संविधान कार्यान्वयको लागि संविधान संशोधन ः गच्छेदार

प्रकाशित समय 9:13 PM
राम नारायण पंडित, सिरहा, २३ माघ । संविधान कार्यान्वयको लागि संविधान संशोधन जरुरी भएको भन्दै त्यसको लागि ठूला तीनै दललाई एकठाउँमा आउनु पर्ने मधेसी जनअधिकार फोरम लोकतान्त्रिका अध्यक्ष विजय कुमार गच्छेदारले बताएका छन् । शनिबार सिरहाको गोलबजारमा जिल्ला स्तरिय कार्यकर्ता भेलालाई सम्वोधन गर्दै पूर्व उपप्रधान्त्री समेत रहेको गच्छेदारले नेपाली कांग्रेस र नेकपा माओवादी केन्द्र मात्र मिलेर संविधान संशोधन गर्न नसक्ने दाबी गरे । उनले भने ‘संविधान कार्यान्वयन गरेर चुनाव गराउन जरुरी छ, संविधान संशोधन नगरी चुनावमा जान सकिदैन, त्यसको लागि तीनबटै ठूला दललाई एकैठाउँमा बसेर सहमति खोज्नु पर्छ ।’ उनले सवैपार्टीलाई एकैठाउँमा ल्याउन मधेसी मोर्चा सहितका मधेसवादी दलहरुले पहल गर्नु पर्ने पनि जिकिर गरे । खाली माँग राखेर आन्दोलन गरेर मात्र सवै समस्या समाधान नहुने भन्दै माँग कार्यान्वयन गराउन ठूला दलहरुलाई एकठाउमा भेला गर्न पनि पहल गर्नु पर्ने अध्यक्ष गच्छेदारले तर्क गरे । त्यसको लागि आफ्नो दल तयार रहेको गच्छेदारले स्पष्ट गरे । संविधान संशोधन गरेर चाँडो भन्दा चाँडो निर्वाचनमा गएर संविधान कार्यान्वयन गराउनु पर्नेमा उनले जोड दिए । 
जनता भेला गर्न नाचगानको साहारा 
राजनीतिक दलहरुलाई अब सभा सम्मेलनमा मास जुटाउन मुस्किल पर्न थालेपछि जनताको मास जुटाउन नाचगानको सहारा लिन थालेका छन् । कार्यक्रममा जनता जुट्न नसक्ने भएपछि फोरम लोकतान्त्रिकले पनि युवती नचाउनु परेको स्थानियहरुको भनाई रहको छ ।

