरोपमा जिल्ला अदालतले बिहिबार चारजना आरोपितहरूलाई जन्मकैद सहित जनही ५० हजार रुपियाँ जरिबाना र ३ हजार ५ सय रुपैया क्षतिपूर्ति दिने सजाय सुनाएको छ।भने सोहि घटनाकाआरोपित तीनजनालाई ११ वर्षकैद, जनही ५० हजार रुपैया जरिबाना र ३ हजार ५ सय रुपियाँ क्षतिपूर्ति र एक जनालाई २० रुपैया जरिबाना सजाय सुनाएका छन्। जन्मकैदको सजाय पाउनेहरुमा सुखिपुर गाउँपालिका-६ का २७ वर्षीय दिनेश भनिने उमेश यादव, ५३ वर्षीय लक्ष्मी भण्डारी, भारत दरभङ्गा घर भई हाल सुखिपुर गाउँपालिका-१ बस्ने २० वर्षीय रामकृष्ण शर्मा र २७ वर्षीय आमोद भनिने अमरकुमार साफी रहेका छन् । त्यसैगरी ११ वर्षकैदको सजाय पाउनेहरुमा मोहनपुर कमलपुरका ५५ वर्षीय बिन्देश्वर यादव, ५५ वर्षीय धनजित यादव र १९ वर्षीय रामचरण वातर रहेका छन् ।भने रु.२० जरिबाना हुनेमा सुखिपुर गाउँपालिका-१ का ३५ वर्षीय जितेन्द्र चौधरी रहेको सरकारी वकिल दिपेन्द्र दनुवारले बताए। वकिल दनुवारका अनुसार सिरहा जिल्ला अदालतका न्यायाधीश राजेन्द्रप्रसाद अधिकारीको एकल इजलासले सो फैसला गरेको हो। सुखिपुर गाविस-६ का १४ वर्षीय श्रवण भण्डारीलाई २०७२ साल जेष्ठ ११ गते आरोपितहरु अपहरण गरि जेष्ठ २२ गते हत्या गरि खेतमा खाल्टो खनी गाडेका थिए।श्रवणको सव खेतमा गाडिएको अवस्थामा फेला परेको थियो। मृतक बालकको शवको पोष्टमार्टम रामकुमार उमाप्रसाद अस्पताल लहानमा जेठ २२ गते भएको र सोही दिन मृतककी आमाले जिल्ला प्रहरी कार्यालय सिरहामा उजुरी दिएको जिल्ला प्रहरी कार्यालयले जनायो ।

चिट चोर्न भाइबर र म्यासेन्सर प्रयोग,सम्बन्धित निकाय मौन

प्रकाशित समय 7:13 AM


सिरहा– देशभर जारी माध्यमिक शिक्षा परीक्षामा सिरहामा भाइबर र म्यासेन्जरबाट चिट चोराउने नयाँ तरिका अपनाएको पाइएको छ । शिक्षक तथा अभिभावकले यस्तो तरिका अपनाएपनि सम्बन्धित निकाय मौन भने देखिएको छ ।
परीक्षा हलमा सहभागी विद्यार्थी तथा परीक्षामा खटिएका गार्डहरुले मोबाइलबाट प्रश्नपत्रको फोटो खिच्ने र त्यसलाई परीक्षा केन्द्रबाहिर रहेका शिक्षक तथा अभिभावकहरुलाई म्यासेन्जरमा पठाई प्रश्नपत्र आउट गर्ने गरेको पाइएको हो । बाहिरिएको प्रश्नपत्र हेरेर परीक्षर्थीहरुलाई भाइबर वा म्यासेन्जरबाटै उत्तर पठाउने गरेको पाइएको हो ।

सिरहाका धेरैजसो परीक्षा केन्द्रमा भाइबर र म्यासेन्जरमार्फत चिट चोराउने नयाँ तरीका अपनाएको नाम नखुलाउने शर्तमा एक शिक्षकले बताए । सिरहा सदरमुकामकाका साथै लहान, मिर्चैया, जमदह, फुलबरिया गोलबजार, कर्जन्हा, बन्दिपुर,चेहर्वा फुलबरीया, बर्छबा लगायत जिल्लाका अधिकांश परीक्षा केन्द्रमा भाइबर र म्यासेन्जरबाट चिट चोराउने गरिएको श्रोतको दाबी छ । यस्तै परिक्षामा एउटा बेन्चमा दुईजना परिक्षार्थी बस्ने नियम रहेपनि जिल्लाका अधिकांश परीक्षा केन्द्रहरुमा एउटा बेन्चमा ५ जनासम्म बसेको पाईएको छ ।

यति मात्र नभएर सिट जहाँ भएपनि परिक्षार्थीहरु आफुखुसी परिक्षा हलमा बसेको पनि भेटिएको छ । यो वर्ष सिरहाबाट कुल १० हजार ९ सय ७१ परीक्षार्थीले परीक्षा फर्म भरेका थिए । परीक्षामा जिल्लाका एक सय २८ सामुदायिक र ५४ संस्थागत विद्यालयका विद्यार्थी सहभागी छन् । -स्रोत;रातोपाटी 

सिरहामा माध्यमिक शिक्षा परीक्षा ( एस. एल. सी ) मा भईरहेको खुल्मखुला चिट चोरी

प्रकाशित समय 6:57 AM

सिरहामा केन्द्राध्यक्षहरु मोठो रकम लिई खुल्मखुला परीक्षा लिदै। निजी विद्यालयहरुले परिक्षालाई अमर्यादित बनेको छ तर प्रशासन मौन 

सिरहा । सिराहामा माध्यमिक शिक्षा परीक्षा वोर्डिङ (निजी विद्यालय) को सेटिङमा भएको खुलेको छ । परीक्षामा सम्वन्धित विद्यालयका शिक्षक गार्ड बस्न नपाउने व्यवस्था भएपनि सिरहामा रकम चलखेलमा निजी विद्यालयहरुले आफ्नै शिक्षकहरुलाई गार्ड राखेको पाइएपछि यस्तो रहस्य खुलेको हो ।

जिल्लाका केही परीक्षा केन्द्रहरुमा निजी विद्यालयले फर्जि परिचयपत्र बनाएर गार्ड राखेको पाइएको हो ।
निजी विद्यालयहरु रहेको परीक्षाकेन्द्रहरु चन्द्र मावि सिरहा, जनता बनवाली मावि वर्छवा, मोहन मावि मिर्चैया, जनसेवा मावि कर्जन्हा, जनता मावि चन्द्रोदयपुर, जमावि चन्द्रलालपुर, सरस्वती मावि जमदह, जमावि अयोध्यानगर कसहा, मावि पडरिया, पशुपति आदर्श मावि लहान, लक्ष्मण ललिता मावि लहान, मावि ब्रम्हान गोर्छारी लगायत परीक्षा केन्द्रहरुमा परीक्षामा सामेल विद्यालयहरुकै गार्ड राखेको बताइएको छ ।
जिल्ला शिक्षा कार्यालय सिरहाले परीक्षा केन्द्र रहेको विद्यालयलाई आफ्नै विद्यालयको जनशक्ति परिचालन गरी परीक्षा संचालन गर्न निर्देशन दिएको ति विद्यालयले बताएपनि जिल्ला शिक्षा अधिकारी अरविन्दलाल कर्णले जनशक्तिले नभ्याएको खण्डमा मात्र परीक्षामा सामेल विद्यालयको बाहेकका शिक्षकको सहयोग लिन भनेको बताए ।
उनले भने,‘ ‘मैले सवै केन्द्राध्यक्षहरुलाई जनशक्ति नपुगेको अवस्थामा मात्र अन्यत्र सहयोग लिनु भन्ने निर्देशन दिएको छु, त्यस्तो नगरेको अवस्थामा सम्वन्धित परीक्षा केन्द्राध्यक्ष नै जिम्मेवार हुनेछन् ।’
यता केन्द्राध्यक्षहरुभने जिल्लाले नै छुट दिएकाले नीजि विद्यालका शिक्षकहरु आउने गरेको बताएका छन् । जमावि अयोध्यानगर कसहाका केन्द्राध्यक्ष सुरेश कुमार साहले शिक्षा कार्यालयसँगै सोधेर गार्ड राखेको बताए ।
यसैबीच आज भएको पहिलो दिनको परीक्षामा सिराहबाट सातसय २४ विद्यार्थी अनुपस्थित भएको शिक्षा कार्यालय सिरहाले जनाएको छ ।
यो वर्ष सिरहाबाट कुल १० हजार ९ सय ७१ परीक्षार्थीले परीक्षा फर्म भरेका थिए । परीक्षामा जिल्लाका एक सय २८ सामुदायिक र ५४ संस्थागत सहभागी छन ।                                                            

