भतिजको हत्या आरोपमा काका पक्राउ

प्रकाशित समय 5:44 AM
राम नारायण पंडित, सिरहा, १६ बैशाख । मिर्चैया प्रहरीले आफ्नै भतिजको हत्याको गरेको आरोपमा काकालाई पक्राउ गरेको छ । सिरहाको नरहा ३ खोरिया बस्ने भरोसी यादवको दुई वर्षिय छोरा रमन यादबलाई हत्या गरेको आरोपमा भरोसीका सहोदर भाई २८ बर्षीय सुरेश यादबलाई पक्राउ गरिएको ईलाका प्रहरी कार्यालय मिर्चैयाका प्रहरी नायब उपरिक्षक (र्डिसपी) गजुसिद्धि बज्राचार्यले बताए । बुधबार साँझदेखि घरबाटै बेपत्ता भएका बालकको अपहरण भएको आशंका गरेपनि हत्या गरि खाल्डो खनि गाडिएको अबस्थामा शुक्रबार साँझ बालकको शब फेला परेको प्रहरीले जनाएको छ । आफ्नै घर नजिक रहेको भाण्टाबारीमा घाटीरेटी हत्या गरी खाल्डोमा गाडिएको अवस्थामा बालकको शब फेला परेको (डिएसपी) बज्राचार्यले बताए । प्रहरी र घर परिवार सम्भावित विभिन्न ठाउँहरुमा खोजतलास गरेपनि बच्चा भेटिएको थिएन । तर शुक्रबार साँझ कुकुरले माटो खनेपछि गाउँमा दुर्गन्ध फैलिएपछि खोजतलाश गर्न लाग्दा बच्चा मृत अबस्थामा भेटिएको थियो । पक्राउ परेका सुरेशले आफुले भतिज रमनको हत्या गरेको स्विकार गरेको प्रहरीको भनाई रहेको छ । सुरेशको मानसिक संतुलन केहि अस्वस्थ्य रहेको समेत प्रहरीले बताए । पक्राउ परेका सुरेश उपर कर्तव्य अन्तर्गत मुद्धा चलाउने तयारी भईरहेको मिर्चैयाका (डिएसपी) बज्राचार्यले बताए । बालक हराएकै वेलादेखि अचेत अवस्थामा रहेका बालकका आमा २८ वर्षिय निराकुमारी यादव अहिलेसम्म वेहोस अवस्थामा नै रहेको छ । बालक हत्या गरिएको अवस्थामा फेला परेपछि पुरै गाउँ शोकमग्न भएको छ ।

अपहरण भएका भनिएका बालक मृत अबस्थामा भेटियो

प्रकाशित समय 12:57 AM
राम नारायण पंडित, सिरहा, १६ बैशाख । सिरहाको खोरीयाबाट अपहरण भएका भनिएका बालक मृत अबस्थामा फेला परेको छ । नरहा ३ खोरियाका भरोसी यादवको दुई वर्षिय छोरा रमन यादबको शब हत्या गरी गाडिएको अबस्थामा फेला परेको हो । बुधबार साँझदेखि घरबाटै बेपत्ता भएका बालकको अपहरण भएको आशंका गरेपनि शुक्रबार साँझ हत्या गरि खाल्डो खनि गाडिएको अबस्थामा फेला परेको प्रहरीले जनाएको छ ।
आफ्नै घर नजिक रहेको भाण्टाबारीमा घाटीरेटी हत्या गरी खाल्डोमा गाडिएको अवस्थामा बालकको शब फेला परेको ईलाका प्रहरी कार्यालय मिर्चैयाका प्रहरी नायब उपरिक्षक गजुसिद्धि बज्राचार्यले बताए । प्रहरी र घर परिवार सम्भावित विभिन्न ठाउँहरुमा खोजतलास गरेपनि बच्चा भेटिएको थिएन । तर शुक्रबार साँझमा कुकुरले माटो खनेपछि गाउँमा दुर्गन्ध फैलिएपछि खोजतलाश गर्न लाग्दा बच्चा मृत अबस्थामा भेटिएको प्रहरीले जनाए । घटनास्थल पुगेर बच्चाको शव निकाल्दा घाटी रेटि हत्या गरेको देखिएकोले हराएकै दिन हत्या गरेको हुन सक्ने प्रहरीको भनाई रहेको छ । वच्चाको शव पोर्टमार्टमको लागि सिरहा जिल्ला अस्पताल पठाइएको जनाएको छ ।
यता, प्रहरीले घटनामा संलग्न रहेको आशंकामा दुई जनालाई नियन्त्रणमा लिएको छ । अनुसन्धनमा असर पर्ने भन्दै नियन्त्रणमा लिएकाहरुको नाम खुलाउन प्रहरीले चाहेनन् । बालक हराएकै वेलादेखि अचेत अवस्थामा रहेका बालकका आमा २८ वर्षिय निराकुमारी यादव अहिलेसम्म वेहोस अवस्थामा नै रहेको छ । बालक हत्या गरिएको अवस्थामा फेला परेपछि पुरै गाउँ शोकमग्न भएको छ ।

