संविधानसभामा प्रस्तुत भएको एकीकृत मस्यौदामा नागरिकता सम्बन्धी व्यवस्था र सिमाकंन तथा नामांकन बिनाको संविधानको विरोधमा पुर्व निर्धारित कार्यक्रम अनुसार पुतला दहन गरिएको छ । मासले मस्यौदाको विरोधमा सडक संघर्षको सुरुवात गर्दै मंगलवार आन्दोलनको शंखनाद गरेको थियो । बुधवारको समिक्षा बैठकले मासका संयोजक सरोज मिश्रको संयोजकत्वमा विभिन्न चरणको आन्दोलनका कार्यक्रम तय गरेको थियो । आन्दोलनकै क्रममा मासका सल्लाहकार संजय ठाकुरको नेतृत्वमा बिहिवार पुतला दहन गरिएको हो । 

 

शुक्रवार जनकपुर आउन लागेका प्रधानमन्त्री सुशील कोइरालालाई कालो झन्डा देखाइने कार्यक्रम रहेको मासले जनाएको छ । प्रधानमन्त्री कोइराला जनकपुर आउने अहिलेसम्म निश्चित भने भइसेकेको छैन । 

 

पुतला दहन पश्चात कोणसभालाई सम्बोधन गर्दै ठाकुरले विभेद जारी रहे सम्पुर्ण मधेशीको चाहना अलग मधेश देश हुने चेतावनी दिए । उनले त्यसका लागि लड्न पनि पछाडि नहट्ने बताए । मासका सदस्य प्रतिभा कर्णले मासको आन्दोलनमा महिलाको सहभागिता न्युन रहेको भन्दै यो आन्दोलन महिलाको हितमा भएकाले सवै महिलालाई सहभागी हुन आग्रह गरिन् । 

 

मासले शनिवार विभिन्न संघसंस्थाका प्रतिनिधी, बुद्धिजिवी एवं सरोकारवालाहरुसँग अन्तरक्रिया कार्यक्रम गर्दै छ ।

Was this article helpful?

Thanks! Your feedback helps us improve onlinesiraha.com