सिरहामा कटुवा पेस्तोलसहित युवक पक्राउ
Advertise Here Book Now
चैत १५ । प्रहरीले सिरहाको बिष्णुपुरकट्टीबाट आइतबार राती कटुवा पेस्तोलसहित एक युवकलाई पक्राउ गरेको छ।
बिशेष सुराकीको आधारमा इलाका प्रहरी कार्यालय लहानबाट खटिएको टोलीले बिष्णुपुरकट्टी ४ बस्ने १९ बर्षिय जितेन्द्र महतोलाई पेस्तोलसहित पक्राउ गरेको हो।
प्रहरीले महतोले आफ्नै घरमा लुकाई राखेको अबस्थामा १ थान कटुवा पेस्तोल र सो पेस्तोलमा लाग्ने एक राउण्ड गोली फेला पारेको हो।
महतोलाई इलाका प्रहरी कार्यालय लहानमा राखी थप अनुसन्धान भईरहेको उक्त कार्यालयले जनाएको छ।