सिरहाको लहानमा निलगाई आतंक

प्रकाशित समय 1:23 AM
बैशाख १४ । लहान क्षेत्रमा निलगाईको ‘आतंक’ बढेपछि स्थानीय किसान चिन्तमा छन् । नजिकैको नौडेगा सामुदायिक बन क्षेत्रमा बासस्थान बनाएको निलगाईले बाली सखाप पार्न थालेपछि उनीहरु खेती गर्न नै निरुत्साहित भएका हुन् । स्थानीयले हैरानी ब्यहोरेपनि संरक्षित जनावरको व्यवस्थापनमा सरकारी निकायले पर्याप्त ध्यान भने दिएको छैन । निलगाईको ‘आतंक’पछि बढेपछि लहान नगरपालिका–१७ छरापट्टी गाउँका किसान खेती गर्न नै निरुत्साहित भएका छन् । नजिकैको नौडेगा सामुदायिक वनमा बासस्थान बनाएका सयौ निलगाई राति खेतमा पस्छन् । र, अन्नबाली सखाप पार्छन् । करिब १० कठ्ठामा लगाइएको लौका जोगाउन यि रामनारायण महतोले सानो फुसको घर नै बनाएर दिनरात रुगे । तर, टिप्ने बेला भएपछि निलगाईले सबै सखाप बनाई दियो । समय, परिश्रम र आर्थिक लगानी ‘बालुवामा पानी’ झै भयो । सिरहाको नौडेगा, छरापट्टी, कटहा र करैया तथा सप्तरीको चकदह, प्रमाणपुर, टिकुलिया र पटेर्बामा निलगाईको ‘आतंक’ बढी छ । यस क्षेत्रका करिब ५÷६ सय विगहा जग्गामा किसानलाई खेती गर्न समस्या छ । राति बाली कुर्न नसक्ने किसानले त खेती गर्नै छाडिसकेका छन् । निलगाइले क्षति नगरोस् भनेर पहिले रातभरी खेतमा टर्चलाइट बालिन्थ्यो । तर, टर्च लाइटको उपाय पनि क्रमशः काम नलागेपछि किसान रातभर खेतमै बिताउँछन् । बढ्दो बन बिनासले चरन क्षेत्र अभाव भएपछि निलगाई खेततर्फ आकर्षित भएको स्थानीयको बुझाइ छ । विनास रोकेर बन क्षेत्रलाई तारबार गरे आतंक घट्ने बताउने स्थानीय आफ्ना समस्यामा सरकारी निकाय ‘मौन’ रहेको गुनासो गर्छन् । संरक्षित जनावर निलगाईलाई करेन्ट लगाएर मार्न खोजेको भन्दै कतिपयलाई स्थानीय प्रशासनले मुद्दा लगाउने प्रयास गरेपछि किसान दोहोरो मारमा परेका छन् ।

आफु विरुद्ध गलत समाचार सार्वजानिक भएको साहको दावी

प्रकाशित समय 12:26 PM
फिरोज शेख लहान २०७४ बैशाख १० - नेपाल विद्यार्थी संघका केन्द्रिय सह–महामन्त्री प्रमेश्वर साहले आफु विरुद्ध गलत समाचार सार्वजनिक भएको दावी गरेका छन् । शुक्रबार बैशाख ८ गते सगरमाथा अञ्चल यातायात कार्यालय लहानमा भएको घटनाको वारेमा आएको समाचार गलत र निराधार रहेको नेपाल विद्यार्थी संघका केन्द्रिय सह–महामन्त्री प्रमेश्वर साहले लहानमा पत्रकार सम्मेलनगरी बताएका छन्। आफ्नो चरित्र हत्या गर्ने खालको गलत समाचार सार्वजानिक भएकोप्रति सहमहामन्त्री साहले आइतवार पत्रकार सम्मेलनमा प्रेस विज्ञप्ती जारी गरी खेद प्रकट गरेका छन् ।साह विरुद्ध शनिवार यातायात कार्यालयमा राती गई तोडफोड गरेको भनेर समाचार आएको थियो। तर यातायात कार्यालय र इलाका प्रहरी कार्यलय लहानका डिएसपी हिरा बहादुर पाण्डेका अनुसार कार्यलयमा कुनै किसिमको तोडफोड नभएको र सामान्य बादविवाद भएको जानकारी गराएका छन् । आफुले पटक–पटक यहाँका कार्यालयहरुमा भइरहेको भ्रष्टाचार गतिविधी रोक्नका लागि ज्ञापन पत्र बुझाई सचेत गराएको कारणले आफु विरुद्ध यस्तो घटना सुनियोजित रुपमा घटाउन खोजेको उनले पत्रकार सम्मेलनमा दावी गरेका छन्।साहले जारी गरेको विज्ञप्तीमा आफु विरुद्ध सार्वजानिक भएको समाचारको सत्य तथ्य छानवीन गरी दोषीलाई कारवाही हुनुपर्ने सम्बन्धित निकायसँग माँग गरेका छन् ।यो समाचार सरगम खवर बाट सभार गरिएको हो ।

