उपेन्द्र यादवले भने मधेस आन्दोलन अलग राष्ट्रको पक्षमा छैन
Advertise Here Book Now
महोत्तरीको जलेश्वरमा पत्रकारसँगको कुराकानीमा नेता यादवले मोर्चा विखण्डनवादी नभएको तथा सच्चा राष्ट्रवादीको परिचय दिँदै देशको सार्वभौमसत्ता र अखण्डताभित्र रहेर स्वायत्त मधेस प्रदेशका लागि लडिरहेको प्रस्ट्याए।
उनले सरकार मधेसको आन्दोलनप्रति गम्भीर नरहेको बताउँदै मधेसी जनतालाई थकाउने गलाउने र आन्दोलन मत्थर पार्न खोजेको आरोप लगाए।
सोही क्रममा मोर्चाका अर्का घटक राष्ट्रिय मधेस समाजवादी पार्टी अध्यक्ष शरतसिंह भण्डारीले सरकारले नेपाली काँग्रेसको सहमति र सहकार्य्बिना गर्न खोजेको वार्ताको कुनै अर्थ नहुने बताए।
उनले मधेसको माग सम्बोधन गर्न संविधान संशोधन गर्नुपर्ने र त्यसका लागि दुई तिहाईको आवश्यकता पर्ने भएकाले सार्थक वार्ताका लागि सरकारले काँग्रेसलाई साथमा लिनुपर्ने जिकिर गरे।
