मंसिरमा हुने एनसेल ‘पर्पल फेष्ट’ मा कपिल शर्मा, सोनु निगम लगायत नेपाली कलाकारद्वारा मनोरञ्जन दिइने
Advertise Here Book Now
काठमाडौं, कात्तिक २९– एनसेलले आफ्ना ग्राहकलाई मनोरञ्जन प्रदान गर्ने उद्देश्यले यहि मंसिर २७ मा सांगीतिक तथा मनोरञ्जले भरिपूर्ण कार्यक्रम, एनसेल पर्पल फेष्ट आयोजना गर्न लागेको छ । पर्पल फेष्टमा नेपाली तथा भारतीय कलाकारहरुको उपस्थिती रहनेछ र एनसेलका ग्राहकको साँझ संगीत र हाँसोले भरिपूर्ण बनाउनेछ । कार्यक्रममा भारतका चर्चित हास्यव्यङ्ग कलाकार कपिल शर्मा र साङ्गितिक व्यक्तित्व सोनु निगमले नेपाली गायकहरु सुगम पोखरेल, यम बुद्घ तथा जीतु नेपाल र विल्सन विक्रम राईका साथ संगीत र ठट्टाको अद्भुत अनुभव प्रदान गर्नेछन् । यहि कात्तिक ३० देखि मंसिर २६ गतेसम्म १ जी बी वा त्योभन्दा धेरै डाटा एक्टिभेट गर्ने एनसेलका कुनै पनि ग्राहकहरुले काठमाडौं उपत्यका कुनै पनि तथा वनेपाका एनसेल सेन्टरबाट पर्पल फेष्टको टिकट प्राप्त गर्न सक्नेछन् । ग्राहकको सहजताका लागि एनसेलले तीन प्रकारका टिकटहरु उपलब्ध गराउने छ । कर वाहेक रु २९९९ मूल्य रहेको १० जीबी प्याकको खरिद गर्नेले गोल्ड टिकट, कर वाहेक रु १३९८ मुल्यको २ जीबी (१ जीबी प्लस १ जीबी प्याक) खरिद गर्नेले सिल्भर टिकट र कर वाहेक रु ६९९ रहेको १ जीबी डाटा प्याक खरिद गर्नेले ब्रन्ज टिकट प्राप्त गर्नेछन् । साथै ग्राहकले एउटा नम्बरबाट धेरैमा ३ वटा टिकट प्राप्त गर्न सक्नेछन् । ग्राहकले चाहेमा एकै प्रकारका वा फरक–फरक प्रकारका टिकट लिन सक्छन् । ग्राहकले एनसेल सेन्टरबाट टिकट लिनु पर्नेछ । “एनसेल पर्पल फेष्ट हाम्रो तर्फबाट ग्राहकहरुलाई विशेष उपहार हो । मनोरञ्जनले भरिपूर्ण यो कार्यक्रमले हाम्रा ग्राहकलाई थप उर्जा प्रदान गर्ने विश्वास लिएका छौं,” एनसेलकी कर्पोरेट कम्युनिकेसन्स निर्देशक सञ्जु कोइरालाले भनिन् । 