यसरी सखाप भयो सखुवानन्कारकट्टी को मण्डल बस्ती फोटो सहित

प्रकाशित समय 8:42 AM
आशिक साह २९ चैत । सिरहाको दक्षिणी क्षेत्र सखुवानन्कारकट्टी गाउँपालिका-४ सिम्राहामा सोमबार बेलुका भएको आगलागीले २९ घर परिवारको ६० घरगोठ जलेर सखाप भएको छ ।
लहान नगरपालिका र गोलबजार नगरपालिकाबाट गएको बारुण यन्त्र, नेपाल प्रहरी, सशस्त्र प्रहरी र स्थानीय बासिन्दाको संयुक्त प्रयासमा आगो निभाइएको इलाका प्रहरी कार्यालय महेशवारीका प्रहरी नायव निरीक्षक रामकृष्ण चौधरीले जानकारी दिनुभयो । तर आगो त्यतिबेला मात्र निभाउन सकियो जतिबेला पूरै बस्ती सखाप भयो ।बस्तीकी एक महिलाले खाना पकाएर घर नजिकैको बारीमा फालेको खरानीमा रहेको आगोको झिल्को उडेर आगालागी भएको प्रहरीको भनाई छ ।
आगालागीमा ६० भन्दा बढी घर गोठ जलेपछि पिडितहरु नजिकको खाली खेतमा खुल्ला आकाशमुनि बस्न बाध्य भएका छन्।स्थानीय पिडित कलमबत्ति मण्डलले भन्नुभयो ‘धान बेचेर जग्गा किन्न जम्मा गरेको दस हजार नगदसहित अन्नपात,भाँडावर्तन, भर्खरै बयाएको गाई, लत्ताकपडा,फर्निचरका सामान, गरगहना सबै जलेर खरानी भयो ।’आगलागीमा झण्डै डेढ करोड रुपैयाँ बराबरको धनमाल जलेर नष्ट भएको प्रहरी नायव निरीक्षक चौधरीले जानकारी दिनुभयो । प्रहरी नायव निरीक्षक चौधरीका अनुसार आगलागीमा तीन वटा गाई, पाँच वटा खसी बाख्रा र एउटा बाच्छा मरेको छ ।

मिर्चैयाको यशोदा इलेकट्रोनिक्समा आगलागी हुदाँ करोड भन्दा बढीको क्षति

प्रकाशित समय 11:19 PM
चैत २६ । सिरहाको मिर्चैयामा गएराति आगलागी हुदाँ करोड भन्दा बढीको क्षति भएको छ । मिर्चैया ५ स्थित यशोदा इलेकट्रोनिक्सका संचालक जिवन श्रेष्ठको इलेकट्रोनिक्स गोदाममा हाबाहुरी संगै परेको चट्यांगले भएको आगलागीमा एक करोड १५ लाख बराबरको क्षति भएको ईलाका प्रहरी कार्यालय मिर्चैयाले जनाए । गएराति करीब २ बजे देखि सुरु भएको आगलागि नेपाल प्रहरी, सशस्त्र प्रहरी, स्थानियबासी, मिर्चैया, गोलबजार, लहान र सिरहाको बारुण यन्त्रणको संयुक्त प्रयासमा ४ बजे नियन्त्रणमा आएको प्रहरीले बताए । यो समाचार सरगम खवर बाट लिएको हो मिर्चैयाको यशोदा इलेकट्रोनिक्समा आगलागी हुदाँ करोड भन्दा बढीको क्षति

