सिरहामा सरकारको बिरुद्धमा मानव सांगलो बनाईयो सरकार विरुद्ध कडा नाराबाजी (फाटो फिचर)

ऑनलाइन सिरहा डटकम राम नारायण पंडित, सिरहा, १६ मंसिर ।सिरहामा सरकारको विरुद्धमा मानव सांगलो प्रदर्शन गरिएको छ । जारी मधेश आन्दोलनको सम्बोधन गराउन सरकारलाई थप दवाब दिने उदेश्यले आज बिहान मानव सांगलो प्रदर्शन गरिएको छ । तराई मधेशमा तिन महिना भन्दा बढी समयदेखि आन्दोलन जारी रहेपनि सरकारले मधेशको माँग सम्बोधन गर्न नचहेकोले तत्काल माँग सम्बोधन गरि समस्याको समाधान गर्न मानब सांगलो प्रदर्शन गरि सरकारलाई ध्यानार्कषण गराइएको छ । सिरहाको पश्चिम सिमाना कमला नदि देखि पूर्वी सिमाना बलान नदिसम्म करीब ५७ किलोमिटर राजमार्गमा विद्यार्थीहरुले मानव सांगलो बनाएका छन् । मानव सांगलोमा निजि तथा सामुदायिक विद्यालयका विद्यार्थीहरुको साथै शिक्षक, शिक्षिका, क्याम्पस, नर्सिङ क्याम्पस, नागरिक समाज र संयूक्त लोकतान्त्रिक मधेसी मोर्चाका कार्यकर्ता सहभागी भएका थिए । विद्यार्थीहरुले मधेशको माँग पुरा गर, वर्तमान सरकार मुर्दाबाद र प्रहरी दमन बन्द गर जस्ता लेखिएका प्लेकार्ड बोकेका थिए । उक्त क्रममा विद्यार्थीहरुले सरकारको बिरुद्धमा कडा नाराबाजी समेत गरेका थिए । संयुक्त मधेशी मोर्चा, प्यावसन, एनप्यावसनको आहबानमा गरिएको मानब सांगलो प्रदर्शनमा ५० हजारको हाराहारीमा सहभागिता रहेको तमसपाका केन्द्रिय महासचिब राम कुमार मंडलले बताए । मानव सागलोमा जिल्लाको मिर्चैया, गोलबजार, धनगढी, बन्दिपुुरका साथै ग्रामिण क्षेत्रका बिद्यालयहरुका बिद्यार्थीसबको समेत सहभागिता रहेको थियो । मानब सांगलो प्रदर्शन गरेपछि आन्दोलनमा सहादत्त प्राप्त गरेका वीर शहिदहरुप्रति जिल्लाका बिभिन्न स्थानमा प्रार्थना सभा र श्रद्धान्जली सभाको आयोजना गरिएको मोर्चाले बताए ।