पुलिसलाई हराउदै विराटनगर उपाधि विजेता

प्रकाशित समय 1:23 PM
फिरोज शेख लहान २२ माघ - लहान क्रिकेट कल्ब लहानको आयोजनामा माघ १५ गते देखि सुरु भएको लहान प्रिमियर लिग क्रिकेट प्रतियोगिता २०७३ आज सम्पन्न भएको छ I सनिबार भएको अन्तिम रोमान्चक फाईनल खेलमा पूर्वाञ्चल क्रिकेट एकेडमी विराटनगरले नेपाल पुलिस कल्ब काठमाडौंलाई १ विकेटले हराउदै उपाधि विजेता भएका छन् I टस जितेर पहिला ब्याटिंग गरेको पुलिस कल्बले १८ ओभर ४ बल खेल्दै सबै विकेट गुमाई ९७ रन बनाएका थिए I पुलिसका लागि सिद्धान्त लोहनी २० बलमा २५ रन , अभिनाश कर्ण २३ बलमा १९ रन र रोशन बुद्धल १३ बलमा १५ रन बनाउनु बाहेक अरु कुनै पनि खिलाडिले राम्रो प्रदर्शन गर्न सकेनन I पुलिसलाई ९७ रनमा रोक्न विराटनगरका लागि राज थापा ४ , अजय राजवंशी र अकिबुल अन्सारीले २/२ विकेट लिएका थिए I त्यस्तै मोहम्मद हसरत अलि , विवेक यादवले समान १/१ विकेट लिएका थिए I
जवाफी ब्याटिंग गर्न आएका विराटनगरले ८ ओभर सम्म राम्रो प्रदर्शन गर्दै ५९ रनमा १ विकेट मात्र गुमाएका थिए I तर राम नरेसको घातक बलिङ्गको सामु विराटनगर ८१ रनको योगफल बनाउदा सम्म ४ विकेट गुमाएपछि खेल निकै रोमान्चक बनेको थियो I यसै बीच बिराटनगर कल्बले ९७ रनको योगफल सम्म आइपुग्दा ९ विकेट गुमाएप्छि खेल निकैनै रोमान्चक बनेको थियो I विराटनगर लाई १ रन बनाउन एक ओभर नै खेल्नु परेको थियो I १७ ओभर ३ बल खेल्दै ९ विकेटको क्षतिमा ९८ रन बनाउदै पुलिसलाई १ विकेटले हराउदै उपाधि माथि कब्जा गर्न सफल भएका हुन् I विराटनगरका लागि २६ बलमा ५२ रन , विवेक झा , १८ बलमा १८ रन र हमिस अन्सारीले २५ बलमा ८ रन बनाएका थिए I पुलिसका लागि राम नरेश गिरि ३ विकेट , चित्र बिष्ट २ विकेट र मन्जित श्रेष्ठ , नविन थापा , योगेन्द्र कार्कीले समान १/१ विकेट लिएका थिए I प्रतियोगिताको विजेता कल्ब विराटनगर लाई नगद रु .१ लाख १ हजार संगै सिल्ड मेडल प्रदान गरिएको छ I यता उपविजेता पुलिस लाई रु . ५१ हजार नगद पुरस्कार संगै सिल्ड मेडल प्रदान गरिएको छ I प्रतियोगिताको म्यान अफ द सिरिज , म्यान अफ द फाईनल विराटनगरका विधान गोस्वामी , बेस्ट बलर र म्यान अफ द म्याच पुलिसका राम नरेश गिरि , बेस्ट ब्याड्सम्यान लहान क्रिकेट क्लबका मिनस थापा भएका छन् I प्रतियोगिताको मिडिया पार्टनर शेख मिडिया हाउस द्वारा संचालित रेडियो सरगम ९३ मेगाहर्ज रहेका थिए I फाईनल म्याचको प्रत्यक्ष प्रशारण रेडियो सरगम बाट गरिएको थियो I फाईनल म्याचको उपहार तथा सम्मान वितरण कार्यक्रमको प्रमुख अतिथि नेकपा एमालेका केन्द्रिय सदस्य लिला नाथ श्रेष्ठ रहेका थिए I विशिष्ट अतिथिको रुपमा नेपाली कांग्रेसका अछ्मित चौधरी संगै विभिन्न संघसंस्थाका कार्यलय प्रमुख संगै प्रमुख प्रतिनिधिहरु , नागरिक समाज , बुद्धिजीवी , पत्रकार लगायत सैयौ दर्शकहरुको उपस्थिति रहेको थियो I
 

“मधेश मे जनमत संग्रहका ऐलान करो, मधेश देश अजाद करो” नारा गुन्जिदै, समर्थक अझै हिरासत मा”

