अश्लील कार्यमा संलग्न भएको आरोपमा रेस्टुरेन्ट सञ्चालकसहित पाँचजना पक्राउ
Advertise Here Book Now
महोत्तरीको जलेश्वरमा रेस्टुरेन्ट सञ्चालकसहित पाँचजनालाई प्रहरीले पक्राउ गरेको छ । अश्लील क्रियाकलाप गराउने गरेको आरोपमा प्रहरीले आइतबार राति उनिहरुलाइ पक्राउ गरीएको जनाएको छ ।
पक्राउ पर्नेमा रेस्टुरेन्ट सञ्चालक भारत विहारको सुरसण्ड विरख घर भई हाल जलेश्वर–४ मा बस्दै आएका राजीवरञ्जन कुमार, निजका पत्नी अनिता चौधरी र रेस्टुरेन्टमा काम गर्ने तीनजना युवती रहेको जिल्ला प्रहरी कार्यालय महोत्तरीले जानकारी दिएको छ ।
पक्राउ परेका राजीव रञ्जन र निजका पत्नी अनिताले जलेश्वर–४ मा रेस्टुरेन्ट सञ्चालन गरी त्यसमा केटीहरु राखेर ग्राहकसँग अश्लील क्रियाकलाप गराई समाजमा नकारात्मक प्रभाव पारेको आरोपमा प्रहरीको छ । नायब उपरीक्षक लोकेन्द्र श्रेष्ठका अनुसार जलेश्वरका घना बस्तीबीच रेस्टुरेन्ट खोली अश्लील क्रियाकलाप गराउँदै गरेका अवस्थामा प्रहरीले पक्राउ गरेका पाँचै जनामाथि सार्वजनिक मुद्दा चलाउने तयारी गरेको छ ।
