मधेशी सभासदहरुले संविधानको मस्यौदा च्याते पहिचानविरोधी संविधान स्विकार्य नहुने मधेशी दलको उद्घोष
Advertise Here Book Now
ऑनलाइन सिरहा डटकम ,
हुलाकी न्यूज, काठमडौं । मधेशी दलका सभासदहरुले
संविधानसभाभित्रै संविधानको मस्यौदा च्यातेका छन् । मस्यौदा समितिका
अध्यक्ष कृष्ण सिटौलाले संविधानसभामा संविधानको मस्यौदा पेश गरे लगत्तै
मधेशी सभासदहरुले रोष्टम घेराउ गरी नाराबाजी गर्दै मस्यौदा च्यातेका हुन् ।
बैठकबाट बाहिरिँदै संघीय समाजवादी फोरम नेपालका अध्यक्ष उपेन्द्र यादवले
मधेशी, आदिवासी, दलित, जनजाति, मुस्लिम, महिलालगायतको अधिकार हनन गर्ने
संविधान स्विकार्य नहुने बताए । उनले अहिले संविधानको मस्यौदा मात्र
च्यातेको, अब जलाउने चेतावनी दिए । सभासद यादवले पहिचानसहितको संघीयता र
संघीयतासहितको समावेशी संविधान मात्र स्विकार्य हुने बताए ।
सदभावना पार्टीका सभासद लक्ष्मण लाल कर्णले मधेशी, आदिवासी, जनजाति, दलित,
मुस्लिम, थारु, महिलाको अधिकार हनन गर्ने संविधानको मस्यौदा नस्विकार्ने
बताए । उनले यस मस्यौदामा आधारित संविधान पनि नमान्ने चेतावनी दिए । सभासद
कर्णले मधेशी, आदिवासी, जनजातिलगायतकालाई पछाडि राख्दै चार जनाले जारी
गरेको संविधान स्विकार्न आफू बाध्य नरहेको बताए ।
उनले चार जनाले जारी गरेको संविधान मान्न जनताले आदेश नदिएको बताउँदै भने,
‘जनताले हामीलाई हाम्रो अधिकार लिएर आउ भनेको छ । जनताको संविधान नबन्ने
ठाउँमा साक्षि बस्न जरुरी छैन ।’
सभासद कर्णले संविधानसभाबाट मधेशी, आदिवासी, जनजाति, दलित, मुस्लिम,
महिलालगायतको अधिकार सुनिश्चित गर्ने संधिवान बन्न नसक्ने भन्दै
संविधानसभाबाट राजिनामा दिने जनाए । उनले भने, ‘राज्यका तीन अंगमध्ये एउटा
अंग व्यवस्थापिका संसद हो । हामीले व्यवस्थापिका संसदबाट नाता तोड्छौं ।
हामी संविधानको मस्यौदा मान्न तयार छैनौं ।’
नेपाल सद्भावना पार्टीकी सभासद डिम्पल झाले संविधानको मस्यौदाको आफ्नो
पार्टीले विरोध गरेको बताए । उनले सभामुखले मधेशविरोधी निर्णय लिएको भन्दै
सबै जिल्लामा सभामुख सुवासचन्द्र नेम्वाङको विरोध गर्दै कार्यक्रम आयोजना
गरिने बताइन् । सभासद झाले प्रत्येक जिल्लाको सिडिओ कार्यालयमा विरोध
कार्यक्रम राखिने जनाइन् ।