मोर्चाद्वारा लहान नगरपालिकामा अनिश्तिकालिन तालाबन्दी

प्रकाशित समय 4:39 AM
फिरोज शेख लहान २०७३ चैत ४ - परिमार्जनसहित संविधान संशोधन र प्रदेशको मातहतमा स्थानिय तहको पुनःसंरचनाको माग गर्दै संयुक्त लोकतान्त्रिक मधेशी मोर्चा सिरहाले शुक्रबार लहान नगरपालिकामा अनिश्चितकालिन तालाबन्दी गरेको छ । मोर्चाले नगरपालिका कार्यकारी अधिकृत गजेन्द्रनाथ शर्माको कार्यकक्ष र प्रशासन फाँटमा तालाबन्दी गरेको छ। मधेशी मोर्चाले अहिलेको स्थानिय तहको पुनःसंरचना आयोगको प्रतिवेदनको विरोध गर्दै तालाबन्दी गरेका छन्। लहान मोर्चाका संयोजक कृष्ण बहादुर यादवको अगुवाइमा गएको मोर्चाका नेता तथा कार्यकर्ताले कालो झण्डा सहित चर्को नारावाजी गर्दै नगरपालिकामा काम गरिरहेका कर्मचारीहरुलाई कार्यलय बाट बाहिर निकाली तालाबन्दी गरेका हुन्।संयोजक यादवले जब सम्म मधेशको समस्या समाधान हुदैन तब सम्म स्थानीय तहको निर्वाचन र स्थानीय तह पुनःसंरचना मोर्चा संगै मधेशी जनताले मान्दैन। नेपाल सरकारको विवेधकारी नियतका कारण अनिश्चितकालिन तालाबन्दि गरेको छु । जब सम्म मोर्चाको अर्को निर्णय हुदैन तब सम्म तालाबन्दि जारि रहने उहाले बताए। गत फागुन २२ गते मन्त्रिपरिषद्ले गरेको निर्णयअनुसार नेपाल भरिका स्थानीय तह पुनःसंरचनालाई जिल्ला विकास समितिलाई जिल्ला समन्वय समितिमा परिणत गरेको थियो । जसअन्तरगत जिल्ला समन्वय समिति सिरहामा ६ नगरपालिका र १६ गाउँ गाउँपालिका स्थानीय तह पुनःसंरचना अनुरूप कायम गरिएको छ । सिरहामा स्थानीय तह पुनःसंरचनासँगै सिरहामा साविकका लहान, धनगढीमाई, सिरहा, गोलबजार, मिर्चैयासहित कल्याणपुर गाविसलाई नयाँ नगरपालिका बनाइएको छ। सिरहाको पश्चिमवर्ती क्षेत्रका साविकका कल्याणपुर जब्दी, अर्नामा प्र.रा., चतरी, इटारी प्रसाही, डुमरी, मझौलिया, चिकना, विषणुपुर प्र.रा., भोक्राहा, बेलहा र भेडियालाई गाभेर कल्याणपुर नगरापलिका बनाइएको छ। स्थानीय तह पुनःसंरचनाअन्तर्गत नगरपालिका रहेको सुखीपुरलाई गाउँपालिका बनाइएपछि स्थानीय बासिन्दा आन्दोलित समेत भएका छन्। स्थानीय तह पुनःसंरचनाअघि ६३ गा.वि.स. र ६ नगरपालिका कायम रहेको सिरहामा फागुन २७ गतेदेखि सुखीपुरलाई नगरपालिकाबाट गाउँपालिकामा झारेर कल्याणपुरलाई नयाँ नगरपालिका बनाइएको छ। सिरहामा साविकका लहान, धनगढीमाई, सिरहा, गोलबजार, मिर्चैयासहित नयाँ कल्याणपुर नगरपालिका बनाइएको छ भने कल्याणपुर नगरपालिका कायम भएपछि बाँकी रहेका ५२ मध्ये गाढा र गोविन्दपुर मलहन्मा लहानमा गाभिएका छन्। ५० वटा गा.वि.स.लाई ११ गाउँपालिका बनाइएको छ। स्थानीय तह पुनःसंरचना अन्तर्गत सिरहामा भगवानपुर, औरही, विष्णुपुर, सुखीपुर, कर्जनहा, बरियारपट्टि, लक्ष्मीपुर पतारी, नरहा, सखुवानन्कारकट्टी, अर्नामा र नवराजपुरलाई गाउँपालिका बनाइएको छ। यसै बीच नया संरचना अनुसार गाउपलिका सखुवानन्कारकट्टी वाडा न. ३ साविक गाविस महदेवा पोर्ताहाको कार्यलयको भवनमा लेखिएको नया बोर्डमा मधेशी मोर्चाका नेता तथा कार्यकर्ताले कालोमसोले पोतेका छन् ।संगै सिरहा जिल्लाको कुनै पनि गाउपलिकाम नया बोर्डन हालन आह्वान गरेका छन्।यदि कुनै गाविसमा वोर्ड लगाए कडा प्रतिकार सहित बोर्ड लाई तोडफोड गर्दै कलोमसो पोतने चेतावनी समेत दिएको संघीय समाजवादी फोरम नेपाल गाउ ईकाई समिति महदेवा पोर्ताहाका अध्यक्ष सतेलाल यादव द्वारा हस्ताक्षरित प्रेस विज्ञप्तिमा उल्लेख गरिएको छ । त्यस्तै गाउँ बिकास समिति मौवाहीमा गाउपालिकाको साइनबोर्ड पोति तालाबन्दि गरिएको छ।

सिरहामा पत्रकारलाई प्रवेश निषेध , महोत्तरीमा ९ बोरा चिट बरामद

प्रकाशित समय 3:11 AM
चैत्र ३ । हरेक जिल्लामा पत्रकारलाई परीक्षा केन्द्रको अनुगमन तथा समाचार सम्प्रेशनका लागि प्रवेश दिएको छ । तर सिरहामा भने पत्रकारलाई परीक्षा केन्द्र प्रवेशमा निषेध गरिएको छ।सिरहाका अधिकांश पत्रकारलाई परीक्षा केन्द्र प्रवेशमा निषेध गरिएको नयाँ पत्रिका सिरहाका सम्वाददाता दिलीप सिंहले बताए । उनले भने– ‘शिक्षा कार्यालयले नेपाल पत्रकार महासँघसँग सहकार्य गरी प्रवेश कार्ड उपलब्ध गराएको छ । तर पत्रकार महासँघले जिल्लाका अधिकांश सक्रिय तथा राष्ट्रिय मिडियका पत्रकारलाई प्रवेश कार्ड उपलब्ध गराएका छैन् । नागरिक दैनिकका सिरहा संवाददाता मिथिलेश यादब, एभिन्यूज सिरहा सम्बाददाता सन्तोष यादब, मधेस लाइभका सह–सम्पादक राजेश विद्रोही, सरगम एफएम र सरगम खबरका समाचार सम्पादक तथा स्टेशन म्यानेजर फिरोज शेखलगायतका अधिकांश पत्रकारलाई परीक्षा केन्द्रमा प्रवेशका लागि प्रवेश कार्ड उपलब्ध गराइएको छैन। जसका कारण उनीहरु समाचार सम्प्रेशन गर्न पाएनन् । विगतका बर्षहरुमा चिट चोर्न लगाउने निजी विद्यालयहरुको समाचार बाहिर ल्याउने अधिकांश पत्रकारलाई यो बर्ष परीक्षा केन्द्रमा प्रवेश गर्न नदिने योजना रहेको एक निजी विद्यालयका शिक्षकले बताए । यता, जिल्ला शिक्षा अधिकारी अरबिन्द लाल कर्णले जिल्लाका अधिकांश पत्रकार प्रवेश कार्ड नपाएको गुनासो गरेको स्वीकारे । उनले भने– ‘हामीले नेपाल पत्रकार महासँघसँग सहकार्य गरेर प्रवेश कार्ड वितरण गरेका छौं । यसै बीच आज पहिलो दिन अनिवार्य अङ्ग्रेजी विषयको परीक्षा सुरु नहुँदै महोत्तरीका विभिन्न परीक्षा केन्द्रबाट भने नौ बोरा चिट बरामद भएको छ । परीक्षा दिनका लागि जिल्लाको विभिन्न २८ वटा परीक्षा केन्द्रमा प्रवेश गर्न लागेका विद्यार्थीलाई मूल गेटमा चेक जाँच गर्दा नौ बोरा चिट बरामद भएको हो । परीक्षा केन्द्रको मूल गेटमा खटिएका प्रहरी र शिक्षक टोलीले गरेको संयुक्त चेक जाँचमा विद्यार्थीबाट नौ बोरा गाइड, पुस्तक तथा फ्लेप बरामद भएको जिल्ला शिक्षा कार्यालय महोत्तरीले जनाएको छ ।

निरीह बनेपछि अश्लील गालीमा उत्रिन बाध्य भयो एमाले (टिप्पणी)