आज रामनवमी पर्व मनाईयो

प्रकाशित समय 7:00 AM
आशिक शाह चैत्र शुक्ल नवमीका दिन श्रीरामको सम्झनामा मनाइने 'रामनवमी' पर्व सिरहा सहित देशभरि श्रद्धा र भक्तिपूर्वक पूजा, आराधना गरी मनाईयो ।असत्यमाथि सत्यको विजय गरेका श्रीरामको सम्झनामा रामनवमी पर्व मनाईनछ ।आज विहानैदेखि जनकपुरस्थित रामजानकीको मन्दिर र काठमाडौंको बत्तीसपुतलीस्थित राम मन्दिरमा मेला भर्न नेपाल तथा भारतका श्रधालु भक्तजनको घुइँचो लागेको छ। त्रेतायुगमा आजकै दिन अयोध्यामा श्रीरामको जन्म भएको पौराणिक ग्रन्थमा उल्लेख गरेको पाइन्छ। आजकै दिन सिरहा सहित श्रीरामको स्मृतिमा मुलुकभर पवित्र नदी, ताल तथा कुण्डमा स्नानका साथ व्रत बसी रामगीता पाठ,अध्यात्म– –वाल्मीकि– तुलसीकृत– भानुभक्तीय रामायण वाचन गर्ने र रामको पूजाआराधना गरी रातभर भजनकीर्तन गर्ने परम्परा रही आएको छ।आजका दिन व्रत बसी रामको पूजापाठ गर्नाले चिताएको कार्य पूरा हुने र अर्को जन्ममा बैकुण्ठ वास हुने जनबिश्वाश छ ।अयोध्याका राजा दशरथका जेठा छोरा भई विष्णुको सप्तम अवतारका रूपमा जन्मीएका रामले मिथिलाका राजा जनककी छोरी सीतासँग विवाह गरेपछि संसारबाट पापी तथा दुष्ट राक्षसको नाश गरेको तथा आफ्ना पिताको कठोर आज्ञालाई सहजतापूर्वक ग्रहण गरी मानव जातिलाई सत्यको मार्गमा लाग्न प्रेरणा दिएकाले उनको सम्झनामा रामनवमी पर्व मनाउन थालिएको धार्मिक ग्रन्थमा उल्लेख छ
श्रीमतीको चिर्पट प्रहारबाट घाइते उत्तमको उपचारको क्रममा मृत्यु

श्रीमतीको चिर्पट प्रहारबाट घाइते उत्तमको उपचारको क्रममा मृत्यु

प्रकाशित समय 6:54 AM
आशिक शाह चैत्र २३ गते।सुनसरीको ईटहरी- ४ मा डेरा गरी बस्ने ३५ बर्षिय उतम पराजुलीको श्रीमतीको चिर्पट प्रहारबाट घाइते भएका उनको सोमबार बेलुका उपचारको क्रममा मृत्यु भएको छ।सोमबार विहान आफ्नै कोठामा बिरामी भई उपचार्थ नोबेल अस्पताल बिराटनगर लगिएकोमा शरिरमा चोट र निल डाम देखिएपछी घटना शंकास्पद छ भनी प्रहरीले अनुसन्धान सुरू गरेको थियो। अनुसन्धानकै क्रममा उनकै कान्छी श्रीमती अन्दाजी २५ बर्षिय विन्दा चौधरीले मादक पदार्थ सेवन गरी चिर्पट प्रहार गरेको खुल्न आएपछी प्रहरीले चौधरीलाई पक्राउ गरेको हो।उनलाई इलाका प्रहरी कार्यालय ईटहरीमा राखी थप अनुसन्धान भइरहेको उक्त कार्यालयले जनाएको छ।

फेरी नापी कार्यालय धनुषामा अख्तियारको छापा, घुस सहित पक्राउ नापी सर्वेक्षक रामलोचन ठाकुर पक्राउ

प्रकाशित समय 8:38 AM
आशिक शाह चैत्र २२ । अख्तियार दुरुपयोग अनुसन्धान अयोगको कार्यालय बर्दिबासको टोलीले फेरी नापी कार्यालय धनुषामा छापा हान्दा नापी सर्वेक्षक रामलोचन ठाकुरलाई २२ हजार रुपैयाँ घुससहित पक्राउ छ।अख्तियार दुरुपयोग अनुसन्धान आयोगका बर्दिबासका प्रहरी उपरीक्षक राजकुमार लम्सालको नेतृत्वमा गएको टोलीले पक्राउ गरेको हो। सेवाग्राहीले दिएको गोप्य सूचनाको आधारमा सर्वेक्षक ठाकुरलाई घुससहित रंगेहात पक्राउ गरेको बताइएको छ। धनुषाको एकराहीका जग्गा सम्बन्धमा सर्वेक्षक ठाकुरले पैसा लिएका थिए । एकजना सेवाग्राहीले तीनजनासँग जग्गा लिई एउटै कित्ता बनाउन खोजेको बेला ठाकुरले घुस माँगेको थियो । यसबारेमा थप अनुसन्धान भइरहेको र भ्रष्टाचार निवारण ऐन अनुसार मुद्दा दायर गरी कारबाही प्रक्रिया अगाडि बढाइने एसपी लम्सालले बताएका छन। यसअघि गएको आइतबार मात्रै नापी कार्यालय धनुषाकै अमिन कृष्ण जोसीलाई सेवाग्राहीबाट लिएको ३० हजार रुपैयाँ नगद घुससहित अयोगले पक्राउ गरेको थियो ।

