आन्दोलनका कारण एक लाख भन्दा बढी बालबालिका खोपबाट बन्चित

प्रकाशित समय 7:17 AM
राम नारायण पंडित, सिरहा, २२ फाल्गुन । सिरहामा स्वास्थ्यकर्मीको आन्दोलनका कारण एक लाख ३२ हजार ३६ बालबालिका पोलियो थोपा खानबाट बञ्चित भएका छन् । राज्यले आफ्नो मागको सम्वोधन नगरेकाले समयमै पोलियो थोपा खुवाउन नसकिएको स्वास्थ्यकर्मी युनियन सिरहाका अध्यक्ष रामसेवक यादवले जानकारी दिए । निजामति सेवा ऐन कार्यान्वयन तथा पद व्यवस्थापनको माँग राखी आन्दोलनमा रहेका सिरहाका स्वास्थ्यकर्मीले सम्पूर्ण सेवाहरु बन्द गरी धर्नामा रहेकाले आफूहरुले सरकारले तोकेको समयमा पोलियो थोपा खुवाउन नसकिएको अध्यक्ष यादवले बताए । आइतबार केन्द्रिय स्तरको ट्रेड युनियनले मानवअधिकार र बालबालिकाका सवालमा लचक भई आन्दोलनमै रहेर पोलियो थोपा खुवाउन अनुरोध गरेपछि हामी आन्दोलनमै रहेर सोमबारदेखि बालबालीकालाई पोलियो थोपा खुवाउने अध्यक्ष यादबले बताए । सरकारले पोलियो थोपा खुवाउन छुटेका काठमाडौ उपत्यकाका तीनवटै जिल्ला सहित तराइका १५ जिल्लामा शनिवार र आईतबार पाँच वर्ष मुनिका बालबालिकालाई पोलियो थोपा खुवाउन आव्हान गरिएको भएपनि सिरहामा स्वास्थकर्मीका आन्दोलनका काराण पोलियो थोपा खुवाएको छैन । यता जिल्ला जनस्वास्थ्य कार्यालय सिरहाका खोप अधिकृत शिवचन्द्र ठाकुरले मंगलबार सम्ममा कोही बालबालिका नछुट्ने गरी खोप खुवाउने बताए ।
सिरहाका एक लाख बढी बालबालिका पोलियोबाट बन्चित

सिरहाका एक लाख बढी बालबालिका पोलियोबाट बन्चित

प्रकाशित समय 7:05 AM
रामभरोसी  यादव सिरहा 
स्वास्थ्यकर्मीको आन्दोलनको कारण सिरहामा पाँच वर्ष मुनिका एक लाख ३२ हजार ३६ बालबालिका पोलियो थोपा खानबाट बञ्चित भएका छन् । राज्यले आफ्नो मागको सम्वोधन नगरेकाले समयमै पोलियो थोपा खुवाउन नसकिएको स्वास्थ्यकर्मी युनियन सिरहाका अध्यक्ष रामसेवक यादवले जानकारी दिए ।
निजामति सेवा ऐन कार्यान्वयन तथा पद व्यवस्थापनको माँग राखी आन्दोलनमा रहेका सिरहाका स्वास्थ्यकर्मी सेवा बन्द गरी धर्नामा बसेका छन् ।
सकारले पोलियो थोपा खुवाउन छुटेका काठमाडौ उपत्यकाका तीनवटै जिल्ला सहित तराइका १५ जिल्लामा शनिवार र आईतबार पोलियो थोपा खुवाउन आव्हान गरेको भएपनि सिरहामा अधिकांश जिल्लामा यो कार्यक्रम प्रभावित भएको छ ।
यसैवीच जिल्ला जनस्वास्थ्य कार्यालय सिरहाका खोप अधिकृत शिवचन्द्र ठाकुरले मंगलबजारसम्ममा सवै बालबाललिकाहरुलाई पोलियो खुवाउने बताए ।