प्रकाशित समय 7:36 AM
चैत्र १ । आँपको रुखमा हरियो थियो आँपको दाना । केपी शर्मा ओली नाम गरेका एकजना पण्डितले झटारो हाने, दाना हल्लियो । ‘लौ खस्यो, खस्यो’, चिच्चयाए ओली । तर दाना खसेन । लगत्तै ओलीले दर्शकहरुतर्फ फर्किँदै भने, ‘यो अमिलो आँप हो, यसलाई पाक्न दिनुहुन्न, त्यही भएर झटारो हानेको । ओलीले हरेक दिन झटारो हान्न छोडेनन् तर आँपले आफ्नो आकार लिँदै गयो र गर्मीको मौसमसँगै आँप पहेलो हुन थाल्यो । ओलीले भने, ‘सही मौका छ, अब चाहिँ यसलाई नखसाली भएन ।’ काठमाडौं, गुल्मी, पाल्पा, बुटवलको झटारोले केही नभएपछि ओली मधेस लागे झटारो ल्याउन । उनले जोडले हाने झटारो । आँपको दाना बेस्मारी हल्लियो । ओली खुशीले उफ्रिए । झटाराको बेग निकै तीब्र थियो । ओलीले आँखा तिखारी तिखारी हेरे भुईँमा । होसमा आउँदा रुखको आँपको दानाले उनलाई जिस्क्याइरहेको थियो । ओलीको मुखबाट निस्कियो– कस्तो अलिच्छिनी दाना पो रहेछ ।‘ट्याङ्ङ’ भूईमा आँपको दाना खस्ला कि भनेर हेरिरहेका ओलीको टाउकोमा झटारो बज्रियो । लौ, बजिया झटारो, आँप पो खस्ला भन्या त मेरै टाउकोमा पो बज्रिन्छ । ओली काका रन्थनिए, रिसले कन्सरी तात्यो । उनलाई भाउन्न भएर आयो, चटचट पसीना आयो, कन्सरीका रौं ताते उनका । ७ महिना निरन्तर झटारो हान्दा पनि आँप नखस्ने, झन माथि झन मैलाई झटारो लाग्ने । मुटुको ढुकुढुकी बढ्यो, श्वास बढ्यो । उनी बेहोस भएर पछारिए । होसमा आउँदा रुखको आँपको दानाले उनलाई जिस्क्याइरहेको थियो । ओलीको मुखबाट निस्कियो– कस्तो अलिच्छिनी दाना पो रहेछ । ‘राजनीतिमा तर्क र तथ्य सकिएपछि बिरोधीले गालीको सहारा लिन्छ । ७ महिनाको प्रयत्न चानचुने कुरा थिएन । अब के गर्ने ? ओली पण्डितले आफ्ना सहपण्डितहरुसँग सल्लाह गरे । कसैगरी नहुने भयो त ? यो आँप त पाकि छाड्ने भो, यसलाई पाक्न दिए हाम्रै बेइज्जती, हामी नै कमजोर हुने, मान्छेले त पाकेको आँप पो मन पराउँछन् । अनि हामी झटारो हान्ने त बढारिन्छौं चारैतिर‘। तथ्य सकियो, तर्क सकियो, झटारो सकिए । केहीले पनि नभएपछि उनीहरु बर्बराउन थाले र गाली उनीहरुको अस्त्र बन्न पुग्यो । एकजना लेनिन भन्नेले भनेको कुरा नेपाली राजनीतिमा निकै चर्चित छ । उनले भनेका थिए– ‘राजनीतिमा तर्क र तथ्य सकिएपछि बिरोधीले गालीको सहारा लिन्छ’ उनीहरुको मेची महाकाली अभियानको मूल नारा गाली बनेको छ । माओवादीविरुद्ध गाली, प्रचण्डविरुद्ध गाली, सरकारविरुद्ध गाली, मधेसी, दलित, महिला, जनजाति, परिवर्तनको रथ हाँक्न खोज्नेहरुविरुद्ध गाली । लेनिनवादको पुच्छर झुण्ड्याउने ओलीहरुले तिनै लेनिनको भनेको कुरा पुष्टि गर्दैछन् । सरकारविरुद्धमा ज्यान फालेर भ्रम र कुतर्कको झटारो हानेपनि केही सीप नलागेपछि गालीमा उत्रिँदैछन् । मानौं उनीहरुसँग राजनीति सकियो, विचार सकियो, एजेण्डा रित्तिए र मात्र बाँकी छ गाली, गाली अनि गाली । चितवनदेखि भैरहवासम्म एमालेको सभामा गालीको मात्रै वर्षा भयो । सुन्नेहरुलाई ओली काकाको भाषण भनेर बोलाइयो । गौतम चाचाको भाषण भनेर सहभागी गराइयो । तर गौतम चाचा, ओली काका, माधव माइला सबैले मात्रै गाली बके । अलच्छिना भने सरकारलाई । गाडी दुर्घटना पनि प्रचण्डकै कारण भएको भन्ने कुतर्क समेत गरे । अझ प्रचण्ड सरकारमा भएको बेला भूईंचालो आएको भए त बोक्सो नै भन्थे होलान् प्रचण्डलाई । गौतमले नालायक सन्तान भनेर सबै नेताका आमाहरुलाई नै गाली गरे । यो विशुद्ध गाली थियो, त्यहाँ कुनै राजनीतिक एजेण्डा थिएन । राजनीतिमा गालीको सहारा लिने मान्छे निरिह हुन्छ, कमजोर हुन्छ । ‘भुक्ने कुकुरले टोक्दैन’ भनेझैं एकपल्ट उनीहरु ठूलो स्वरमा चिच्याउँछन, त्यसपछि मुर्मुरिन्छन्, अनि आफैलाई चिथोर्न थाल्छन् ।अहिले यही अवस्था एमालेको भएको छ । गालीको सहारा लिने मानिस सबैभन्दा कमजोर हुन्छ । अप्ठ्यारो छ र पनि सरकारले गर्नुपर्ने काम गरेको छ । उनीहरुको मेची महाकाली अभियानको मूल नारा गाली बनेको छ । माओवादीविरुद्ध गाली, प्रचण्डविरुद्ध गाली, सरकारविरुद्ध गाली, मधेसी, दलित, महिला, जनजाति, परिवर्तनको रथ हाँक्न खोज्नेहरु विरुद्ध गाली । अझ सरकारमा कमल थापा पनि गएपछि ओलीलाई झनै छटपटी बढेको छ । अबको गाली कमल थापाविरुद्ध हुन्छ । यता सरकार भने ढुक्कसँग अघि बढेको छ । सरकारलाई थाहा छ– गालीको सहारा लिने मानिस सबैभन्दा कमजोर हुन्छ । अप्ठ्यारो छ र पनि सरकारले गर्नुपर्ने काम गरेको छ । आँप आँप हो, यसलाई आम मानिसले मन पराउँछन । यो सामान्य आँधी हुरीले खस्दैन । यो फलको राजा हो । गोविन्द गौतमको मुद्दालाई ‘क्यास’ गर्न खोज्यो एमालेले । तर सकेन । चाहेको थियो तर सीप लागेन । सरकारले इतिहासमा नै पहिलोपटक सीमाक्षेत्रमा मर्ने एक नेपालीलाई राज्यको उच्च सम्मान दियो । नेपालको इतिहासमा आम नेपाली नागरिकले राज्यबाट यसरी सम्मान पाएको सम्भवतः यो पहिलोपटक थियो । ओलीजनले यसमा केही गर्न सकेनन् । त्यहीबीचमा सरकार झनै बलियो हुन पुग्यो । ओली र गच्छदारको सहभागीतासँगै । अनि गाली नगरेर के गरुन त एमालेजन मित्रवरहरु, आँपको दाना आफ्नो पूर्ण आकारमा पाक्छ नै । आँप आँप हो, यसलाई आम मानिसले मन पराउँछन । यो सामान्य आँधी हुरीले खस्दैन । यो फलको राजा हो । त्यसैले झटारो हान्न छोड्नुस् । गाली गरेर आफूलाई निरिह प्रमाणित नगर्नुस् । इतिहासका काला पानामा आफ्नो नाम रिजर्भ गर्ने काम नगर्नुस् ।

निर्वाचन विथोल्ने कार्यक्रम घोषणा गर्दै मधेशी मोर्चा

प्रकाशित समय 7:05 AM
चैत्र १ । संयुक्त लोकतान्त्रिक मधेशी मोर्चाले सरकारलाई दिएको समर्थन औपचारिक रुपमा फिर्ता लिएको छ । प्रधानमन्त्री पुष्प कमल दाहाल प्रचण्डलाई दिएको ज्ञापन पत्रको आधारमा स्वतः मधेशी मोर्चाको समर्थन फिर्ता भएको हो । समर्थन फिर्तासँगै मधेशी मोर्चाले घोषित स्थानीय निकायको निर्वाचन विथोल्ने कार्यक्रम घोषणा गर्दैछ । तराई मधेश लोकतान्त्रिक पार्टीका उपाध्यक्ष बृषेशचन्द्र लालले मंगलबार राती १२ बजेबाट सरकारलाई दिइएको समर्थन औपचारिक रुपमै फिर्ता हुने बताए । हुलाकी न्यूजसँग लालले भने,‘सरकारलाई समर्थन दिने बेलामा प्रक्रिया पुरा गरिन्छ तर समान्य अवस्थामा समर्थन फिर्ता राजनीतिक निर्णयबाट हुन्छ । त्यसकारण हामीले अस्ति नै प्रधानमन्त्रीलाई लिखित रुपमै बुझाएकोले आजबाट स्वतः समर्थन फिर्ता भएको छ । मंगलबार बसेको मधेशी मोर्चाको सचिवालयको बैठकले समर्थन फिर्ता लिएपछिको आन्दोलनको खाका बनाएको छ । सचिवालयको खाका अनुसार बुधबार बस्ने मोर्चाको बैठकले आन्दोलनका कार्यक्रमहरु सार्वजनिक गर्नेछ ।सचिवालयले तयार पारेको खाका अनुसार चैत्र ३ गतेदेखि ११ गतेसम्म भण्डाफोर कार्यक्रम नै हुने रामसपाका महासचिव केशव झाले बताए । झाले हुलाकी न्यूजलाई दिएको जानकारी अनुसार ३ गतेदेखि ११ गतेसम्म एसएलसी परीक्षा भएकोले विद्यालयलाई प्रभावित हुने कुनै कार्यक्रम नहुने बताए । १२ गतेदेखि मोर्चाले विरोध प्रदर्शन तथा निर्वाचन विथोल्ने कार्यक्रमहरु गर्ने झाले बताए ।श्रोतका अनुसार मधेशी मोर्चाले निर्वाचन विथोल्न सुरु गर्ने आन्दोलनमा निर्वाचनसँग सम्बन्धि कर्मचारीहरु तथा कार्यालयहरु निसानामा पर्नेछ । कुनै पनि अवस्थामा स्थानीय निकायको निर्वाचन हुन नदिने रणनीति मोर्चाले लिदैछ ।

सर्लाहीमा दुई पक्षबीच झडप, नियन्त्रणमा लिन प्रहरीले चलायो गोली

प्रकाशित समय 6:59 AM
चैत १ । ईश्वरपुर नगरपालिका साबिक भक्तिपुरको खड्का टोलमा होली खेल्ने क्रममा डिजे बाजा बजाउने बिषयलाई लिएर दुई पक्षबीच झडप भएपछि, झडप नियन्त्रणमा लिन प्रहरीले चार राउण्ड हवाई फायर गरेको छ । खड्का टोलको माथिल्लो र तल्लो टोलका बासिन्दाबीच डिजे बाजा बजाउने विषयमा विवाद भई झडप भएको सर्लाहीका प्रहरी उपरीक्षक उत्तमराज सुबेदीले बताउनुभयो । झडपलाई नियन्त्रणमा लिनका गाउँमा पुगेका प्रहरीको गाडी माथि केही युवाहरुले ढुगांमुढा गरेपछि स्थिति नियन्त्रणमा लिनका लागि प्रहरीले सानो हतियार पेस्तोलबाट हवाई फायर गरेको प्रहरी उपरीक्षक सुबेदीले जानकारी दिनुभयो । युवाहरुको पथरावले प्रहरीको गाडीको सिसा फुट्नुको साथै केही प्रहरीलाई चोट समेत लागेको उहाँले बताउनुभयो । घटनामा संलग्न एक जनालाई प्रहरीले नियन्त्रणमा लिएको छ । गत वर्ष पनि डिजे बाजा बजाउने विषयमा विवाद भएको कारण खड्का टोलमा यस वर्ष होलीमा डिजे बाजा बजाउन प्रहरीले रोक लगाएको थियो । प्रहरीले बेलैमा गाउँमा पुगेर विवाद मिलाएकाले ठुलो क्षति टरेको प्रहरी उपरीक्षक सुबेदीले बताउनुभयो ।

‘एमालेको उक्साहटमा सरकारले सप्तरीमा गोली चलायो’:अध्यक्ष यादव

प्रकाशित समय 9:00 AM
फागुन २९ ।संघीय समाजवादी फोरम नेपालका अध्यक्ष उपेन्द्र यादवले सप्तरीको मलेठमा आफूहरुको एमालेसँग मुठभेड नभएको बताएका छन् । उनले एमालेको उक्साहटमा सरकारले गोली चलाएर पाँच जनाको नरसंहार गरेको दाबी गरे । सप्तरी घटनामा मृत्यु भएका पाँचजनाको शव यात्रामा सहभागी हुन शनिबार राजविराज आएका यादवले आइतबार बिहान आयोजित पत्रकार सम्मेलनमा एमालेको अभियानले राष्ट्रिय एकता तोड्ने र देश विखण्डनतर्फ जाने आरोप लगाए । काले भारतीय, विदेशी र माखे लगायतका अपमानित गर्ने शब्द प्रयोग गरी एमालेले विगतमा मधेशी जनतालाई आक्रोशित बनाएको भन्दै त्यसको परिणामस्वरुप एमालेको विरुद्धमा मधेसमा जनमत बनेको उनले बताए । निहत्था मधेसी जनतामाथि गोली चलाएर सरकारले मधेसीविरुद्ध युद्धको घोषणा गरेको भन्दै उनले आफूविरुद्ध भएको युद्धको घोषणाको जवाफ दिन मधेसी जनता तयार रहेको बताए ।