सिरहाको दुई स्थानमा सवारी दुर्घटना, ५ घाइते

प्रकाशित समय 8:15 AM
आशिक शाह चैत्र २२ । सिरहाको धनगढीमाई नगरपलिका-९ स्थित लोकमार्गमा सोमबार दिउँसो दुई मोटरसाइकल आपसमा ठोक्किदा तीन जना घाइते भएका छन्।पूर्वबाट पश्चिमतर्फ जादै गरेको स ३ प ४४५५ नम्बरको मोटरसाइकल र सोही दिशबाट आउँदै गरेको ना ४५ प ७७७९ नम्बरको मोटरसाइकल आपसमा ठोक्किएको थियो।दुर्घटनामा ७७७९ का चालक धनगढीमाई नगरपालिका-४ का सलिम र पछाडी सवार निजकै बहिनी २३ बर्षिय सैनुन खातुन घाइते भएका छन्। उनीहरुको विराटनगर स्थित न्युरो अस्पतालमा उपचार भइरहेको छ भने ४४५५ नम्बरको मोटरसाइकल चालक पोखरभिन्डा- ३ बस्ने २५ बर्षिय परमिन्द्र कामैत समेत घाइते भएकाले स्थानिय अस्पतालमा उपचार भइरहेको इलाका प्रहरी कार्यालय धनगढीकोले जनाएको छ। यता धनगढीमाइ नगरपालिका १० स्थित लोकमार्गमा पश्चिमबाट पूर्वतर्फ आउदै गरेको स ७ प ५१३ नम्बरको स्कुटरको ठक्करबाट पैदलयात्री सोही ठाउँकी २१ बर्षिय अशोक कुमार साह घाइते भएका छन्।दुर्घटनामा स्कुटर चालक गोलबजार नगरपलिका-५ बस्ने ४० बर्षिय बबिता साह समेतको घाइते भएकाले दुवैको न्युरो अस्पताल विराटनगरमा उपचार भइरहेको छ।

सप्तरीमा बम फेला नेपाली सेनाको टोलीद्वारा निष्क्रिय

प्रकाशित समय 8:11 AM
आशिक शाह चैत्र २२ । सप्तरीको राजविराज नगरपालिका-४ बस्ने रविन्द्र यादवको घर अगाडी र सोही नगरपालिका-५ बस्ने विनोद चौधरीको घर अगाडी आज विहान फेलापरेको सकेट बम नेपाली सेनाको टोलीले निष्क्रिय गरेको छ।विहान ८ बजेतिर उक्त स्थानमा शंकास्पद बस्तु देखेपछी स्थानियले जिल्ला प्रहरी कार्यालय सप्तरीमा खबर गरेका थिए।जानकरी प्राप्त हुनसाथ प्रहरीको टोली र राजविराजस्थित कृष्णदल गणबाट खटिएको नेपाली सेनाको टोलीले निष्क्रिय गरेको हो।

सप्तरीमा हात्तीको आक्रमण २ को मृत्यु ४ घाइते

प्रकाशित समय 7:59 AM
आशिक शाह चैत्र २२ । सप्तरीको हनुमानगर बजारमा मंगलबार जंगली हात्तीको आक्रमणबाट दुई जनाको ज्यान गएको छ भने अन्य पाँचजना घाइते भएका छन्।विहान १० बजेतिर सुनसरीस्थित कोशीटप्पु वन्यजन्तु आरक्षबाट आएको हात्तीलेले आक्रमण गर्दा हनुमाननगर योगिनिमाई नगरपालिकाका ३३ बर्षिय रोशन झा र सोही ठाउँका सञ्जय साफीको मृत्यु भएको हो।हात्तीको आक्रमणबाट गम्भीर घाइते दुवैजनालाई उपचारको लागी विपी कोइराला स्वास्थ्य विज्ञान प्रतिष्ठान धरान लगिएकोमा उपचारको क्रममा मृत्यु भएको हो।यसैगरी घाइते हुनेहरुमा हनुमाननगरका कालीचरण साह, रविना खातुन, संजिब कुमार साह र इस्ताफ अली रहेका छन् ।उनीहरुको सगरमाथा अञ्चल अस्पताल राजविराजमा उपचार भइरहेको इलाका प्रहरी कार्यालय हनुमाननगरले जनाएको छ।

उपचारको क्रममा कैदीबन्दीको मृत्यु

प्रकाशित समय 7:55 AM
आशिक शाह चैत्र २२ । जिल्ला कारागार सप्तरीमा सजाय भुक्तान गरिरहेका एक बिरामी कैदीको सोमबार मृत्यु भएको छ।मृत्यु हुनेमा कर्तब्य ज्यान मुद्धामा जन्मकैदको सजाय पाएका सप्तरी डाढा-८ बस्ने ८० बर्षिय नथुनी प्रसाद यादब रहेका छन्।मधुमेह तथा मृगौलाका रोगी यादब चैत्र १७ गते अचानक बिरामी भएपछी उनलाई उपचारकालागी बिराटनगरस्थित नोबेल अस्पतालमा भर्ना गरिएको थियो।यादवको उपचारकोक्रममा सोही अस्पतालमा मृत्यु भएको जिल्ला प्रहरी कार्यालय मोरङले जनाएको छ।
नयाँ शक्ति पार्टी नेपाल धनुषाका १५ कार्यकर्ता पक्राउ

