जाँडरक्सी बिक्री बितरण,डिजेमा भोजपुरी गित बजाउन रोक लगाइएपछि
Advertise Here Book Now
राम नारायण पंडित, सिरहा, १९ माघ । कल्याणपुर नगरपालिकाका केहि बडामा मदिरा बिक्रीबितरण तथा प्रयोगमा रोक लगाईएको छ । कल्याणपुर नगरपालिका बडा नं. ५ का बडा अध्यक्ष दिपेन्द्र यादबको अध्यक्षतमा बुधबार बसेको बैठकले सर्बसम्मतले साबिक गाबिस बिष्णपुर, चिकना र भोक्राहा तथा हाल कल्याणपुर नगरपालिका बडा नं. ४, ५ र ६ मा
जाँडरक्सी बिक्री बितरण र प्रयोगमा रोक लगाईएको छ । समाजमा जाँड रक्सी सेवनबाट हुने विकृति विसंगति, होहल्ला, झै–झगडाको अन्त्य गरि समाजलाई शान्त बनाउन जाँड रक्सी निषेधित क्षेत्र घोषणा गरिएको बडा नं. ६ का बडा अध्यक्ष मोतिबुल राइनले बताए । तिनै बडा क्षेत्र भित्र पसलहरुमा रहेका जाँडरक्सी माघ मसान्त भित्र बिक्रीबितरण गरिलिन निर्देशन दिँदै फाल्गुन १ गतेबाट पाईएमा पहिलो पटक पसलेलाई रु. ५ हजार र प्रयोगकर्तालाई रु. २ हजार जरिवाना गर्ने निर्णय गरिएको छ ।
बैठकले तिनै बडालाई भोजपुरी गित मुक्त क्षेत्र घोषणा गरिएको छ । निर्णय बिपरित भोजपुरी गितसंगित बजाएमा रु. ५ हजार जरिवाना गर्ने निर्णय गरिएको छ । भोजपुरी गितले समाजमा बिकृति, बिसंगति फैलाउने भएकोले रोक लगाईएको छ । यसले भैm–झगडा हुनुका साथै बालबालिका र महिलालाई नाकारात्मक असर पार्ने भएकाले आफूहरुले अभियान नै थालेको बडा अध्यक्ष राइनले स्पष्ट गरे । बैठकले तिनै बडा क्षेत्रमा पर्ने कमला नदिबाट जथाभाबी गिटी र बालुवा निकासी गर्न नदिने निर्णय गरिएको छ। बिद्यार्थीहरुलाई शौक्षिक अध्ययन कार्ड उपलब्ध गराई पठनपाठनमा प्रोत्साहन गर्ने समेत निर्णय गरिएको छ ।
बैठकले १६ बर्ष मुनिका युवायुवतिलाई मोवाईल र मोटरसाइल प्रयोग गर्न रोक लगाईएको बडा अध्यक्ष राईनले जनाए । मोवाइलले समाजमा बिकृति बढाएको बैठकले निष्कर्ष निकाल्दै निर्णय बिपरित प्रयोग गरेको पाईएमा पहिलो पटक रु. ५ सय जरिवाना गर्ने निर्णय गरिएको जारी बिज्ञप्तीमा उल्लेख रहेको छ ।