दुर्घटनामा बस चालकको मृत्यु

प्रकाशित समय 8:57 AM
लहान, २९ फागुन । पूर्वपश्चिम राजमार्गअन्तर्गत सिरहाको मिर्चैया नगरपालिका–२ स्थित सडकखण्डमा आज बिहान बस दुर्घटना हुँदा चालकको मृत्यु भएको छ । मिर्चैया नगरपालिका–२ मल्हनिया खोरीमा ना७ख २१२१ नंको बस अनियन्त्रित भई करिब ५० मिटर टाढा खेतमा पुगेपछि हाम फाल्ने क्रममा बस चालक मोरङको विराटनगर उपमहानगरपालिका–११ निवासीे ५० वर्षीय राजन श्रेष्ठको बसको चक्कामुनि परी घटनास्थलमै मृत्यु भएको प्रहरीले जनाएको छ । बिहान ५ बजेतिर काठमाडौँबाट विराटनगर आउँदै गरेको उक्त बस अनियन्त्रित भई सडकबाट तल खस्दा हाम फाल्ने क्रममा चक्काले किचेर बस चालक श्रेष्ठको घटनास्थलमै मृत्यु भएको र बसमा सवार अन्य यात्रु भने सकुशल रहेको इलाका प्रहरी कार्यालय, मिर्चौयाले जनाएको छ । यसैगरी सिराहा नगरपालिका–७ स्थित सडकमा ज६प ९३०८ नंको मोटरसाइकल आफँै अनियन्त्रित भएर दुर्घटना हुँदा गम्भीर घाइते भएकी मोटरसाइकलमा सवार सिरहाको मिर्चैया नगरपालिका–४ निवासी २५ वर्षीया सरितादेवी साहको जिल्ला अस्पतालमा उपचारका क्रममा मृत्यु भएको प्रहरीले जनाएको छ ।

शहिदहरुको शवयात्रामा उर्लियो जनसागर (फोटो फिचर)

प्रकाशित समय 9:24 AM
राजविराज, २८ फागुन । सप्तरीमा प्रहरीले चलाएको गोली लागेर ज्यान गुमाएकाहरुको शवयात्रामा जनसागर उर्लिएको छ । शनिवार विहान आठ बजे शवयात्रा निकाल्ने कार्यक्रम रहे पनि रातीदेखिको अविरल वर्षाले गर्दा शवयात्रा निकाल्ने कार्य प्रभावित भएको थियो । साढे १ बजेको समयमा शवयात्रा निकालिएको शवयात्रामा हज्जारौं जनसमुदाय सहभागी भएका छन् । राजविराजबाट निकालिएको शवयात्रा तोपा, मन्सापुर, हनुमाननगर, भारदह, बरमझिया, कञ्चनपुर, रुपनगर, महुली, विरेन्द्र बजार, सितापुर, रुपनी, शम्भुनाथ, कठौना, कल्याणपुर, खर्चुहिया, कडरबोना, कुशहा बजार हुँदै सिरहाको लहानस्थित शहिद चौकसम्म परिक्रमा गरिने संयुक्त लोकतान्त्रिक मधेशी मोर्चा सप्तरीले जनाएको छ । शवयात्रा पश्चात अन्तिम संस्कारकालागि शव परिवारजनको जिम्मा लगाईने मोर्चाका जिल्ला संयोजक दिनेशकुमार यादवले जानकारी दिएका छन् । विभिन्न स्थानमा शवयात्रालाई रोकेर स्थानीयवासिन्दाले शहिदहरुलाई अन्तिम विदाई गरेका छन् । 
प्रस्तुत छ शवयात्राका क्रममा विभिन्न स्थानमा देखिएका दृष्यहरुः

राजविराजबाट शवयात्रा निकालिंदै, पानिका कारण लहान आउन केहि ढिला हुने

प्रकाशित समय 11:54 PM
फिरोज शेख लहान , फागुन २८ । सप्तरी मलेठ घटनामा प्रहरीको गोलीलागी मारिएका पाँच जनाको शवयात्रा केहीबेरमा निकालिदैछ। गोलीलागी मारिएका पाँच जनाको शव शुक्रबार राति ल्याएर श्रद्धाञ्जलीका लागि राजविराजस्थित गजेन्द्र चोकमा राखिएको संयुक्त लोकतान्त्रिक मधेसी मोर्चा सप्तरीका संयोजक दिनेश यादवले जानकारी दिएका छन्। संयोजक यादवका अनुसार शवयात्रा राजविराजबाट शुरु भएर सप्तरीको हनुमाननगर, भारदह, कञ्चनपुर, रुपनगर, महुली, रुपनी, कल्याणपुर, कुशहा हुँदै लहान पुगेर दिउँसो ३ बजेतिर लहानको शहीद रमेश महतो चोकमा श्रद्धाञ्जली सभा हुनेछ। बिहान ८ बजे देखि शुरु गर्ने भनिएको शवयात्रा पानी परिरहेकोले केही ढिलो हुने यादवले बताए। शहादत शवयात्रामा १० हजार भन्दा बढी जनाको सहभागिता रहने मोर्चाले जनाइएको छ। नेकपा एमालेको मेची महाकाली राष्ट्रिय अभियान अन्तर्गत गजेन्द्रनारायण सिंह औद्योगिक क्षेत्रमा फागुन २३ गते आयोजना गरिएको जनसभामा सुरक्षाका लागि खटिएको नेपाल प्रहरी र शशस्त्र प्रहरीको गोली लागेर मलेठ गाविस वडा नम्वर– २ का २५ वर्षिय सञ्जन मेहता, मलेठ–४ का ५० वर्षिय पीताम्बर मण्डल, प्रसवनी–४ टेङ्गरी घर भएका ३५ वर्षिय सिनियर अहेव आनन्द कुमार साह र उपचारको क्रममा शहदत प्राप्त गरेका मलेठ–४ का विरेन्द्र महतो र सप्तरीको जमुनी मधेपुरा गाविस वडा नम्वर–१ कटवी गाउँ निवासी ५० वर्षिय ईनरदेव यादवको ज्यान गएको हो। सोहि घटनाको विरोधमा मोर्चाले गरेको अनिश्चतकालीन सप्तरी जिल्ला बन्दको घोषणाले तराई मधेशको जनजीवन कष्टकर बन्दै गएको छ । लगातारको बन्दको कारण आज सनिबार छैठौ दिन पनि जिल्लाको जनजीवन प्रभावित भएको छ।

होसियार ! होलीमा सवारी तीव्र गतिमा हाँक्दा प्रहरीको राडर गनले भेटाउला

प्रकाशित समय 11:05 PM
फागुन २८ । होलीको दिन तीव्र गतिमा सवारी हाँक्दै हुनुहुन्छ ? सावधान ! ट्राफिक प्रहरी सडकमा राडर गन लिएर उत्रिएका हुनेछन् ! सडकमा निश्चित दूरीभन्दा बढी गतिमा गाडी हाँके तपाईं कारबाहीमा पर्नुहुनेछ । ट्राफिक प्रहरीले दुघर्टना न्यूनीकरणका लागि सडकमा व्यापक सुरक्षा जाँच विन्दु राखेर सवारी चालकमाथि निगरानी राख्ने भएको छ । होलीमा मादक पदार्थ सेवन गरेर तीव्र गतिमा सवारी चलाउने प्रवृत्ति बढेपछि ट्राफिक प्रहरीले कडाइ गर्न लागेको हो । सवारी तीव्रगतिमा हाँक्ने, क्षमताभन्दा बढी हाँक्ने, हेल्मेट नलगाइ चलाउने र इच्छाविना रंग वा लोला हान्नेजस्ता प्रवृत्ति रोक्न प्रहरीले विशेष निगरानी गर्ने भएको हो । महानगरीय ट्राफिक प्रहरी महाशाखाका प्रमुख डीआईजी मिङ्मार लामाका अनुसार होलीलाई दुर्घटनारहित बनाउन विशेष सुरक्षा योजनासहित प्रहरी परिचालित भएका छन् । होलीका लागि मात्र राजधानीमा एक हजार प्रहरी परिचालित हुने भएको छ । महाशाखाले यो वर्ष होलीमा मादक पदार्थ सेवन गरेर सवारी चलाउनेलाई पूर्ण निषेध गर्ने, लापरबाहीसाथ चलाउने र तीव्र गतिमा हाँक्नेलाई कारबाहीको दायरामा ल्याउने जानकारी डिआईजी लामाले दिए ।

कञ्चनपुरमा नेपालको भूभाग मिच्ने भारतको दाउ

प्रकाशित समय 11:01 PM
फागुन २८ । पारि भारतको बसहीकस्वा, वारि आनन्द बजार । बीचमा रहेको अलि उँचो भूभागलाई बूढापाकाले दुम्के डाँडा भन्थे । तर, पटकपटक सीमा विवादका कारण तनाव बढ्न थालेपछि स्थानीय बासिन्दाले यसको नाम ‘कारगिल डाँडा’ राखिदिए । भारतीय प्रहरीले बिहीबार नेपाली भूभागमै पसेर गोली चलाउँदा एक जनाको मृत्यु भएपछि विवाद फेरि बल्झिएको छ । ‘सीमापारिबाट दिनहुँजसो मदिरा पिउन आनन्द बजार पुग्ने भारतीय सीमा सुरक्षा बलका जवान र सर्वसाधारणले नै यो डाँडाको नाउँ कारगिल राखेका हुन्,’ स्थानीय शेरबहादुर कामीले भने, ‘गोली चलेको घटना पहिलो हो तर सामान्य तनाव र झडप १७ औं पटक देखिसकेको छु ।’ शेरबहादुरका अनुसार बसहीकस्वा र आनन्द बजारका बासिन्दाको सम्बन्ध कहिल्यै राम्रो हुन सकेन । ‘केही वर्षअघि विद्यालय बनाउँदा पनि उनीहरुले अवरोध गरे । दुवै देशका अधिकारीबीच सहमतिपछि मात्र विद्यालय बन्यो । एक महिनाअघि दुवै देशका अधिकारीबीच सहमति भएपछि कल्भर्ट बनाइएको हो, यही कारण तनाव बढ्दै जाँदा ३२ वर्षीय युवकले अनाहकमा ज्यान गुमाउनपर्यो ।’ धनगढीदेखि २५ किमि दूरीमा रहेको आनन्द बजारमा अधिकांश जनजाति समुदायको बसोबास छ । पुनर्वास नगरपालिका ८ मा रहेको यो बजारको पारितर्फ भारतको सानो मन्डी बसही बजार छ ।
गोलबजारमा करेन्ट लगेर एक युवतीको मृत्यु

