श्रेया घोसाल गर्भवती
Advertise Here Book Now
चर्चित बलिउड पाश्र्वगायिका श्रेया घोसाल गर्भवती भएकी छिन् । लोकप्रिय गायिका श्रेयाले गत वर्ष मात्रै लामो समयका प्रेमी एवं बाल्यकालदेखिका साथी शिलादित्य मुखर्जीसँग लगनगाँठो कसेकी थिइन् ।
शिलादित्य व्यवसायी हुन् । उनले युनिभर्सिटी अफ मुम्बईबाट इन्जिनियरिङ अध्ययन गरेका छन् । हालै एक इभेन्टमा आफ्नो बेबी बम्प (गर्भवती पेट) प्रदर्शन गर्दै श्रेयाले आफू आमा बन्ने संकेत गरेकी थिइन् । सुटुक्क विवाह गरेकी श्रेयाले यस विषयमा केही बताउन नमानेको बताइन्छ । यद्यपि उनी यो वर्ष नै आमा बन्ने पक्का भएको विभिन्न समाचारमा उल्लेख छ । टाइम्स अफ इन्डियाले प्रश्नचिह्न राख्दै यस विषयमा समाचार बनाउँदा पनि श्रेयाले कुनै आपत्ति जनाएकी छैनन् ।