नयाँ शक्ति पार्टी नेपाल धनुषाका १५ कार्यकर्ता पक्राउ

प्रकाशित समय 10:37 AM
आशिक शाह सिरहा, २१ चैत ।नयाँ शक्ति पार्टी नेपाल धनुषाका १५ जना नेता कार्यकर्तालाई प्रहरीले पक्राउ गरेको छ। दलीय चुनाव चिह्नको माग गर्दै निर्वाचन कार्यालय धनुषा अगाडि धर्ना दिन गएका सो पार्टीका १५ जना कार्यकर्तालाई पक्राउ गरिएको प्रहरीले जानकारी दिएको छ। नयाँ शक्ति पार्टी नेपाल तथा अन्य दलहरूको निर्णयअनुसार देशभरका जिल्ला निर्वाचन कार्यालय घेराउ गर्ने क्रममा जिल्ला निर्वाचन कार्यालय धनुषा घेराउ गर्न पुगेका उनीहरूलाई पक्राउ गरेको धनुषाका प्रहरी उपरीक्षक लीलामणि आचार्यले जानकारी दिएका छन्।पक्राउ पर्नेहरूमा नयाँ शक्ति पार्टी नेपालका केन्द्रीय सचिवालय सदस्य तारा महतो, हेना झा, केन्द्रीय प्रादेशिक सदस्य रुवी मिश्र, जिल्ला सदस्य अमना खातुन, मोहन झा, विजय भगत, रमेश यादव, सुरेन्द्र यादव, प्रशान्त झा रहेका छन्। यसैगरी भरत साह, सुमन ठाकुर, रघुनाथ साह, नरेन्द्रविक्रम साह, सोहेल खाँ र जयकुमार दास पनि पक्राउ परेका छन्। आइतबार काठमाडौंस्थित निर्वाचन आयोगको केन्द्रीय कार्यालय घेराउ गर्न पुगेका नयाँ शक्ति पार्टी नेपालका संयोजक एवं पूर्व प्रधानमन्त्री डा. बाबुराम भट्टराईसहितका नेताहरूलाई प्रहरीले पक्राउ गरेको थियो।प्रहरीले आफ्ना नेताहरूलाई पक्राउ गरेपछि आक्रोशित प्रदर्शनकारीले सोमबार जिल्ला निर्वाचन कार्यालय घेराउ गर्दै सरकारविरुद्ध चर्का नाराबाजीसहित प्रदर्शन गरेका थिए। सोही क्रममा उनीहरूलाई पक्राउ गरिएको प्रहरीले बताएको छ। उनीहरूले संसद्मा नरहेका दललाई दलीय चुनाव चिह्न नदिने निर्वाचन आयोगको निर्णय तानाशाही भएको आरोप लगाउँदै आफूहरूको माग सम्बोधन नभएसम्म आन्दोलन जारी राख्ने चेतावनीसमेत दिएका छन्।

लागूऔषध सहित युवक पक्राउ

प्रकाशित समय 7:42 AM
आशिक शाह सिरहा, २१ चैत। प्रहरीले सिरहाको ईटहर्वा-६ बाट आईतवार साँझ ठुलो परिमाणको लागूऔषधसहित एक युवकलाई पक्राउ गरेको छ।पक्राउ पर्नेमा सोही ठाँउ बस्ने १७ बर्षिय राज कुमार यादव रहेका छन्। उनको साथबाट प्रहरीले पत्रीकामा पोको पारी झोला लुकाएर ल्याउँदै गरेको २ सय ९६ एम्पुल, डाईजेल्याव २ सय ९८ एम्पुल, लुपिजेसिक १ सय ९७ एम्पुल, नोफिन १ सय ३ एम्पुल लागूऔषध फेलापारी नियन्त्रणमा लिईएको हो।साईकलमा सवार यादवलाई इलाका प्रहरी कार्यालय लहानबाट खटिएको प्रहरी टोलीले भारतीय बजारबाट नेपालतर्फ आँउदै गरेका अबस्थामा शंकालागी चेकजाँच गर्नेक्रममा सो परिमाणको लागूऔषध फेलापारी बरामद गरेको हो।यादवउपर थप अनुसन्धान भईरहेको उक्त कार्यालय जनाएको छ।