गोलबजारमा करेन्ट लगेर एक युवतीको मृत्यु

प्रकाशित समय 10:50 PM
फाल्गुन २८ । सिरहाको गोलबजार नगरपलिका-१ स्थित मुक्सारमा करेन्ट लगेर एक युवतीको मृत्यु भएको छ। मृत्यु हुनेमा सोही ठाउँकी १७ बर्षिया सानु कुमारी सोसलिङ रहेकी छन्।शुक्रबार साँझ ७ बजेतिर आएको हावा हुरीले अचानक विधुतको तार चुँडिएर विधुत लिक भइ चार्जमा राखेको मोबायल निकाल्ने क्रममा करेण्ट लागेर उनि घाईते भएकी थिईन।घाईते युवतीलाई उपचारकालागी लहान अस्पताल लैजाने क्रममा बाटोमै मृत्यु भएको इलाका प्रहरी कार्यालय गोलबजारले जनाएको छ।

एउटा देसमा दुइटा कानून मधेशी मर्दा रोएन पहाड़ी मर्दा रोए निधी

प्रकाशित समय 11:25 AM
फागुन २७ । उपप्रधानमन्त्री एवम् गृहमन्त्री विमलेन्द्र निधिले कञ्चनपुरको सीमामा भारतीय सुरक्षाकर्मीको गोली प्रहारबाट निधन भएका नेपाली नागरिक गोविन्द गौतमलाई सहिद घोषणा गरेको जानकारी दिनुभएको छ । व्यवस्थापिका–संसद्को आजको बैठकमा कञ्चनपुर र सप्तरी घटनाका सम्बन्धमा सांसदहरुले उठाएका प्रश्नको जवाफ दिँदै गृहमन्त्री निधिले सहिद घोषणाका साथै रु दस लाख राहतस्वरुप उपलब्ध गराउने, गौतमको अन्त्येष्टि सम्मानपूर्वक गरिने र सन्ततिको निःशुल्क पठनपाठन गराइदिने निर्णय भएको पनि जानकारी दिनुभयो । संसदमा कञ्चनपुर घटनाका विषयमा जानकारी गराउँदै गर्दा गृहमन्त्री निधि रुनु भयो । गौतमलाई सहिद घोषणा गरेको जानकारी गराउँदै गर्दा निधिको गला अवरुद्ध भएको थियो । गला अबरुद्ध भएपछि उनी केही समय रोक्नु भएको थियो । कञ्चनपुर जिल्लाको दक्षिणी सिमाना नजिक आनन्द बजारमा कल्भर्ट निर्माण सम्बन्धमा नेपाल र भारतका सीमा अधिकारीबीच यही फागुन १० गतेको सहमति विपरीत भारतीय पक्षले कल्भर्ट भत्काएपछि उत्पन्न विवादमा भारतीय सुरक्षाकर्मीको गोली प्रहारबाट निर्दाेष गोविन्द गौतमको उपचारका क्रममा दुःखद् निधन भएको मन्त्री निधिले अवगत गराउनुभयो । उहाँले उक्त अकल्पनीय घटनाबारे गृह र परराष्ट्र मन्त्रालयले विज्ञप्ति जारी गरी धारणा स्पष्ट पारिसकेको जानकारी दिँदै भारतीय पक्षबाट गोली प्रहार हुनु निन्दनीय भएको बताउनुभयो । सोही विषयमा आफूले प्रधानमन्त्रीको निर्देशनमा भारतीय विदेशमन्त्री सुष्मा स्वराजसँग टेलिफोन गरी घटनाको छानबिन गर्न र दोषीमाथि कारबाही गर्न आग्रह गरेको उहाँले जानकारी दिनुभयो । यस्तै, परराष्ट्रमन्त्री डा प्रकाशशरण महतले पनि स्वराजलाई फोन गरी आइन्दा यस्तो घटना नदोहो¥याउन आग्रह गर्नुभएको र यहाँस्थित भारतीय दूतावासका कार्यबाहक राजदूतलाई परराष्ट्र मन्त्रालयले बोलाइ ध्यानाकर्षण गराएको पनि बताउनुभयो ।
राजविराजदेखि लाहानसम्म शव यात्रा, हजारौं सहभागी हुने

राजविराजदेखि लाहानसम्म शव यात्रा, हजारौं सहभागी हुने

प्रकाशित समय 6:14 AM
राजविराज २७ फागुन । नेकपा एमालेको मेची–महाकाली अभियान सफल बनाउने क्रममा सशस्त्र पैहरीले गोली हानी हत्या गरेका चारै जनाको शव यात्रा शनिबार हुने भएको छ ।
संयुक्त लोकतान्त्रिक मधेशी मोर्चा सप्तरीले शव बुझेर भोलि (शनिवार) सिरहाको लहानसम्म शवयात्रा गर्ने जनाएको छ । शव यात्रामा सप्तरी, सिरहा र धनुषाका हजारौं मधेशीहरुको सहभागिता रहने मोर्चाले जनाएको छ ।
सप्तरीका प्रमुख जिल्ला अधिकारी कृष्णबहादुर कटुवालको अध्यक्षतामा बसेको मोर्चासम्मिलित बैठकले शव ल्याउने निर्णय गरेको गरेको थियो ।
सोमबार सप्तरीमा भएको घटनामा प्रहरीले हत्या भएकाहरुलाई सहिद घोषणा, परिवारलाई उचित क्षतिपूर्ति, घाइतेको उपचार खर्च, मृतक परिवारमध्ये एकजना सदस्यलाई जागिरको व्यवस्थासहितका मोर्चाले अघि सारेका मागलाई स्थानीय प्रशासनले गृह मन्त्रालयलाई सिफारिस गर्ने बैठकले निर्णय गरेको हो ।
सप्तरी घटनामा मलेठ–२ बस्ने २५ वर्षीय सञ्जन मेहता, मलेठ–४ का ५० वर्षीय पीताम्बर मण्डल, मलेठ–४ का वीरेन्द्र महतो र प्रसवनी–४ टेङ्गरी घर भएका ३५ वर्षीय सिनियर अहेव आनन्दकुमार साहको हत्या भएको हो ।
उनीहरुको शवपरीक्षण धरानस्थित बिपी कोइराला स्वास्थ्य विज्ञान प्रतिष्ठानमा गराई शनिबार राजविराजदेखि लहानसम्म शवयात्रा गर्ने निर्णयसमेत भएको छ ।
लहानबाट पुनः मलेठ ल्याई तीनजनाको मलेठमै औद्योगिक क्षेत्र नजिक र प्रसवनीका साहको प्रसवनीमै दाहसंस्कार गरिनेछ ।  स्रोत :हुलाकी न्यूज

मोर्चाद्धारा सप्तरीमा एक यात्रुबाहक बसमा आगजनी, बस पूर्ण रुपले जलेर नष्ट

प्रकाशित समय 3:12 AM
सप्तरी ,२७ फागुन । आन्दोलनरत मधेशी मोर्चाका नेता तथा कार्यकर्ताहरुले सप्तरीको मलेठ गाविसस्थित सडक खण्डमा बन्द को अवज्ञा गरेको भन्दै वीरगञ्ज देखि राजविराज चल्ने स्वस्तिका ट्राभ्ल्समा एक यात्रु बाहक बसमा आगजनी गरेका छन । सोमबार सप्तरीमा प्रहरीले गोली चलाएको स्थानमै मोर्चाका कार्यकर्ताहरुले बिरगन्जबाट राजविराजतर्फ आउँदै गरेको ना. ५ ख. ६७१३ नम्बरको यात्रुबाहक बसमा आगजनी गरेका हुन । आगजनीबाट बस पूर्ण रुपले जलेको छ । बसका यात्रुहरुलाई ओरालेर सोही बसमा रहेको डिजल र पेट्रोल छर्केर आगो लगाएको जनाइएको छ । यता संयुक्त लोकतान्त्रिक मधेशी मोर्चा सप्तरीको आह्वानमा अनिश्चितकालिन बन्दको आज पाँचौं दिन पनि प्रदर्शन जारि रहेको छ भने संघीय गठबन्धनले आह्वान गरेको एक दिने नेपाल बन्दको पूर्ण प्रभाव परेको छ । यहाँबाट कुनै सवारीसाधन चलेका छैनन् भने पसल, कलकारखाना, उद्योग, बजार समेत बन्द रहेको छ । जिल्लाको भारदह, कंचनपुर, रुपनी, कल्याणपुर लगायतका स्थानहरुमा मोर्चाका कार्यकर्ताहरुले सडकमा टायर बालेर प्रदर्शनलाई निरन्तरता दिइरहेका छन् ।यसअघि हिजो मात्रै आन्दोलनकारीहरुले राष्ट्रिय मानवअधिकार आयोगकी सदस्य एवं प्रवक्ता मोहना अन्सारी चढेको बा. ७ च ७४७९ नम्बरको गाडीमा तोडफोड गरेका थिए । सो गाडीलाई पनि मलेठमै तोडफोड गरिएको थियो । सभार सरगम खवर

ओली र निधिको पुत्ला दहन

प्रकाशित समय 9:44 PM
राम नारायण पंडित, सिरहा, २६ फाल्गुन ।संयुक्त लोकतान्त्रिक मधेशी मोर्चाले सिरहामा एमाले अध्यक्ष केपी शर्मा ओली र गृहमन्त्रि बिमलेन्द्र निधिको पुत्ला दहन गरेका छन् । मोर्चाले मिर्चैयामा बुधबार साझँ पुर्ब प्रधानमन्त्रि समेत रहेका ओली र गृहमन्त्रि निधिको पुत्लालाई नगर परिक्रमा गर्दै मिर्चैया बजारमा दहन गरिएको मोर्चा नेता पबतिर यादबले बताए । सप्तरीमा भएको नरसंहार उपप्रधान मन्त्रि समेत रहेका निधि र एमाले अध्यक्ष ओलीले सुनियोजित रुपमा गराएकोले पुत्ला दहन गरिएको मोर्चाले दाबी गरे । उक्त क्रममा मोर्चाले सरकार र एमालेको बिरुद्धमा जोरदार नाराबाजी पनि गरेका थिए ।