प्रकाशित समय 11:18 AM
अँनलाइन सिरहा डटकम माघ २२ – नेपाल सरकारले ब्याक्तिगत जीवनलाई त्रासमय बनाऊन स्वतन्त्र मधेश गठबंधनका केन्द्रिय संयोजक डा. सीके राउतलाई २० गते बिहिवार दिउसों पुनः पक्राउ गरे लगतैदेखि हजारों मधेशी जनताहरु डा. राउतको रिहाईको लागी बिभिन्न स्वरुपमा आज पनि मधेश भरि शांतिपूर्ण रूपले जन-प्रदर्शण जारी राखेका छन| कैलालीका जनताले डा. सी. के. राउतलाई अबिलम्ब रिहा गर प्ले कार्ड बोकी पर्दर्शन गरे का थिए भने रुपन्देहीका जनता स्वतन्त्र मधेशका झन्डा सहित साइकल रैली र मार्च पास गरेका थिए| सहभागी भएका यूवाहरूले “जनमत संग्रहका ऐलान करो, मधेश देश अजाद करो” प्लेकार्ड बोके का थिए| जनकपुरका मधेशी जनताहरू मुखमा कालो पट्टी बांधी मौन जुलुस निकाले थिए भने डा. राउतलाई अबिलम्ब रिहा गर प्ले कार्ड सँगे स्वतन्त्र मधेशका लागी जनमत संग्रहका मांग उठाएका थिए| निशर्त रिहा गर्न शांतिपूर्ण पर्दर्शनमा ओर्लेका समर्थकलाई गिरफ्तार गरी विराटनगर, सप्तरी, सिरहा, रौतहतबाट रिहा गरीसकेका छन भने सिरहाका संजय यादव, राजकुमार त्यागी, रोशन यादव, अशोक कुमार यादव,, रामशंकर यादव,सुरेश यादवलाई अहिले सम्म गैर क़ानूनी थुनामा राखेका छन| रौतहतमा अझै ६० बर्षीय बीर मधेशी अशोक सिहँ र बिरेन्द्र साहलाई अहिले सम्म गैर क़ानूनी थुनामा राखेका छन| स्वतन्त्र मधेश गठबन्धन बुद्ध, गांधी र मण्डेलाको अहिंषात्मक सिद्धान्तलाई अनुशरण गर्दै शान्तिपूर्ण मार्गद्वारा मधेशको स्वतन्त्रताको लागि कार्यरत रहेको कुरा सर्वविदित नै छ। गठबन्धनका तीन आधार स्तम्भहरू (क) स्वतन्त्र मधेश (ख) लोकतान्त्रिक व्यवस्था, र (ग) शान्तिपूर्ण एवम् अहिंषात्मक मार्ग अनुसार नै आफ्नो नीति निर्धारण र कार्यक्रमहरू गर्दै नेपाल सरकारको कुनै काममा तथा वर्तमान राजनैतिक प्रक्रियाहरूमा वाधा-अडचन नपुर्‍याई शान्तिपूर्ण एवम् संरचनात्मक रूपमा मधेशको विकास तथा सामाजिक उत्थानका लागि गठबन्धन हाल क्रियाशील रहेको छ। तर नेपाल सरकारले मधेशको राजनैतिक मुद्दालाई दबाउने र विमतिका सबै आवाजलाई निर्मूल पार्ने नीति अनुसार गठबन्धनका कार्यकर्ताहरूलाई फँसाउने षड्यन्त्र गर्दै आएको छ। नेपाल सरकारद्वारा गठबन्धनका नेता तथा कार्यकर्ताहरूको जासूसी गर्ने, आवत-जावतमा बाधा उत्पन्न गर्ने, मानसिक दबाव दिने र कुनै आधार तथा प्रमाण विना नै पक्राउ गर्ने जस्ता कार्यहरू गरिरहेका छन्। यसै क्रममा नेपाल सरकारबाट भएको उपरोक्त घटनाको स्वतन्त्र मधेश गठबन्धन घोर भर्त्सना गर्नुका साथै यस बारेमा देश-विदेशका पत्रकार, कुटनितिज्ञ, राजनैतिक पार्टी, वुद्धिजीवि, मानवअधिकारकर्मी लगायत सबैलाई जानकारी गराउन चाहन्छ। यस किसिमका दमनकारी क्रियाकलापले हाम्रो वाक्‌-स्वतन्त्रता, आवत-जावत गर्ने स्वतन्त्रता र भेला हुने स्वतन्त्रतामाथि हस्तक्षेप हुनुका साथै नेपाल सरकारद्वारा मानवाधिकारको हनन भइराखेको कुरा पनि जानकारी गराउन चाहन्छौं। सम्बन्धित व्यक्ति तथा संस्थाहरूले आ-आफ्नो ठाउँबाट नेपाल सरकारका यस्ता क्रियाकलापलाई निरूत्साहित गर्न तथा मानवअधिकारको रक्षा गर्न पहल गरिदिनुहुन पनि हामी हार्दिक अनुरोध गर्दछौं। ................ प्रा. कैलाश महतो सह संयोजक स्वतन्त्र मधेश गठबन्धन फोन: ९७७-९८४७०३८३२२ इमेल: free.drckraut@gmail.com

