अब उजुरी दिनेलाई पनि नछाडिने
Advertise Here Book Now
ऑनलाइन सिरहा डटकम,२८ असार– काठमाण्डु महानगरपालिकाले घर भत्काउन उजुरीदिनेमाथि पनि अनुसन्धान
थाल्ने भएको छ । रिसिइबीका कारण अधिकांश छिमेकीले भूकम्पको कारण देखाउँदै
तत्काल घर भत्काउनुपर्ने उजुरीको चाङ लाग्न थालेपछि कामपाले उजुरीकर्ताको
घरको समेत अनुसन्धान गर्ने भएको हो ।
कामपाका कार्यकारी अधिकृत रुपद्रसिंह तामाङले रिस उठेको छिमेकीले मनपरी
रुपमा उजरी दिन थालेपछि उनीहरुमाथि नै छाविन गर्न सदाचार फारम भर्नुपर्ने
व्यवस्था गर्न लागिएको जानकारी दिए । उनले यो व्यवस्था साउन १ गतेदेखि लागू
हुने बताए । बेनामी उजरी दिने अनि घर भत्काउनुपर्छ भनी ठूलाबडाको दबाब
दिने प्रवृत्ति अन्त्य गर्न उजुरीकर्ताले अनिवार्य रुपमा फारम भर्नुपर्ने
बाध्यकारी व्यवस्था लागू गर्न लागेको कामपाले जनाएको छ ।
