मातृका माओवादीका बारा संयोजक पक्राउ

ऑनलाइन सिरहा डटकम फाल्गुन १। मातृका यादव नेतृत्वको नेकपा माओवादीका बारा संयोजक उमेश यादवलाई प्रहरीले पक्राउ गरेको छ । यादवलाई कलैया नगरपालिका ३ भवानीपुरस्थित उनकै निवासबाट प्रहरीले पक्राउ गरेको हो । उनीबिरुद्ध अपहरण, चोरी, आगजनी, जवर्जस्ती चन्दा असुली लगायतका उजुरी परेकाले अनुसन्धानका लागि पक्राउ गरिएको बाराका डिएसपी बिनोद शर्माले जानकारी दिए । बाराको मनहर्वा ५ श्रीपुरमा रहेको रिलायन्स सुगर मिल्सको चिनी बोकेको गाडीमा आगजनी गरेको तथा बाराका एक व्यापारीलाई अपहरण गरेको लगायतका उजुरी यादवबिरुद्ध परेको प्रहरीले बताएको छ उनीविरुद्ध परेको उजुरी अनुसारकै मुद्धा चलाईने बाराका डिएसपी शर्माले जानकारी दिए ।