पाँच गाविस बोदेबर्साइन नपामा नरहने भन्दै जनताहरु द्वारा प्रदर्शन

प्रकाशित समय 7:37 AM
आशिक शाह सिरहा, २१ चैत।सप्तरीको जिल्लाको मल्हनियाँ, नेंगडा, मौवाह बेल्ही, रौतहट र रामनगर गाविसका जनताहरु बोदे बर्साइन नगरपालिकामा नबस्ने भन्दै आइतबार राजविराजमा बिरोध प्रर्दशन गर्दै जिल्ला प्रशसन कार्यालय सप्तरीमा ज्ञापन बुझाएका छन् ।ती गाविसका जनताहरु बोदे बसाईन नगरपालिकामा नबस्ने भन्दै छुट्टै गाउँपालिकाको माँग गर्दै बिरोध प्रदर्शन गरेका हुन् । स्थानिय शिवमन्दिरको प्राङ्गनबाट निकालिएको बिरोध प्रदर्शनले राजविराज नगरको परिक्रमा गरेको थियो । सो बिरोध प्रदर्शनमा सप्तरी क्षेत्र नं. ६ का निर्वाचित काँग्रेस सांसद सुरेन्द्र यादव समेतको सहभागिता रहेको थियो ।क्षेत्र नं. ६ का बिहुल नदी पश्चिमका पाँच गाविसहरुको आफ्नै भौगोलिक, समरुपता र जनसंख्यात्मक घनत्व हुदाँहुदै पनि पाँच गाविस मिसाएर एक गाउँपालिका नबनाएको प्रति शान्तिपूर्ण आन्दोलनमा उत्रनु परेको बाध्यता रहेको बुझाइएको ज्ञापनमा उल्लेख गरिएको छ ।

नयाँ शक्तिसहितका दलद्धारा सिरहा निर्वाचन कार्यालय घेराउ

प्रकाशित समय 7:21 AM
आशिक शाह सिरहा, २१ चैत। आज सिरहा सदरमुकामस्थित जिल्ला निर्वाचन कार्यालय नयाँ शक्ति पार्टी, नेपालले घेराउ गरेको छ । चर्को घाममा कार्यालय अगाडी त्रिपाल टाँगेर नयाँ शक्ति पार्टी नेपालका नेता तथा कार्यकर्ता धर्ना बसेको हो ।उक्त धर्नामा वैद्य नेतृत्वका नेकपा क्रान्तिकारी माओवादीका नेता तथा कार्यकर्ता समेत सहभागी थिए।उनीहरुले दिउँसो ५ बजेसम्म धर्ना बसेको थियो।निर्वाचन आयोगमा दर्ता भएको नयाँ दललाई संविधानप्रदत्त पाउनुपर्ने दलीय चुनाव चिन्ह पाउने अधिकारबाट बञ्चित गरेको भन्दै नयाँ शक्ति नेपालका नेता तथा कार्यकर्ताहरु धर्ना बसेका थिए ।

निर्वाचन आयोग घेराउ गर्न पुगेका नयाँ शक्ति पार्टी नेपालका संयोजक डा. बाबुराम भट्टराई पक्राउ

प्रकाशित समय 7:22 AM
आशिक शाह लाहान,चैत्र २० । दलीय चुनाव चिन्ह माग गर्दै नयाँ शक्तिसहित ६४ दलका नेता कार्यकर्ताले निर्वाचन आयोग घेराउ गर्न जादा नयाँ शक्ति पार्टी नेपालका संयोजक डा. बाबुराम भट्टराईसँगै हिसिला यमी, परशुराम तामाङ, गंगा चौधरीका साथै बैद्य माओवादीका नेता सीपी गजुरेल लगायत नेतालाई प्रहरीले पक्राउ गरेको छ ।नेता तथा कार्यकर्ताहरु लाई ट्रकमा हालेर अहिले प्रहरी कार्यालयतर्फ लगिएको नयाँ शक्तिका नेता विश्वदीप पाण्डले बताए । नेताहरुलाई अहिले नेपाल प्रहरी २ नं. गण, महाराजगञ्जमा राखिएको छ ।