मिर्चैयमा मोर्चाले एमाले नेता ठाकुरलाई कालोमोसो दले

प्रकाशित समय 9:37 PM
राम नारायण पंडित, सिरहा, २६ फाल्गुन । संयुक्त लोकतान्त्रीक मधेसी मोर्चाका कार्यकर्ताले नेकपा एमालेका सिरहा जिल्ला समिति सदसय राम दयाल ठाकुरलाई बुधबार कालोमोसो दलेका छन् । नेकपा एमालेले मेची महाकाली अभियानको क्रममा सप्तरीमा नरसंहार गराईएको भन्दै आक्राशित मोर्चाका कार्यकर्ताले मिर्चैयाको कटारी चौकमा ठाकुरलाई कालोमोसो दलेका हुन् । मधेश र मधेसी बिरोधी पार्टी एमालेमा लागेकोले चेताबनी स्वरुप ठाकुरलाई कालोमोसो दलिएको मोर्चा नेता राम दयाल यादबले बताए ।
मोटरसाईल दुर्घटना एकको मृत्यु, एक घाइते

मोटरसाईल दुर्घटना एकको मृत्यु, एक घाइते

प्रकाशित समय 7:16 AM
राम नारायण पंडित, सिरहा, २५ फाल्गुन । सिरहाको वडहरामाल ५ मा मोटरसाईकल अनियन्त्रित भई दुर्घटना हुँदा एक युबकको मृत्यु भएको छ भने एक युबक घाईते भएका छन् । मृत्यु हुने मोटरसाईकलको पछाडी सवार वडहरामाल ५ बस्ने अन्दाजी १८ बर्षीय ब्रम्हम यादव रहेको प्रहरीले बताए । घाईते हुनेमा सोही ठाँउका प्रेम कुमार यादव रहेका छन् । मंगलबार पूर्व पश्चिम लोकमार्गमा ज ५ प २२६० नम्बरको मोटरसाईकल  अनियन्त्रित भई दुर्घटना भएको प्रहरीले बताए ।

सिरहामा जन्ती बसमा करेन्ट लाग्दाँ दुई घाइते

प्रकाशित समय 7:13 AM
राम नारायण पंडित, सिरहा, २५ फाल्गुन । सिरहामा जन्ती लिन जाने क्रममा बसमा करेन्ट लाग्दाँ २ जना घाईते भएका छन् । बुधबार महोतरीबाट सिरहाको बंगठीया जन्ती लिन जाने क्रममा ना ४ ख ३७०५ नम्बरको बसमा कल्याणपुर १ परचिलबामा करेन्ट लाग्दा दुई जना घाइते भएको ईलाका प्रहरी कल्याणपुरले जनाए । घाईते हुनेहरुमा स्थानिय १० बर्र्षीय बालक आशिष माझी र बसको खलासी महोतरी साढाँ बस्ने करीब ३० बर्षीय प्रबिण झा रहेका छन् । घाईते झाको अबस्था गम्भिर रहेकोले स्थानिय स्तरमे उपचार सम्भब नभएपछि थप उपचारका लागि बाहीर रेफर गरिएको छ भने घाईते बालक माझीको स्थानिय स्तरमा उपचार भइरहेको छ । कल्याणपुर १ परचिलबा १ स्थित बिजुलीको तार चुडिँएर खसेको अबस्थामा रहेकोले बसमा करेन्ट प्रबाह भएको प्रहरीको भनाई रहेको छ । बसमा यात्रु नरहेकोले ठुलो घटना नभएको स्थानियको भनाई रहेको छ । यता, बस कल्याणपुर प्रहरीको नियन्त्रणमा रहेको छ भने चालक फरार रहेकोले खोजी भइरहेको प्रहरीले बताए ।

मोर्चा द्वारा भाटा जुलुस प्रदर्शन

प्रकाशित समय 6:46 AM
फिरोज शेख लहान २०७३ फागुन २५ - मधेश विरोधी गतिविधि गर्ने व्यक्तिका लागि चेतावनी सवरूप सिरहाको लहानमा बुधबार संयुक्त लोकतान्त्रिक मधेशी मोर्चाका नेता तथा कार्यकर्ताले भाटा जुलुस प्रदर्शन गरेका छन्। लहानको आन्दोलन चौक बाट निस्केको सैयौ नेता तथा कार्यकर्ता सहभागी उक्त जुलुसले मधेशी दलाल होसियार , गृहमन्त्रि राजिनामा दे , प्रधानमन्त्रि राजिनामा दे , केपी ओली मुर्दावाद , यसपालिको हैजा मधेश विरोधी सबै नेता लाइ लैजा भन्दै चर्को नारावाजी गर्दै सप्तरी घटनाको विरोध गर्दै लहानको बिभिन्न भाग परिक्रमा गरि सहिद रमेश चौकमा कोणसभा मा परिणत भएको छ । कोण सभामा मोर्चाका बिभिन्न नेता तथा कार्यकर्ताले अहिलेको वर्तमान स्थितिको बारेमा मन्तव्य दिदै वर्तमान सरकार , नेकपा एमाले र गृहमन्त्रीको विरोध गरेका छन्। यसै बीच कुनै अप्रिय घटना नहोस भनि जिल्लाका सबै क्षेत्रमा स्थानीय प्रशासनले उच्च सतर्कता अपनाउँदै चौतर्फी सुरक्षा व्यवस्था कडा बनाएका छन् । जुलुसको पछाडी - पछाडी प्रहरीको बाक्लो उपस्थिति रहेको थियो  । 

लहानमा बालिकामाथी प्रहरीको प्रहार, एमाले समर्थकलाई समाजिक वहिष्कारको चेतावनी र गृहमन्त्रीलाई प्रहरी प्रमुखको मुखामुख जवाफ