सीके राउतलाई थप २० दिन थुनामा राखन आदेश

प्रकाशित समय 5:28 AM
फिरोज शेख लहान , २०७३ फागुन २२ - सिरहा जिल्ला अदालतले आइतबार चौथो पटक सीके राउतलाई थप २० दिन थुनामा राखेर अनुसन्धान गर्न प्रहरीलाई आदेश दिएको छ। स्वतन्त्र मधेस गठबन्धनका संयोजक रहेका राउतले मुलुक विखण्डन गर्ने गरी स्वतन्त्र मधेसको पक्षमा गतिविधि गर्दै आएको आरोपमा पक्राउ परेका हुन्। राउतविरुद्ध संगठित अपराध अन्तर्गतको मुद्दा लगाइएको छ। धनुषाधाम जनकपुर माछाबजारमा रहेको डेरा बाट प्रहरीले पक्राउ गरी इलाका प्रहरी कार्यालय लहान मार्फत् राज्य विरुद्धको संगठित अपराध अन्तर्गतको मुद्दामा पहिलो पटक गत माघ २१ गते सिरहा जिल्ला अदालतमा उपस्थित गराइएको राउतलाई अनुसन्धानका लागि १० दिनसम्म थुनामा राख्ने आदेश दिएको थियो। प्रहरीलाई राउत विरुद्ध थप अनुसनधानका लागि अदालतले दोस्रो पटक फागुन १ गते १० दिन, तेस्रो पटक ११ गते १० दिन म्याद थपेको थियो। चौथो पटक आइतबार २० दिनको लागि म्याद थपिएको जिल्ला प्रहरी कार्यालय सिरहाका प्रमुख एसपी शेखर कोइरालाले जानकारी दिएका छन्। राउतलाई पक्राउ गरी मुद्दा चलाएपछि रिहाईको माग गर्दै प्रदर्शन गर्नेहरुमध्ये सिरहा र लहानबाट पक्राउ गरिएका ८ जना विरुद्ध पनि प्रहरीले राज्य विरुद्धको संगठित अपराध अन्तर्गतको मुद्दामा अदालतबाट म्याद थप गरी अनुसन्धान गरिरहेको छ। मधेश केन्द्रित दलहरुले हरेक वर्ष मनाउने बलिदानी दिवसको अवसरमा गत माघ ५ गते लहानमा र्‍याली र कोणसभामा राउतले देश टुक्र्याउने अभिव्यक्ति दिएको आधारमा धनुषा प्रहरीको सहकार्यमा माघ २० गते जनकपुरबाट पक्राउ गरी सिरहामा ल्याएर राउत माथि मुद्दा चलाइएको छ ।

मधेशी मोर्चाको चेतावनी पछि झस्कियो एमाले, राजबिराजको कार्यक्रम स्थगित

प्रकाशित समय 3:41 AM
सप्तरी, २२ फागुन । मधेसी मोर्चाको चेतावनीपछि प्रमुख प्रतिपक्षी नेकपा एमालेले राजविराजमा गर्न लागेको सभालाई स्थगित गरेको छ । मधेशी मोर्चाका कार्यकर्ताले राजविराजमा एमाले अध्यक्ष केपी ओली सहभागी हुने कार्यक्रम विथोल्ने चेतावनी दिएपछि एमालेले अन्तिम समयमा आएर स्थगित गरेको हो । राजरंगशालामा गर्ने तयारी गरिएको कार्यक्रम तीन किलोमिटर उत्तर मलेठ गाविसस्थित गजेन्द्रनारायण सिंह औद्योगिक क्षेत्रमा सार्ने तयारी गरिएको एमाले सप्तरीका अध्यक्ष गोविन्द न्यौपानेले बताए । एमालेले सोमबार फागुन २३ गते राजविराजस्थित राजरंगशालामा कार्यक्रम गर्ने तयारी गरेको थियो । औद्योगिक क्षेत्रमा कार्यक्रम गर्ने एमालेको तयारीपछि मोर्चाका कार्यकर्ताहरूको जुलुस आइतबार बिहानैदेखि त्यस क्षेत्रलाई घेराउ गरेको छ । मुलगेटमा टायर बाल्दै मोर्चा कार्यकर्ताहरू प्रदर्शन गरिरहेका छन् । कालो झण्डा, मोटरसाइकल र्‍यालीसहित मोर्चा कार्यकर्ताहरु प्रदर्शनमा छन् ।