सिरहामा गोलभेडा किलोको चार रुपैयाँ , किसान मार्कामा

प्रकाशित समय 10:42 PM
चैत्र २० । यतिबेला सिरहाको हाटबजारहरु गोलबजार, चोहर्वा, धनगढी , मिर्चैया र लहानमा गोलभेडा प्रतिकिलो ४ रुपैयाँमा मात्रै बिक्री भईरहेको छ । गोलभेडाको मूल्य सस्तो भएपछि कृषकहरु भने चिन्तामा परेका परेकाछन् । एक टायरगाडा भरी गोलभेडा लिएर बिक्री गर्न गोलबजार हाटबजार आएका गोलबजार नगरपालिका २ सिरहाका कृषक माधव थपलियाले प्रति किलो ४ रुपैयाँका दरले पनि बिक्री नभए पछि पुर्पुरोमा हात लाएर सुस्केरा हाल्दै भन्नुभयो, ‘खै के गर्नु ? मेहनत गर्यो मुल्य पाइदैन । केहीबेर अझै पर्खिन्छु त्यसपछि पनि बिक्री भएन भने फालेर जानुको बिकल्प छैन ।’ थपलिया आफ्नो खेतमा अझै सय क्विन्टल गोलभेडा टिप्नै बाँकी नै बताउनु हुन्छ । माधव थपलिया प्रतिनिधी पात्र मात्र हुनहुन्छ । यस क्षेत्रका गोलभेडा उत्पादन गर्ने अधिकांशक कृषक गोलभेडाको मूल्य नपाएपछि लागनी समेत नउठ्ने चिन्तामा परेका छन् । गोलबजार २ कै कृषक गणेशी महतोले १० कट्ठा जमिनमा लाएको लटरम्म फलेका गोलभेडाको बोट काटेर फालिदिएको बताउनु भयो । महतो भन्नुहुन्छ, ‘गोलभेडा टिप्ने र ढुवानी गर्ने मजदुरको खर्च पनि निस्कदैन अनि घरैबाट नगद खर्च गरेर मजदुरलाई दिनुपर्छ । त्यसै कारण काटेर फालिदिए । ’ महतोले थप्नु भयो, ‘अर्को सिजन खेति लाउन पुँजी मासियो । अब खेति लाउन ऋृण लिनु पर्छ । गुरुधाम गाउँका अर्का अगुवा कृषक रामजी यादव भन्नु हुन्छ, ‘गोलभेडाको बजार मूल्य घट्यो, सबैभन्दा महंगो बीउ गोलभेडाको छ । १० कट्ठा गोलभेडा लागउन १० हजारको बिउ खरिद गर्नुपर्छ । ४ रुपैयाँ प्रति किलो बेचेर त गोलभेडा टिप्न लाग्ने मजदुरलाई नै ठिक्क हुन्छ । बीउको मूल्य पनि उकासिदैन ।’ उहाँ थप्नुहुन्छ,‘कमसेकम सरकारले बजार व्यवस्थापनमा सहयोग गरे हुन्थ्यो । गोलबजार २ कै अगुवा कृषक राजकुमार सिंह भन्नु हुन्छ, ‘फागुन महिनासम्म प्रति किलो १० रुपैयाँमा बिक्री भईरहेको थियो तर चैत लागेपछि मूल्य घट्यो । ’ उहाँले आक्रोस पोख्दै भन्नुभयो, ‘ काठामाडौं र पोखरा जस्ता शहरमा अहिले महंगो पैसामा गोलभेडा बिक्री भईरहेको छ । सरकारले बजार व्यवस्थापनमा ध्यान नदिएर भएको हो ।’ कम्तिमा प्रति किलो १० रुपैयाँमा बिक्री भए पनि लगानी उठ्थो भन्ने कृषकहरुको आशा छ । यो समाचार सरगम खवर सभार गरिएको छ

स्थानीय चुनावमा एमाले अग्रस्थानमा आउने पूर्व मन्त्री यादवको दावी

प्रकाशित समय 10:35 PM
जिवछ उदासी - लहान, चैत २० गते । सिरहाको स्थानीय तहको हुने निर्वाचनमा नेकपा एमाले अधिकांश गाँउपालिका र नगरपालिकामा अग्रता लिने पूर्व समान्य प्रशासन मन्त्री तथा सिरहा –२ वाट निर्वाचित सांसद राम चन्द्र यादवले शनिवार रेडियो सरगम ९३ मेगाहर्जको कार्यक्रम सरगम सम्वाद कार्यक्रममा यस्तो दावी गर्नु भएको छ । सिरहामा ११ गाँउपालिका र ६ नगरपालिका मध्ये सात गाँउपालिका र ६ नगरपालिका मध्ये ४ नगरपालिकामा जित हासिल गर्ने पूर्व मन्त्रीले ठोकुवा गर्दै चुनावको तयारीमा एमाले अर्जून दृष्टिले लागि सकेको भन्दै यसको कुनै विकल्प छैन । संविधान कार्यान्वयन र प्राप्त उपलब्धीको लागि चुानव हुनैपर्छ । अब पनि चुनाव हुन्छ कि हुदैन तर्कमा अल्झिनु भन्दा चुनावी माहोलमा लाग्न एमाले कार्यकर्ताहरुलाई निर्देशन दिई सकेको बताउनु भएको छ । मधेशी मोर्चाले पनि आफनो शक्ति परिक्षण गर्न चुनावमा आउनुको विकल्प छैन भन्दै चुनावको वातावरण वन्दै गएको पूर्व मन्त्री यादवले तर्क गर्नु भएको छ । मधेशमा एमाले कमजोर भएको हौवा फैलाएको छ । चुनावमा गएपछि तस्बीर प्रष्ट हुन्छ भन्दै पूर्व मन्त्री यादवले एमालेको वलियो संगठन र प्रतिवद्ध कार्यकर्ताहरु हावा र हौवाको भ्रममा पर्दैन । लहान , गोलवजार मिचैया कल्याणपुर नगरपालिकामा अग्रस्थानमा छ । यस्तै गाँउपालिकाहरुमा पनि एमाले हावी हुने देखेर अन्य दलहरु चुनावमा जान नचाहेर अनेकौ वखेडा र एमालेलाई वदनाम गराउने काम गरिरहेको वताउनु भएको छ । उहाँको अनुसार स्थानीय तहको निर्वाचनमा एमालेको प्रतिस्पर्धा नेपाली काँग्रेससंग हुने ठोकुवा गर्नु भएको छ ।