प्रकाशित समय 5:45 AM
लहान, २५ फागुन । सप्तरीमा प्रहरीद्वारा गरिएको नसंहारको विरोधमा आज लहानमा गरिएको बन्दको क्रममा दूई बालिका र एक युवाको गहिरो चोट लागेको छ । उता बन्दको क्रममा १३ आन्दोलकारीलाई नियन्त्रणमा लिएका थिए । मधेश र मधेशीको विरोधमा क्रियाकलाप गर्दै आएका एमाले सिरहा क्षेत्र नम्बर १ का क्षेत्रीय कार्यालय लहानमा आन्दोलनकारीहरुले तोडफोड गरी आगजनी गरिएको छ । घोषित बन्दको कार्यक्रमलाई निरन्तरन्ता दिंदै बन्दको अवज्ञा गरेको भन्दै लहान स्थित रहेको एमालेको पार्टी कार्यालयको टेबुललगायतको फर्निचरमा आगजानी गरी क्षति पुरयाएको हो । बन्दलाई प्रभावकारी बनाउंनको निम्ति आन्दोलनकारीले हजारौंको संख्यामा र्याली प्रदर्शन गरेका छन् । प्रदर्शन अगाडि सडक अबरुद्ध गर्ने क्रममा ईलाका प्रहरी कार्यालय लहानले सद्भावना पार्टीका सहमहासचिव राजकुमार गुप्ता (राजु), आन्दोलनका स्थानीय संयोजक कृष्णबहादुर यादव, संघीय समाजवादी फोरमका बैद्यनाथ साह, प्रयाग यादव, सत्यनारायण यादव, तमसपाका मनोज यादव, तमलोपाका रोशनकुमार यादव, दिनेश यादव, आलोककुमार यादव, गुलाब राईन, विजय यादव, दिलिप यादवलगायत १३ जनालाई नियन्त्रणमा लिएका थिए । आन्दोलनकारीको दवावपछि सांझ ६ः३० बजे उनीहरुलाई रिहा गरिएको छ । आन्दोलनलाई कडा पार्न निकालिएको जुलुश कोणसभामा परिनत हुनेक्रममा एमाले आवद्ध फलफूल पसलका व्यापारीले आन्दोलनकारीलाई गालीगलौज गरेका थिए । यसको प्रतिकार गर्नेक्रममा स्थानीय फलफूल पसलेले आन्दोलनकारी इटहर्वा निवासी हरेराम यादवलाई मुखमा ढुंगाले हिर्काउंदा ८ वटा टांका लागेको थियो । घाईते यादवलाई सद्भावना पार्टीका रोशन सिंहले हषिका पोलीक्लिनिक एण्ड डाईग्नोशिश सेन्टरमार्फत निःशुल्क उपचार गराएका छन् । आक्रोशित आन्दोलनकारीले फलफुल पसल तोडफोड गरेको छ । फलफूल पसलले बाटो अत्तिक्रमण गरि पसल संचालन गर्दै आएका छन् । सोहीक्रममा केही व्यक्ति मालपोत कार्यालय लहानमा ढुंगामुडा गरिएको छ । आन्दोलनकारीले जुलुस प्रदर्शन पश्चात एमाले अध्यक्ष केपी शर्मा ओलीको पुतला दहन गरेको छ । अनाहकमा दूई बालिकामाथी प्रहरीको प्रहार
बन्दलाई कडा पार्न संयुक्त लोकतान्त्रिक मधेशी मोर्चा लहानले ठाउं ठाउंमा टायर बालेर सडक अबरुद्ध गरेको छ भने दूई बालिकालाई प्रहरीले अनाहकमा कुटपिट गरी घाईते बनाएका छन् । सांझ ६ः४५ बजेतीर लहान ३ कुशवाहा चौकमा स्थानीय महेश कुशवाहाका पांच र आठ बर्षीया प्रिया र प्रितिलाई रक्सी सेवन गरेका प्रहरीले कुटपिट गरी घाईते बनाएका छन् । विस्कुट र चक्लेट किन्न सडक पारी पसलमा गइरहेकी प्रिया कुशवाहालाई प्रहरीले लठीले हिर्काउंदा उनकी दायां हात भांचिएको छ । उपचारको लागि दुवै बालिकालाई लहान अस्पताल लगिएको छ । सिरहाका युवाहरुले माग गरे गृहमन्त्रीको राजिनामा
संयुक्त मधेशी यूवा विद्यार्थीको मोर्चाले सप्तरी घटनाको घोर विरोध गर्दै गृहमन्त्री विमलेन्द्र निधीको राजिनामा माग गरेका छन् । विद्यार्थी मोर्चाले मंगलबार प्रेस विज्ञप्ती प्रकाशित गर्दै सप्तरीको घटना गृहमन्त्रीको निर्देशनमा भएको भन्दै पदबाट राजिनामा दिन माग गरेका हुन् । मधेशलाई लक्षित गरी मेची–महाकाली अभियानको नाममा एमालेले सप्तरीमा नरसंघार गराएको र मधेशी मोर्चाको कार्यकर्तामाथि गोलि चलाउन सप्तरीका सिडियो उद्धव तिमिलसेनाले आदेश दिएको भन्दै विद्यार्थी मोर्चाले सिडियो सहित एसपी दिनेश लोहनी र सशस्त्र प्रहरीका एसपीलाई पदबाट बर्खास्त गर्न समेत माग गरेको छ । विज्ञप्ती प्रकाशित गर्नेहरुमा युवा मंच सिरहाका अध्यक्ष विरेन्द्र यादव विरु, समाजवादी यूवा फोरमका केन्द्रिय कोषाध्यक्ष संजिव यादव, तराई मधेश यूवा फ्रन्टका सिरहा जिल्ला अध्यक्ष सूर्य कान्त यादव, समाजवादी विद्यार्थी फोरमका इन्चार्ज दिनेश यादव, तराई मधेश विद्यार्थी फ्रन्टका चन्द्र शेखर सिंह, लोकतान्त्रिक यूवा फोरमका मनोज यादव र समाजवादी यूवा फोरमका बिरेन्द्र यादव रहेका छन् । जारी विज्ञप्तीमा मधेश र मधेशी विरोध गतिविधी गरिरहेका एमाले अध्यक्ष केपी ओलीलाई समेत कडा कारवाहीको माग गरेको छ भने आन्दोलनलाई निरन्तरन्ता दिन सम्पूर्ण मुक्तिकामी मधेशी जनतालाई आव्हान गरिएको छ । एमाले समर्थकलाई समाजिक बहिष्कारको चेतावनी मधेसी मोर्चा सप्तरीले एमाले समर्थकलाई सामाजिक बहिष्कारको चेतावनी दिएको छ । मंगलबार सदरमुकाम राजविराजमा बसेको मोर्चाको बैठकले सोमबार प्रहरीको गोलीबाट मारिएका तीन जनालाई शहीद घोषणा, पीडित परिवारलाई क्षतिपूर्ति र राहत उपलब्ध गराउन र घाइतेहरुको उपचार व्यवस्था गर्न माग गरेको छ । सोमबारको घटनाको विरोधमा मोर्चाले सप्तरीमा अनिश्चितकालीन बन्दको आह्वान गरेको छ । मोर्चाले एमालेका समर्थकहरुलाई जिल्लामा सामाजिक बहिष्कार गर्ने समेत निर्णय गरेको मोर्चाका जिल्ला संयोजक दिनेश यादवद्वारा जारी विज्ञप्तिमा उल्लेख छ । सरकारलाई सात दिनको अल्टिमेटम प्रचण्ड सरकारलाई दिएको समर्थन फिर्ता लिने निर्णय गरेपनि संयुक्त लोकतान्त्रिक मधेसी मोर्चा केही लचिलो बनेको छ । र, समर्थन फिर्ता अघि ७ दिने अल्टिमेटम दिने नयाँ निर्णय फेरिएको छ । मोर्चाको सोमबार साँझ बसेको आकस्मिक बैठकमा सरकारलाई दिएको समर्थन फिर्ता लिने समझदारी भएको थियो । र, सभामुखलाई लिखित औपचारिक जानकारी तयारी स्वरुप मंगलबार ३ बजे बैठक राखिएको थियो । नेपाल बन्दसहित आन्दोलन कार्यक्रम
संघीय गठवन्धनले सप्तरी घटनाको विरोधमा आन्दोलनका कार्यक्रम समेत घोषणा गरेको छ । उसले २६ गते काठमाडौंसहित देशभर प्रदर्शन गर्ने र २७ गते नेपाल बन्द गर्ने निर्णय गरेको छ । गृहमन्त्रीलाई प्रहरी प्रमुखको मुखामुख जवाफ उपप्रधान एवं गृहमन्त्री विमलेन्द्र निधिले तीन वटै सुरक्षा प्रमुखलाई प्रहरी प्रधान कार्यालय नक्सालमा बोलाएर सप्तरी घटनाबारे सोधपुछ गरेका छन् । नेपाल प्रहरीका निमित्त प्रहरी महानिरीक्षक डा. दिनेशचन्द्र पोखरेल, सशस्त्र प्रहरी महानिरीक्षक सिंहबहादुर श्रेष्ठ, राष्ट्रिय अनुसन्धानका प्रमुख दिलिप रेग्मी, नेपाल प्रहरीको कार्यबिभाग प्रमुख सहित गृहमन्त्रालयका शान्ति सुरक्षा महाशाखा प्रमुख बालकृष्ण पन्थीसँग गृहमन्त्री निधीले छलफल गरेका हुन् । करिब सवा घण्टा छलफलमा उपप्रधान एवं गृहमन्त्री आक्रोशित मुद्रामा थिए । गृहमन्त्रीले प्रश्न गरे, ‘तपाईँहरु सबै तालिम गरेको भन्नुहुन्छ, आन्दोलनकारीको टाउको र छातीमा मात्रै कसरी गोली लाग्यो ?’जवाफमा सशस्त्रका आईजीपी र नेपाल प्रहरीका निमित्त प्रमुखले स्थानीय प्रशासनको ऐनमा बसेर नै सोमबार गोली चलाउनु परेको जवाफ दिएका थिए । गृहमन्त्री निधिले सोधे, ‘परिस्थिति त्यस्तै परेको भए कम्मर मुनी गोली हान्न सकिँदैनथ्यो ?’ कहिलेकाँही परिस्थितिले तत्काल गोली चलाउनु पर्ने अवस्था आउन सक्ने भन्दै उनीहरुले त्यति बेला गोली जतासुकै लाग्न सक्ने जवाफ दिएका छन् । स्थानीय प्रशासन ऐनले आन्दोलन र भीड नियन्त्रण बाहिर गएमा अवस्थालाई नियन्त्रणमा लिन स्थानीय प्रशासनलाई गोली चलाउन आदेश दिन सक्ने अधिकार दिएको छ । र, गोली हान्नैपरेमा कम्मरभन्दा मुनिमात्रै गोली चलाउन पाइन्छ । ‘हिजो परिस्थिति पनि नियन्त्रण बाहिर गएपछि घटना भयो,’ सुरक्षा प्रमुखहरुले दिएको जवाफ उद्धृत गर्दै स्रोतले भन्यो । गृह मन्त्रालयका प्रवक्ता गोविन्द पन्थीले पनि सुरक्षा निकायबाट परिस्थिति अनुसार गोली चलाउनु पर्ने अवस्था आएको जवाफ दिएको बताए । उनले भने, ‘तत्कालिन स्थितिमा परिस्थितिले नै गोली चलाउनु पर्ने अवस्था आएको सुरक्षा निकायले जवाफ छ । सप्तरीका सिडियो र एसपीलाई कारवाही गर्ने सरकारले सप्तरीका प्रमुख जिल्ला अधिकारी उद्धवकुमार तिमल्सिना र प्रहरी प्रमुख एसपी दिवेश लोहनीलाई कारबाही गर्ने भएको छ । स्रोतका अुनसार आजै साँझ बस्ने मन्त्रिपरिषद बैकठले उनीहरुलाई निलम्बनको कारबाही गर्ने तयारी गरेको हो । एमाले मेची–महाकाली अभियानका क्रममा सोमबार सप्तरीको राजविराजमा मधेसी मोर्चा समर्थक चार जनाको प्रहरीको गोलीबाट मृत्यु भएको थियो । प्रधानमन्त्री पुष्पकमल दाहाल ‘प्रचण्ड’ ले प्रहरीका निमित्त प्रमुख डा. दिनेशचन्द्र पोखरेललाई गोली नचलाउंन निर्देशन दिँदादिँदै घटना भएको थियो । केन्द्रको आदेशविपरीत मोर्चा कार्यकर्तामाथि गोली चलाएको भन्दै तिमल्सिना र लोहनीमाथि कारबाही गर्न लागिएको प्रधानमन्त्रीनिकट स्रोतले जनाएको छ । मधेसी मोर्चाले समेत गैरकानुनी हत्यामा संलग्नमाथि कारबाहीको माग गरेको छ ।

मधेश तनावग्रस्त, प्रहरीले बर्साएको गोलीबाट आधा दर्जनले सहादत्त प्राप्त गरे र लहानमा एमाले पार्टी कार्यालयमा आगजनी

प्रकाशित समय 7:36 AM
लहान २४ फागुन । सप्तरी प्रहरीले अन्धाधुन्द गोली बर्साएर सात जनाको ज्यान लिएको छ भने दूई दर्जन जति घाईते भएको छ । सहादत्त प्राप्त गर्ने सबैलाई प्रहरीले कम्मर, पेट, पिठ्यू र टाउंको गोली हानेको छ । 
सहादत्त प्राप्त गर्नेहरु आनन्द साह, संजन मेहता, पिताम्बर मण्डल, रंजन मेहता, दिगम्बर यादव, अवधेश ठाकुर र अजय साह रहेको जानकारीमा आएको छ । एमालेको मेची महाकाली राष्ट्रिय अभियान राजविराजस्थित अधौगिक क्षेत्रमा सभा सकेपछि प्रहरी र मोर्चा कार्यकर्ताबीच झडप भएको थियो । झडपका क्रममा प्रहरीले चलाएको गोली लागेर मृत्यू हुनेको संख्या सात पुगेको छ । गोलीबाटै दूई दर्जनौं मोर्चाका कार्यकर्ता घाईते भएका छन् । मोर्चा कार्यकर्ताहरु एकै ठाउंमा बसिरहेका थिए । त्यही क्रममा प्रहरीपक्ष तर्फ रहेका एमाले कार्यकर्ताले मोर्चा कार्यकर्तामाथी ढुंगा हान्न थालेको थियो । प्रहरीतिरे रहेका एमाले कार्यकर्ताहरुले निरन्तर ढुंगा फ्यांकन थालेपछि मोर्चा कार्यकर्ताहरु आक्रोशित भएका थिए । मास्क लगाएर आएका एमाले कार्यकर्ताहरुले ढुंगा फ्याउंनपछि स्थिति तनाव भएको थियो । सोहीक्रममा प्रहरीले एकतर्फी गोली प्रहार गर्दा मोर्चातर्फ क्षति भएको छ । सप्तरी सिडियोका अनुसार प्रहरी र मोर्चाका कार्यकर्ताबीच भएको झडप र प्रहर बाट चलाएको गोलिबाट अहिले सम्ममा ४ जना को मृत्यू भएको दावी गरिएको छ भन्ने प्रहरीको गोलि लागेर ९ जना गम्भिर घाइते र कुल ५२ जना घाइते रहेको समाचार नै यथार्थ हो । उपचारथ घाइतेको अवस्था बुझदा मृत्यु संख्या बढ्न सक्ने अवस्था कायम नै छ । यसैबीच,सद्भावना पार्टीका अध्यक्ष राजेन्द्र महतो आक्रोसित बनेका छन् । उनले प्रहरीले निहत्था जनतालाई गोली हानेर हत्या गरेको आरोप लगाए । उनले आक्रोशित हुँदै भने– ‘प्रहरीसँग झडप भएको होइन । नरसंहार गरेको छ । प्रहरीले गोली हानेर मारेको हो ।’ अध्यक्ष महतोले कसैको विरोध गर्यो भन्दैमा जनतालाई हत्या गर्न पाइँदैन नि ? भनेर प्रतिप्रश्न गरे । उनले भने, ‘निहत्था जनतामाथि गोली प्रहार गर्न पाइँदैन । विरोध गर्ने अधिकार सबैको हो ।’ मोर्चाका अन्य नेताहरु पनि सप्तरी घटनापछि आक्रोसित बनेका छन् । मोर्चाको आक्समिक बैठकबाट प्रचण्ड सरकारलाई दिएको समर्थन समेत फिर्ता लिने निर्णय समेत गरिसकेको छ । मोर्चाले फागुन २४ र २५ गते मधेस बन्दको आह्वान पनि गरेको हो । आक्रोशित कार्यकर्ताले सप्तरीमा तीन मोटरसाईकल जलाएको छ भने गोलबजारमा भारतीय गाडी जलाएको छ । लहानमा ना.४ख २०७६ नम्बरको ट्रकमा आगजनी गरेको जानकारीमा आएको छ । 

