गुडिरहेको बस सडकमै पल्टिँदा पाँच परीक्षार्थी घाइते
Advertise Here Book Now
ऑनलाइन सिरहा डटकम,२५ असार गुडिरहेको बस सडकमै पल्टिँदा खोटाङमा पाँचजना गम्भीर घाइते भएका
छन् । लोकसेवा आयोगको परीक्षा दिन खोटाङ आउने परीक्षार्थी लिएर दिक्तेल
आउँदै गरेको बा३ख ३४४१ नम्बरको यात्रुबाहक बस गएराति बुइपास्थित
पञ्चेदोबाटोमा पल्टिँदा पाँच परीक्षार्थी गम्भीर घाइते भएका हुन् ।
घाइते हुनेमा उदयपुरको साउने–३ की ३३
वर्षीया डबलकुमारी राई, सोही स्थानकी २४ वर्षीया गीता थापामगर, उदयपुर
नेपालटार–४ का २४ वर्षीय नेत्रबहादुर राई, भोजपुर लेकखर्क–१ का ३० वर्षीया
रमा सुयल र सप्तरी तरही–१ की ३७ वर्षीया चन्द्रकुमारी चौधरी रहेको जिल्ला
प्रहरी कार्यालय खोटाङका प्रहरी नायब उपरीक्षक विनोदराज खरेलले जानकारी दिए
। खरेलका अनुसार घाइते सबैको टाउकोमा गहिरो चोट लागेको छ ।
उनीहरुको जिल्लामा उपचार हुन नसकेपछि थप
उपचारका लागि काठमाडौँ पठाइएको यातायात व्यवसायी सङ्घ खोटाङका अध्यक्ष गणेश
शाहीले बताए । रेग्मीटारबाट ३४ जना परीक्षार्थी चढेको बस दुर्घटना हुँदा
अन्य परीक्षार्थी सामान्य रहेको प्रहरीले जनाएको छ ।
बस चालक सुनसरीका दलबहादुर पौडेललाई प्रहरीले नियन्त्रणमा लिएको छ ।
