कमला खोलामा गोलबजारका तीन बालक बेपत्ता, एकको मृत्यू
Advertise Here Book Now
नवसंग्राम दैनिक लहान, ९ भदौ । जल चढाउंनको लागि कमलाको उत्तराइनी पुगेका तीन बालक आज बेपत्ता भएका छन् । सिरहाको गोलबजार ४ बस्ने बर्ष १५ को मनोज महरा, सोही ठाउंका बर्ष १४ का राहुल महरा, दूई जनाको नाम खुल्न नसकेका गरी चार जनाको समूहमा गएका मध्ये तीन कमला खोलामा बेपत्ता भएको छ । एक जना बालकलाई स्थानीयहरुले उद्धार गरेको ईलाका प्रहरी कार्यालय मिर्चैयाले जनाएको छ । गोलबजार स्थित रहेको शिव मन्दिरमा जल चढाउंनको निम्ति कमलाको उत्तराइनी जानेको यत्तिबेला भिड् बढेको छ । कमलाको उत्तरीभेगमा खोला उत्तरतर्फ वग्ने गरेकोले त्यस ठाउंलाई उत्तराइनी भन्दै आएको छ । पहाडतीर बर्षा भएकोले कमला खोलामा दूई दिनदेखि पानीको वहाव गतिलो बनेको छ । बालकहरु कमला खोलामा जल लिन जांदा उनीहरुलाई बगाएर लगेको हो । यसैबीच सिन्धुलीको कमलानदीले बगाँउदा एक जनाको ज्यान गएको छ । कमलाखोलाले बगाएर दुधौली नगरपालिका २ बस्ने ६५ वर्षीय मलेसी दनुवारको मृत्यु भएको जानकारीमा आएको छ । गाइबस्तु चराउन कमलाखोला पारी जाने क्रममा खोला तर्दा उनको मृत्यु भएको हो । उता, रौतहटमा ढुंगा दुर्घटना हुंदा आजै ४० जना मध्ये २५ जना सम्पर्क विहीन भएका छन् । १५ जनालाई उद्धार गरिएको छ ।
