जातीय संस्थामा स्वजातीयलाई नै सदस्यता दिएन्
Advertise Here Book Now
विरेन्द्र यादव विरु लहान, २६ चैत्त । लहान स्थित रहेको रौनियार सेवा समितिको बैठकले स्वजातीलाई नै सदस्यता नदिएकोले विवाद बढेको छ । सदस्यताको लागि समितिका अध्यक्ष देवनारायण गुप्ता र उपाध्यक्ष विजय गुप्तालगायतले अनावश्यक रुपमा संस्थाको विधान विपरित अतिरिक्त एक लाख रुपैयांको माग गरेपछि विवाद बढेको छ । लहान ६ निवासी गोपाल गुप्ताले विधान बमोजिम रकम (रु ५१५१।—) दिन तयार रहेको पनि जर्बजस्ती थप एक लाख नदिएसम्म सदस्यता नदिने कुरा आएपछि विवाद भएको गोपाल गुप्ताले फेसबुकमा आफ्ना स्टाटस् सार्वजनिक गरेका छन् । यसरी विधानको खिलाफमा गरिएको कार्यप्रति विरोध जनाउंदै रकम अनियमिताको सवालले संस्थाप्रति प्रश्न चिन्ह खडा भएको छ । सदस्यताको लागि गोपाल गुप्ताले एक महिना पहिले निवेदन दिइएका थिए । गोपालले भने हैकमवादी प्रवृतिका पदधिकारीहरुले आज बसेको बैठकमा मेरो निवेदन मलाई नै फिर्ता गरी बेइज्जतीका साथ त्यहांबाट बाहिरी निकालिएका छन् । यसरी बेइज्जतीका साथ मलाई मानहानी हुने गरी गरिएको कार्यप्रति विरोध गर्दै आवश्यक कारवाहीको लागि प्रशासनमा जाने उनी बताउंछन् । उता, उपाध्यक्ष गुप्ताले भने हामी गोपाललाई विधानकै आधारमा सदस्यता दिन तयार रहेको जिकिर गरेका छन् ।
