‘सरकार सञ्चालनमा एमाले नसच्चिए दुर्घटना’
Advertise Here Book Now
ऑनलाइन सिरहा डटकम बैशाख १८ । सत्तारुढ एमाओवादीले प्रधानमन्त्रीको कार्यशैलीबारे आलोचना गरेको छ । प्रधानमन्त्री केपी शर्मा ओली एकलौटी चल्न खोजेको निस्कर्ष निकाल्दै एमाओवादीले गठबन्धन तोड्न सक्ने समेत चेतावनी दिएको छ । एमाओवादी उपाध्यक्ष नारायणकाजी श्रेष्ठले बाणी वहसमा ऋषि धमलासँग कुरा गर्दै एमाले नसच्चिए सरकार सञ्चालनमा दुर्घटना हुन सक्ने बताए ।सरकारको समग्र पर्फमेन्स सन्तोषजन नरहेकाले प्रधानमन्त्रीले समिक्षा गर्नु पर्ने बताए । ‘प्रधानमन्त्री एकलौटी चल्न खोजेका छन्’ उनले भने ‘ आजको सर्वदलीय बैठका बोलाउदा समेत छलफल भएन, सहकार्य सिद्धान्तमा बनेका सरकारमा एकलौटी चल्न खोज्दा समस्या आउन सक्छ । ’सरकार पार्टीको एजेण्डा र जनताको चाहाना बारिह गए गठबनन्धन तोडीन सक्ने उनले चेतावनी दिए । सरकार सञ्चालनमा एमाले सच्निुपर्ने उनको तर्क छ ।भूकम्पपछिको पुनःनिर्माण, भारतको अघोषित नाकाबन्दी खुलेको लामो समय हुँदा पनि सरकारले सोचेअनुसारको कार्यप्रगति गर्न नसकेको उनले बताए । भूकम्पपछिको पुनः निर्माण लगायतका विषयमा सरकार कमजोर रहेका बताए ।
वैद्यसहितको एकता
उपाध्यक्ष श्रेष्ठले एमाओवादीले मोहन वैद्यसहितको पार्टी एकता चाहेको बताएका छन् । तर वैद्य आउन नसके एकता भने नरोकिने उनले बताए । केन्द्रीय समितिको बहुमत आफ्नो विपक्षमा भएपछि अल्पमतमा परेका वैद्यले केन्द्रीय समिति बैठक एक महिनाका लागि स्थगित गरेका छन् । त्यसपछि वैद्यलाई छाडेर बादल पक्ष एमाओवादीमा जान लागेको छ ।