सिके राउत पक्राउपछि मधेसमा जागेका युवाहरुबाट पाठ सिकौ

प्रकाशित समय 10:32 AM
अँनलाइन सिरहा डटकम २२ माघ । सरकारले गत विहीबार डा सिके राउतलाई पक्राउ गरेपछि मधेस अहिले अशान्त भएको छ । सिके राउतका समर्थकहरुले मधेसका विभिन्न जिल्लामा सडकमा निस्केर प्रदर्शन गरेका छन् । सरकारले कतिपयलाई पक्राउ गरेको समाचार आएको छ । तर, उनका समर्थकहरु कतिलाई पक्रेर जेल हाल्न सकिएला ? यो प्रश्न गम्भीर बनेको छ । मधेस अलग राष्ट्र बन्नुपर्ने आन्दोलन सिके राउतको मुख्य गतिविधि हो । उनले सुरु गरेको यो आन्दोलनमा सबै मधेसीहरु छन् भन्ने हैन । मधेसी मोर्चाका नेताहरुले पनि सिके राउतका एजेन्डामा सहमत हुन नसकिने जनाइसकेका छन् । तर, वर्षौदेखि राज्यको उत्पीडनमा परेका मधेसका एक खालका सचेत युवाहरु अहिले आक्रोशित बनेका छन् । काठमाडौका शासकहरुले मधेसलाई जहिल्यै विभेद गर्ने र पहाडे नश्लवादीहरुको चिन्तनमा मधेसी जनताप्रति घृणा मात्रै रहेको मधेसी युवाहरुको बुझाइ छ । सिके राउतले देश विखन्डन गर्न खोज्यो भनेर आक्रोश पोख्नेहरुले सिके राउत जन्मनुको कारण खोज्नुपर्छ । सिके राउतले मधेस र मधेसीप्रति राज्यले पहाडीय शासक समुुदायले गरेको विभेदको कुरा उठाएका छन् । वर्षौदेखिको विभेदले मधेसीहरु पिल्सिएको उनको तर्क छ । उनको यो तर्क त मान्न सकिएला तर यसको समाधान मधेस अलग देश बनाएर गर्नुपर्छ भन्ने तर्क नेपाललाई माया गर्ने कसैले पनि मान्न सकिदैन । सिके राउत र उनका समर्थकहरुभन्दा अहिले राज्य चलाउने काठमाडौका शासक, शासकका आसेपासे र पहाडे अहंकारवादीहरु सचेत हुनुपर्छ । सिके राउत पक्राउपछि मधेसमा जागेका युवाहरुको आन्दोलनबाट शासकहरुले पाठ सिक्नैपर्छ । यो समस्या राजनीतिक भएकाले राजनीतिक रुपमै समाधान गर्नुपर्छ । मधेसी जनतामाथि भइरहेको विभेद अन्त हुने गरी मधेसी जनतालाई अधिकार दिनुपर्छ । मधेसी जनताप्र्रति सम्मान र समानता हुनुपर्छ । कालो अनुहार देख्नेबित्तिकै विहारी ठानिरहने हो भने काठमाडौमा बस्ने जनकपुरका युवालाई इन्डियन भेले भनिरहने हो भने यो खालको गलत मानसिकता नबदलिने होे भने समस्या समाधान हुँदैन ।