डावरमा नृत्य प्रतियोगिता
Advertise Here Book Now
ऑनलाइन सिरहा द्त्क्म ,भाद्र ३१ -भाद्र
शुक्ल तृतीयाको दिन बुधबार नेपाली हिन्दू महिलाहरुले हरितालिका तीज
विभिन्न ढङ्गले मनाएका छन् । भाद्र शुक्ल द्वितीयाको राती दरको रुपमा मिठो
मसिनो खानेकुरा खाएका ब्रतालु महिलाहरु तृतीयाको दिन दिनभर निराहार ब्रत
बसेर पतिको दीर्घायु र सुस्वास्थ्यको कामना गर्छन् । पानी समेत पिउन समेत
नहुने मान्यता रहेको तीज मनाउन आफ्नो माइत आएका छोरीचेली र विभिन्न कारणले
आफ्नै घरमा रहेका बुहारी अनि अविवाहित चेलीहरुले तीजको दिन नाचगान गरेर
आफ्नो मनको बह पोख्छन् ।संविधान जारी हुने दिन नजिकिंदै गर्दा विशेष गरी तराई मधेशका जिल्लामा मधेशी दलहरुले गरेको आन्दोलनले यातायतका साधन नचल्दा केही सकस रहेको भएपनि सिरहाको विष्णुपुरकट्टी गा.वि.स. ४ डावरमा त्यसको छनकसम्म देखिएन । ‘महिला हिंसा अन्त्य गरौं, महिला मैत्री समाज स्थापना गरौं’ भन्ने नारासहित स्थानीय हातेमालो महिला सचेतना बचत तथा ऋण समूहको आयोजनामा भएको नृत्य प्रतियोगितामा विष्णुपुरकट्टीसहित धनगढी, मुक्सारका प्रतियोगी युवतीहरुले एकल र सामूहिक नृत्य देखाएका थिए । प्रतियोगितामा मुनाल बाल क्लव मुक्सार प्रथम, विष्णुपुरकट्टी १ मारुनी टोलका प्रतियोगी दोस्रो, विष्णुपुरकट्टी ४ भोर्लेनीकी एलिसा लामा तेस्रो र बालज्योति इङ्लिस बोर्डिङ् स्कूल मुक्सार भोर्लेनीकी लक्ष्मी लामा र विष्णुपुरकट्टी ३ सारी बजारकी मनिष परियारले सान्त्वना पुरस्कार पाउनु भएको छ ।
धनगढीस्थित शिशुज्योति इङ्लिस बोर्डिङ् स्कूल, मेलमिलाप तथा विकास मञ्च, कालिका सामुदायिक वन उपभोक्ता समूह र श्रृजना सामुदायिक विकास केन्द्र धनगढी शाखाको सहयोग रहेको नृत्य प्रतियोगितामा प्रथम, दोस्रो, तेस्रो र सान्त्वना भएका प्रतियोगीहरुलाई शिशुज्योतिका प्रमुख शिवशंकर महतो र विष्णुपुरकट्टीका पूर्व गा.वि.स. अध्यक्ष नेमबहादुर मगर र आयोजक संस्थाकी अध्यक्ष सुशीला मगरले क्रमशः पाँच, तीन, दुई, एक र सात÷सात रुपैयाँ र प्रमाण पत्र वितरण गर्नु भएको थियो । अधिकारकर्मी तथा समग्र जनउत्थान केन्द्र लहानका अध्यक्ष देवराज पोखरेलको प्रमुख आतिथ्यमा सम्पन्न प्रतियोगिताको राममणि मिश्र, दुर्गा परियार, महेश्वर श्रेष्ठ र शोभा शाही निर्णायक रहनु भएको थियो । उक्त समारोहमा सिङ्गो विष्णुपुरकट्टी गा.वि.स.मा पहिलो शिक्षिका र महिला नेतृ निर्मला पोखरेल, समाजसेवी र महिला सशक्तिकरणमा अग्रणी भूमिका निर्वाह गरेको भन्दै धनगढीकी बालकुमारी राउत र बुद्ध महिला बचत तथा ऋण सहकारीकी अध्यक्ष फूलकुमारी श्रेष्ठलाई दोसला, खादा ओढाएर सम्मान गरिएको थियो ।
