जेपी गुप्ता र सरिता गिरीबीच नयाँ मोर्चा
Advertise Here Book Now
काठमाडौं । संयुक्त लोकतांत्रिक मधेशी मोर्चाको अवधारणा र कार्यशैली प्रति असंतुष्टि जनाउँदै आएका दुई मधेशी राजनीतिक शक्ति बीच नयाँ मोर्चाबंदी हुन गई रहेको छ। तराई मधेश राष्ट्रिय अभियानका नेतृत्व गरि रहेका जेपी गुप्ता र नेपाल सदभावना पार्टीकी अध्यक्ष सरिता गिरी बीच नयाँ गठबंधन बन्ने भएको छ।
आज यस नयाँ गठबंधनको औपचारिक घोषणा हुने स्रोतले जनाएको छ। संयुक्त लोकतांत्रिक मधेशी मोर्चालाई सरकारी मोर्चा बताउँदै आएका गुप्ता र जेपीले मधेशको मुद्दालाई सड़कबाट दबाब दिनका लागि मोर्चा बनाईने अभियानका एक नेताले जानकारी दिए।
यस बारेमा अहिले दुबै मध्ये कुनै नेताले बोल्न चाहेनन, तर गिरीले केही महत्त्वपूर्ण निर्णय हुने बताइन । मधेशी मोर्चाले सत्ताको लागि आफ्नो मूल नीति र सिद्धांत संगनै समझौता गरेको आरोप अध्यक्ष गिरीले लगाईन। उनले मधेशी मोर्चाले एक मधेश एक प्रदेशको मांगलाई छोडेर मधेशी जनतासंग धोखा गरेको बताएकी छिन ।
उता, जेपी गुप्ताले पनि मधेशी मोर्चामाथि सत्तामा जानको लागि बनेको मोर्चा बताउँदै आएका छन। पूर्वमा संयुक्त लोकतांत्रिक मधेशी मोर्चाको गठनमा विशेष भूमिका निर्वाह गरेका गुप्ता अहिले मोर्चालाई मधेश विरोधी र सत्तामुखी भन्दै आएका छन ।