एमालेप्रति मधेशमा बढ्यो आक्रोश 

समान अधिकार र बराबरी हैसियत कायम गर्न आन्दोलित संयुक्त लोकतान्त्रिक मधेशी मोर्चा सप्तरीको घटनाको कारण आक्रोशित भएका छन् । सप्तरीको राजविराजमा एमालेको कार्यक्रम सफल बनाउन नेपाल प्रहरीले गोली हानी सात जना मधेशीको हत्या गरेपछि मधेशका जिल्लाहरुमा एमालेप्रति आक्रोस बढेको छ । आक्रोशमै लहान स्थित रहेको एमालेको पार्टी कार्यालयमा आगजनी र तोडफोड गरेको छ । सोमबार साँझ राजविराजमा भएको घटनापछि मधेशमा मुख्य सहरहरुमा प्रदर्शन सुरु भएको छ भने एमालेका नेताहरु निसानामा परेका छन् । लहान, गोलबजार, जनकपुरधाम, वारा, पर्सा, सर्लाही, रुपन्देही, नेपालगन्जमा प्रदर्शन सुरु भएको छ भने लहान, धनुषा, बीरगञ्जको मुख्य चौकहरुमा टायरबाली साँझबाट प्रदर्शन सुरु भएको मधेशी मोर्चाका नेता महमुद आलमले बताए । राजविराजमा सात जनाको हत्या पश्चात आक्रोसित बनेका रौतहटबासीले नेकपा एमाले रौतहटका प्रचार विभाग प्रमुख मनिशंकर निधिलाई कालो मोसो दलेका छन् । समाचार श्रोतका अनुसार अन्य नेताहरुको खोजी भइरहेको छ । यता जनकपुरधाममा एमाले नेताहरु रघुबीर महासेठ तथा सत्यनारायण मण्डलको घर अगाडि मधेशी मोर्चाका कार्यकर्ताहरु प्रदर्शन गरेका छन् । त्यस्तै, मधेशका जिल्लामा पनि एमाले नेताहरुको घरमा आक्रमण हुने प्रयास गरेको छ । 

सरकारलाई दिएको समर्थन मोर्चाद्वारा फिर्ता लिने 

संयुुक्त लोकतान्त्रिक मधेसी मोर्चाले सरकारलाई दिएको समर्थन फिर्ता लिने निर्णय गरेको छ । सप्तरी कान्डपछि मोर्चाले सोेमबार साँझ बोलाएको आकस्मिक बैठकले सरकारलाई दिएको समर्थन फिर्ता गरी आन्दोलनमै जाने निर्णय गरेको छ । मोर्चाले आगामी २४ र २५ फागुनमा मधेस बन्द गर्ने निर्णय पनि गरेको छ । मोर्चाले भोलि मंगलबार सभामुखलाई सरकारलाई दिएको समर्थन फिर्ता लिइएको पत्र फागुन २५ गते बुझाइने मोर्चाका एक नेताले बताए । सप्तरीमा प्रहरीको गोली लागेर सात जना आन्दोलनकारीको घटनास्थलमै सहादत्त प्राप्तपछि तथा दर्जनौ घाइते भएपछि संयुक्त लोकतान्त्रिक मधेसी मोर्चाका नेताहरू आकस्मिक बैठकमा बसेका थिए । तिनकुनेस्थित संघीय समाजवादी फोरम नेपालको केन्द्रीय कार्यालयमा बैठक भएको थियो । सोहीक्रममा मोर्चाले गम्भीर घाइते भएकाहरूलाई हेलिकप्टरबाट काठमाडौ ल्याउने तयारी समेत गरेको छ । प्रहरीको गोली लागेर सातजनाको मृत्यु भएको बताइएको छ । मृतकको संख्या ८ पुग्ने अनुमान गरिएको छ । मधेसी मोर्चाले भनेको छ, एमाले केही शीर्ष नेताहरुको मधेस र मधेसीविरुद्ध विषबमन गर्ने व्यवहार, मधेसी समुदायलाई अपमानित गर्ने, होच्याउने र घोचपेच गर्ने खालका गैरजिम्मेवार, भड्काउपूर्ण एवं उत्तेजक अभिव्यक्ति नै यस घटनाको मुख्य कारक तत्व हुने भन्ने ठहर छ ।’बैठकमा प्रचण्ड सरकारलाई दिएको समर्थन फिर्ता लिने सहमति भएको छ र, भोलि संसद सचिवालयमा लिखित रुपमा नै जानकारी गराउने नेताहरुले बताएका छन् । यसका लागि भोलि ३ बजे मोर्चाको बैठक राखिएको छ । मधेसी मोर्चाको बैठकले सप्तरीमा प्रहरी दमन भएको भन्दै भत्र्सना गरेको छ । र, दोषीलाई कारबाही गर्न र घाइतेहरुको उपचारको व्यवस्था मिलाउन सरकारसँग माग गरेको छ । सप्तरी घटनाको विरोधमा भोलि र पर्सि मधेसमा बन्द गर्ने निर्णय समेत गरेको छ । 

मधेशमा एमालेको मेची—महाकाली अभियानमा हानियो जुत्ता 

पूर्वबाट सुरु भएको नेकपा एमालेको मेचीमहाकाली अभियान इनरुवा आइपुग्दा मधेसी मोर्चाको विरोधको राम्रै सामना गर्नुपरेको छ । झुम्कामा कालोझण्डासहित जम्मा भएका मोर्चाका कार्यकर्ताले एमाले अध्यक्ष केपी शर्मा ओलीविरुद्ध नाराबाजी गरे । एमालेको झण्डा राोको ठाउँमा नै मधेसी मोर्चाका कार्यकर्ताले कालोझण्डा बाँधेर राखिदिएका छन् । त्यही क्रममा एक पूर्वसभासद एमालेको गाडीमाथि जुत्ता प्रहार गरेकी छन् । संघीय समाजवादी फोरम नेपालकी पूर्व साभासद सविताकुमारी यादवले मेची महाकाली अभियानको अगुवा गाडीलाई आफ्नो जुत्ता हानेकी हुन् । उनले सुरुमा कालो झण्डा देखाएकी थिइन् । गाडी अगाडि बढेपछि पछ्याउँदै गएकी उनले आफ्नो जुत्ता खोलेर हानिन् । यतिले मात्र उनको आक्रोश थामिएन र, अर्को खुट्टामा रहेको जुत्ता पनि फुकालेर हानिन् ।




मोर्चाको वन्दका कारण सिरहाको जनजीवन प्रभावित , प्रशासन विरुद्ध जुलुस प्रदर्शन

प्रकाशित समय 7:10 AM
फिरोज शेख लहान २०७३ फागुन २४ -सप्तरी घटनाको विरोध गर्दै संयुक्त लोकतान्त्रिक मधेसी मोर्चाले आह्वान गरेको बन्दका कारण सिरहा सहित तराई मधेशको जनजीवन प्रभावित भएको छ ।बन्दका कारण सिरहा जिल्ला सदरमुकाम सिरहा , लहान , धनगडी ,गोलबजार , चौहर्वा , बिशनपुर , मिर्चैया आसपासको क्षेत्रहरु पूर्ण रुपले प्रभावित भएका छन् । बन्दका कारण यस क्षेत्रका विद्यालय, उद्योग, कलकारखाना सबै ठप्प भएका छन् ।लामो तथा छोटो दूरीका सवारी साधनहरु चल्न सकेका छैनन् । जिल्लाका सबै क्षेत्रमा स्थानीय प्रशासनले उच्च सतर्कता अपनाउँदै चौतर्फी सुरक्षा व्यवस्था अपनाएका छन् । यसै बीच संयुक्त लोकतान्त्रिक मधेशी मोर्चाका नेता तथा कार्यकर्ताहरुले पक्राउ परेका नेता तथा कार्यकर्ताहरु लाई रिहाईको माँग गर्दै विरोध स्वरूप नेकपा एमालेका अध्यक्ष केपी ओली र गृह मन्त्रि बिमलेन्द्र निधिको पुत्ला लिई प्रदर्शन गरेका छन्। सैयौ नेता तथा कार्यकर्ता सहभागी उक्त जुलुसले लहानको बिभिन्न परिक्रमा गरि ईलाका प्रहरी कार्यलय लहान अगाडी गइ केहि बेर प्रहरी प्रशासन , वर्तमान सरकार , एमाले पार्टी र गृह मन्त्रि विरुद्ध चर्को नाराबाजी गर्दै पक्राउ परेका नेता तथा कार्यकर्ताहरुलाई रिहाइको माँग गरेका छन्। मोर्चाका युवा नेता विजय कुमार महतोले दिएको जानकारी अनुसार शहिद चौकमा कोणसभा पश्चात ओली र निधिको पुत्ला दहन गर्ने कार्यक्रम रहेको बताए ।