शिक्षकले नै आजदेखि सिरहाका विद्यालय बन्द गराउने
Advertise Here Book Now
नेपाल शिक्षक यूनियन सिरहा, नेपाल राष्ट्रिय शिक्षक संगठन सिरहा, नेपाल शिक्षक संघ, मधेशी शिक्षक फोरम, नेपाल शिक्षक मञ्च लगायतका आठ शिक्षक संघ÷संगठनले मुद्दा फिर्ता लिन अल्टिमेटम दिएपनि बेवास्ता गरेको भन्दै भोलि आईतवारदेखि जिल्लाभरका विद्यालय बन्द गर्ने विज्ञप्ती मार्फत जनाएका हुन् ।
आठ शिक्षक संघ संगठनले संयुक्त रुपमा जारी गरेका विज्ञप्तीमा भनिएको छ, ‘मुद्दा फिर्ता नलिन आईतवारदेखि तीन दिनका लागि सांकेतिक रुपमा जिल्ला भरका विद्यालय बन्द गर्ने र तरपनि मुद्दा फिर्ता नलिए अनिश्चित कालका लागि विद्यालय बन्द गर्ने छौं ।’
ब्रम्हान गोछारीस्थित माध्यमिक विद्यालय हनुमाननगरमा सामान्य विवाद भएको थियो ।
सोही विषयलाई लिएर विद्यालय व्यवस्थापन समितिका अध्यक्ष गणेश चौधरीले निमित्त प्रअ नारायण साहसहित तीन शिक्षक विरुद्ध ईलाका प्रहरी कार्यालय लहानमा मुद्दा दर्ता गराएका छन् ।
त्यसैले उक्त मुद्दा फिर्ता लिएर छलफलको माध्यमबाट विवाद समाधान गर्न सम्बन्धित पक्षसँग विज्ञप्ती मार्फत आग्रह गरिएको छ ।
