सिरहामा १३ किलो गाँजा बरामद, तस्कर फरार खोजी कार्उ जारी

सिरहा

भारत तर्फ विक्रिका लागि लान तयार पारीएको १३ केजी अवैध गाँजा गएराती सशस्त्र प्रहरी बेसक्याम्प गोलबजारले बरामद गरेको छ । गोलबजार नगरपालीका वार्ड नं। ३ जमदहमा लुकाएर राखिएको ठाउँबाट विशेष सुराकीको आधारमा गाँजा बरामद गरिएको हो ।सशस्त्र प्रहरी वेसक्याम्प गोलबजारका प्रमुख इन्सपेक्टर विधुर भट्टराइको टोलीले गाजाँ बरामद गरेको जनाएको छ ।सिरहामा अहिले गाँजाको मूल्य प्रतिकेजी सात हजारभन्दा बढी रहेको बताइन्छ । त्यसको अनुपातमा सो गाँजाको मूल्य करिव एक लाख हुन आउँछ ।सिरहाको विष्णुपुरकट्टी, जमदह लगायतका नाकाबाट उदयपुर र सिरहामा उत्पादनभएको गाँजा भारतीय बजारसम्म पुर्याउने गरेको बताइन्छ । यसअघि पनि ती ठाउँबाट प्रहरीले ठूलो परिमाणमा गाँजा बरामद गरेको थियो ।प्रहरीले पटक पटक गाँजा बरामद गरेको भएपनि तस्कहरु भने फरार रहेको र उनीहरु अझै पक्राउ पर्ने सकेको छैन ।