छठ पर्वमा चाहिने बाँसका सामाग्री निर्माणमा व्यस्त छन् सिरहाका डोम समुदाय
Advertise Here Book Now
माग बमोजिम ती सामान पूर्ति गर्न डुम समुदायलाई हम्मेहम्मे परेको कुरा सिराहाका रामगोपालपुरकाले बताउनुभयो । जिल्लाको बजारमा अहिले एउटा डालाको रु. २ सयदेखि ४ सयसम्म, नाङ्लोको १ सयदेखि २ सय र टपरीको ७० देखि १ सय २० सम्ममा बिक्री हुने गरेको रामगोपालपुरका विपती डुमले बताउनुभयो । छठ पूजामा एउटा परिवारले एउटा डाला, दुई वटासम्म नाङ्गलो र तीनदेखि पाँच वटासम्म टपरी प्रयोगमा ल्याउने गरेकाले यी भाँडाकुडा किन्नमा बर्सेनि एक परिवारले कम्तीमा रु. एक हजार खर्चिनु परेको सिराहा गोविन्दपुरको रोहित मण्डलले बताउनुभयो ।
सिरहाका डुमले छठ पर्वको बेला आप्mना परिवारका प्रत्येक महिला पुरुष एवं बुढादेखि बच्चासम्म सबैलाई बाँसका भाँडाकुडा बनाउनमा लगाएका हुन्छन् । छठ पर्वको बेला सिरहाका प्रत्येक डुम परिवारले आफनो कार्य क्षमताअनुसार दुईतीनदेखि पाँच÷सात लाख रूपैँयासम्म कमाउने गरेको कुरा लहानका साधु डुमले बताउनुभयो । सिरहाका करिब एक हजार डुम परिवार अझै पनि बाासकै भाँडाकुडा बनाएर आफनोजीविकोपार्जन गर्न सक्षम रहेका छन् । छठ पूजाबाहेक सिरहाका डुम समुदायले बनाएका बाँसका डाला, नाङ्गलो र टपरी पूजाआजा, शुभकार्य र कर्मकाण्डको बेला बिक्री हुने गर्दछ ।
